1 JUANIS 4:9 - Tanou Moonsoi Timugon

⁹ Gitio noyo ralan ri Aki Kapuuno' nampakito ra togom Nano ritakau: Nanusub Io ra Anak langkuir Nano minatong ra tana' ti, maa' boo raginio mokoowot takau ra kaayagan sabap Riso.

1 JUANIS 4:9 ပူးပေါင်းရင်းမြစ်များ

KASAUKAN 22:2

Indagu i Aki Kapuuno' riso, “Ibito' anak ungkuyon langkuir muno i Isak, ondo' tagamin muno am ongoi ra tana' Moria. Giu' no makagunung ondo' patuluon Kuno rirun, pataako' anak muno koson taak simbalui Raki'.”

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

MARKUS 12:6

Sangulun ayuk boo soroi, anak nali galama' ondo' tagamin nali. Susubo' no boo anak nali mongoi ra ulun-ulun naniwa' no, ‘Maaru' anak kutu urumaton nilo,’ pangkaraan nali.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

JUANIS 10:10

Mantatakou matong mongoi pantakou, mamatoi am mampalunsai. Kaa' aku minatong koson ilo ondo' mangkirongog Raki' mokoowot ra kaayagan, io no kaayagan ondo' malabaan.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

JUANIS 3:18

Osoi ayuk mangintopot ra Anak no kalo ukumin. Kaa' osoi ayuk kalo mangintopot Riso, inukum noyo sabap ra kalo nangintopot io ra Anak Langkuir ri Aki Kapuuno'.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

JUANIS 6:29

Indagu i Jisus, “Gitio noyo baalon min koson sumugut ra kasagaan ri Aki Kapuuno'; pangintopot kano Riso ondo' sinusub ri Aki Kapuuno'.”

JUANIS 6:51

Aku noyo ruti' mampakaayag ondo' timinuun intor ra suruga'. Osoi ayuk mangakan ra ruti' ragitio, maayag io ra mantilayun. Ruti' ra pataakin Kuno, io no inan Kutu, maa' raginio ulun ru tana' ti mokoowot ra kaayagan.”

JUANIS 6:57

I Ama' ondo' maayag nanusub Raki', am makakaayagan Aku intor Riso. Koson niayuk ra osoi ayuk mangakan ra inan Kutu, makakaayagan io intor Raki'.

JUANIS 8:29

Io ondo' nanusub Raki' i masalok mabaya' Raki'; kalo pinaluur No Aku, sabap ra masalok Aku sumugut ra kasagaan Nano.”

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

JUANIS 9:3

Taam i Jisus, “Ulun ti noolou sala' ka sabap ra tula nano galama' kapoam tula ru matuo nano, kaa' koson ralalom kaayagan nano paintalangon kuasa' ri Aki Kapuuno'.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

IBRANI 1:5

Kalo igondo' i Aki Kapuuno' no minindagu ra ati ayuk pana malaikat koson ragitio: “Okou no Anak Kuno; orou raiti' ngaangai' balain ra Aku Ama' Muno.” Kalo poyo niayuk i Aki Kapuuno' minindagu ra ati ayuk pana malaikat ra: “Aku masauk ra Ama' Nano, am Io masauk ra Anak Kuno.”

1 JUANIS 3:16

Atan togom no? Koson ragitio itakau makaulig ra togom ri Aki Kapuuno' no, ra i Jisus Kristus nampataak ra painawo Nano ritakau. Itakau pana musiti' manaak ra painawo takau ra pabukat-pabukat takau no.

1 JUANIS 4:10

Gitio noyo togom: sala' ka itakau nonogom ri Aki Kapuuno', kaa' i Aki Kapuuno' nonogom ritakau. Am nanusub Io ra Anak Nano sumauk ra pabansayan ru tula takau.

1 JUANIS 4:16

Nakapandai takau galama' am nangintopot ra motogom i Aki Kapuuno' ritakau. I Aki Kapuuno' noyo togom. Osoi ondo' bayag nano inonggom ru togom, ulun no siminimpung ri Aki Kapuuno' am i Aki Kapuuno' siminimpung riso.

1 JUANIS 5:11

Gitio noyo kaintutunan i: nangani' noyo i Aki Kapuuno' ritakau ra kaayagan motopot am mantilayun am Anak Nano puun ru kaayagan ti.

1 JUANIS 5:13

Tulisin ku gitio ramuyun ondo' mangintopot ra Anak ri Aki Kapuuno', maa' raginio mapandayan min ra akau no mokoondo' ra kaayagan motopot am mantilayun.