1 JUANIS 3:5 - Tanou Moonsoi Timugon

⁵ Nakapandai kano ra rinatangan ri Jisus Kristus ra tana' ti koson mamuso ra tula ru ulun. Am i Jisus galama' kolondo' tula.

1 JUANIS 3:5 ပူးပေါင်းရင်းမြစ်များ

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

LUKAS 23:41

Ukuman tati ragitio sama' pambabalos ru binaal tali, kaa' ulun ragitio kolondo' tupo sala!”

LUKAS 23:47

Kakito ru tingganai ru saujor atan ondo' nasauk i, pongompor io ri Aki Kapuuno', kono, “Motopot, ulun ti kolondo' sala!”

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 1:31

Ragili, kalo nakatutun aku osoi Io ti, kaa' koson mampaintutun Riso ramuyun, ulun ru Israil, minatong aku mampariu' ramuyun ra timug.”

JUANIS 14:30

Kalo boo masuang raguon Kutu ramuyun, sabap ra nasuku' noyo paat ra io ondo' manguasa' ra tana' ti matong. Kaa' kalo makapanguasa' io Raki'.

JUANIS 8:46

Osoi intor ramuyun no mampainono' ra makatula Aku? Amon ru mindagu Aku ra motopot, kua pai' kau pangintopot Raki'?

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 9:26

Sabap ra amon ru koson poyo raginio misasaguli' Io potoyon intor ra tana' ti biningkal. Kaa' sotopot no, raino mamaar noyo ra pamupusan, riminatong noyo i Kristus igondo' ayuk koson mampataak ra painawo Nano mamuso ra tula ru ulun am ginio sama' ra sabuoi-buoi no.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 1:18

Nakapandai kano ra logo ondo' binayaran nampalabus ramuyun intor ra kaulayan ra kolondo' onong ondo' sinugul min intor ra kinamatuaan min i. Pai' ru koson ra pirok kapoam mas ra maalap kalunsai no ondo' nakapampalabus ramuyun;

1 PITRUS 1:20

I Kristus ti pinili' noyo ri Aki Kapuuno' ra tana' ti kalo poyo biningkal, kaa' raino boo ra io mamaar noyo Orou Pupus, pinaintalang Io noyo ramuyun.

1 PITRUS 2:22

Kalo noyo igondo' Io makatula am kolondo' sangulun pana nakaili' nokorongog ra magabau Io.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 JUANIS 1:2

Paat ra kaayagan no pinabala', nakakito akai Riso. Ginio nai ra akai mantunung ra ondo' nakito mai intor Riso, koson ra kaayagan mantilayun ondo' soroi nabaya' ri Ama', am ondo' pinabala' ramon.

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.

1 JUANIS 2:29

Nakapandai kano ri Jisus Kristus naayag maya' ra kasagaan ri Aki Kapuuno'. Ginio boo ra akau musiti' makapandai ra moonong ulun ondo' maayag maya' ra kasagaan ri Aki Kapuuno', io no anak ri Aki Kapuuno'.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.