1 JUANIS 3:19 - Tanou Moonsoi Timugon

¹⁹ Gitio noyo ralan takau mangulig ra itakau ti anak ri Aki Kapuuno', saboi guang takau makakaansayan ra saang ri Aki Kapuuno'.

1 JUANIS 3:19 ပူးပေါင်းရင်းမြစ်များ

MAZMUR 119:56

Makaalap aku ra bansuk ra gumagaya' ra panusuban Muno.

JISAYA 32:17

Pagun raginio kalinuos ayuk am kolondo' sasou ra sabuoi-buoi no sabap ra moonong ulun mambaal ra atan ayuk motopot.

JUANIS 13:35

Amon ru motogom kau ra rondo' am bokon, bagu mapandayan ru ngaangai' ulun ra akau no maamaya' Kuno.”

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

ROMA 4:21

Nangintopot io toojo ra atan ondo' binantu' ri Aki Kapuuno' totopot masauk.

ROMA 8:38

Mangintopot aku ra kolondo' makapanginga' ri Kristus monogom ritakau: iou pana kapatayan kapoam kaayagan; iou pana malaikat kapoam mangunguasa'; iou pana ondo' masauk raino kapoam ra orou matong no; iou pana kuasa' ondo' soroi ra rasawat kapoam ra ragana' ti; Kolondo' intor ra pinasauk no makapanginga' ri Aki Kapuuno' monogom ritakau koson ra pinakito Nano ralalom inggalan ri Kristus Jisus, Tuhan takau.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 11:13

Ngaangai' ulun raginio nampaguut ra pangintapatan saboi ra ilo minatoi, kabalu' ra kalo nokoowot ra atan ondo' binantu' ri Aki Kapuuno' risilo. Nakito ilo intor ayuk ra maalur am apuo' nilo. Ginio ra nangiou ilo ra giti ra tana' ti, ilo ti ulun bansa' ru bokon ondo' kolondo' intok karandanan galama'.

1 JUANIS 1:8

Amon ru mindagu takau ra kolondo' tula takau, ragu ragitio abau ayuk, am kolondo' katapatan soroi ra guang takau.

1 JUANIS 2:21

Tulisin ku gitio ramuyun sala' ka kalo nakaulig kau ra pangilaan motopot ri Aki Kapuuno', kaa' nauligan min noyo am kolondo' abau ra pangilaan ri Aki Kapuuno' ondo' motopot no.

1 JUANIS 3:14

Nakapandai takau no ra iniruanan takau noyo kapatayan am minanding takau no ra kaayagan mantilayun. Napandayan takau gitio sabap ra motogom takau ra rondo' am bokon. Osoi ayuk kalo motogom, io no lakat ayuk poyo inonggom ru kapatayan.

1 JUANIS 3:20

Amon ru guang takau sumonsol ritakau, nakapandai takau ra i Aki Kapuuno' maayo guang Nano intor ra sonsol ru guang takau, am makapandai Io ra ngaangai' no.

1 JUANIS 3:21

Pabukat kau ngaangai' ondo' tagamin kuno! Amon ru guang takau kalo sumonsol ritakau, makakau' takau makiasi' ra saang ri Aki Kapuuno'.