1 JUANIS 4:21 - Tanou Moonsoi Timugon

²¹ Gitio noyo panusuban ondo' pinataak ri Jisus Kristus ritakau: Osoi ayuk motogom ri Aki Kapuuno' musiti' motogom ra pabukat nano.

1 JUANIS 4:21 ပူးပေါင်းရင်းမြစ်များ

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

MATIUS 5:43

“Maaru' nokorongog kau ra pangilaan: ‘Tagami' noyo rangan mino am kasisang no ra pantula' mino.’

LUKAS 10:37

Taam mangingila' ra Ukum ri Musa i, “Ulun ondo' makaasi' riso no.” Indagu boo i Jisus, “Ugar am bayaa' noyo paliso koson raginio!”

JUANIS 15:12

Gitio noyo panusuban Kutu; kotogom kano ra rondo' am bokon, nogondo' ra Aku pana motogom ramuyun.

GALATIA 5:14

Ngaangai' suang ru Ukum ri Musa no sinimpung kariwaa' ra rondo' ayuk panusuban, iogitio: “Kotogom no ra ngaangai' ulun koson okou monogom ra inan muno galama'.”

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

1 TISALONIKA 4:9

Kalo pana boo mamatik akai ramuyun ra ati kulaan motogom ra pabukat min ra Kristian, sabap ra akau galama' naila' noyo ri Aki Kapuuno' koson motogom ra rondo' am bokon.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 4:8

Kaa' kasaa' toojo ti, tagami' noyo toojo rondo' am bokon, sabap ra intor raginio tula mino ra masuang ampunon noyo ri Aki Kapuuno'.

1 JUANIS 2:7

Pabukat ondo' tagamin ku! Ondo' tulisin kutu sala' ka rondo' panusuban nakabagu. Gitio susuban nakalair ondo' pinasaboi ramuyun intor ra akau nangintopot ri Kristus. Io ti am pambalaan nakalair intor ri Aki Kapuuno' ondo' norongog min noyo.

1 JUANIS 3:11

Naintaran noyo ra talimpuun i, pambalaan ragitio pinasaboi ramuyun. Musiti' motogom takau ra rondo' am bokon.

1 JUANIS 3:14

Nakapandai takau no ra iniruanan takau noyo kapatayan am minanding takau no ra kaayagan mantilayun. Napandayan takau gitio sabap ra motogom takau ra rondo' am bokon. Osoi ayuk kalo motogom, io no lakat ayuk poyo inonggom ru kapatayan.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.

1 JUANIS 3:23

Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.

1 JUANIS 4:11

Pabukat kau ngaangai' ondo' tagamin ku! Amon ru motogom toojo i Aki Kapuuno' no ritakau, itakau pana musiti' motogom ra rondo' am bokon.