1 JUANIS 4:16 - Tanou Moonsoi Timugon

¹⁶ Nakapandai takau galama' am nangintopot ra motogom i Aki Kapuuno' ritakau. I Aki Kapuuno' noyo togom. Osoi ondo' bayag nano inonggom ru togom, ulun no siminimpung ri Aki Kapuuno' am i Aki Kapuuno' siminimpung riso.

1 JUANIS 4:16 ပူးပေါင်းရင်းမြစ်များ

MAZMUR 31:19

Polosoo' noyo ulun-ulun maabau-abau tumambungangang, sabap ra malilimbau ilo am magasab ra ulun ondo' mabanis guang.

JISAYA 64:4

Kalo igondo' osoi-osoi pana makakito kapoam mangkirongog ra suai intor Rirun, mokoondo' i aki kapuuno' ondo' mambaal ra baal koson raginio ra ulun lumansan riso.

JUANIS 6:69

Raino mangintopot akai toojo ra Okou no Matulai ondo' sinusub ri Aki Kapuuno'.”

JUANIS 9:3

Taam i Jisus, “Ulun ti noolou sala' ka sabap ra tula nano galama' kapoam tula ru matuo nano, kaa' koson ralalom kaayagan nano paintalangon kuasa' ri Aki Kapuuno'.

1 KORINTUS 2:9

Kaa' koson tinulisan ra Buuk Kitab, “Atan ondo' kalo igondo' kakito am korongog ru ulun, ondo' kalo igondo' karaa' ru ulun ra mabaal, ginio inatang ri Aki Kapuuno' ra ulun ondo' motogom Riso.”

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

1 JUANIS 3:16

Atan togom no? Koson ragitio itakau makaulig ra togom ri Aki Kapuuno' no, ra i Jisus Kristus nampataak ra painawo Nano ritakau. Itakau pana musiti' manaak ra painawo takau ra pabukat-pabukat takau no.

1 JUANIS 3:24

Ngaangai' ulun ondo' maya' ra susuban ri Aki Kapuuno', maayag sumimpung ri Aki Kapuuno', am i Aki Kapuuno' pana sumimpung risilo. Am nakapandai takau ra i Aki Kapuuno' maayag sumimpung ritakau, sabap ra nangani' Io ritakau ra Ambiluo Nano.

1 JUANIS 4:7

Pabukat kau ngaangai' ondo' tagamin ku! Kotogom kano ra rondo' am bokon, sabap ra togom ti intor ri Aki Kapuuno'. Ulun ondo' motogom, io no anak ri Aki Kapuuno' am nakaulig io ri Aki Kapuuno'.