1 JUANIS 3:14 - Tanou Moonsoi Timugon

¹⁴ Nakapandai takau no ra iniruanan takau noyo kapatayan am minanding takau no ra kaayagan mantilayun. Napandayan takau gitio sabap ra motogom takau ra rondo' am bokon. Osoi ayuk kalo motogom, io no lakat ayuk poyo inonggom ru kapatayan.

1 JUANIS 3:14 ပူးပေါင်းရင်းမြစ်များ

MAZMUR 16:3

Mapara' bobonsoi ru ulun ondo' mampagagaya' ri Aki Kapuuno'! Gumogot aku toojo mababaya' risilo.

AMSAL 21:16

Ulun ra kalo maya' ra ralan kaayagan ra mataau, maaru' sumuku' ra patayan.

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

LUKAS 15:24

Sabap ra anak kuno koson ra minatoi kaa' naayag io po saguli'; timinanggau io, kaa' raino siminaguli'.’ Bunsag i pana pinatalimpuun.

LUKAS 15:32

Kaa' musiti' takau munsag am pakaansuk, sabap ra boborok muno koson ra minatoi kaa' naayag io po saguli'; timinanggau io, kaa' raino siminaguli'.’ ”

LUKAS 7:5

sabap ra moonsoi guang nano am motogom io ra bansa' takau. Ilai', tinambalayan no akai poyo ra baloi sambayangan.”

JUANIS 13:35

Amon ru motogom kau ra rondo' am bokon, bagu mapandayan ru ngaangai' ulun ra akau no maamaya' Kuno.”

JUANIS 15:12

Gitio noyo panusuban Kutu; kotogom kano ra rondo' am bokon, nogondo' ra Aku pana motogom ramuyun.

JUANIS 15:17

Gitio noyo panusuban Kutu ramuyun; kotogom kano ra rondo' am bokon.”

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IPISUS 1:15

Sabap raginio, intor aku nakaining ra ati kulaan pangintapatan min ra Tuhan Jisus, am niayuk ra togom min ra ngaangai' ulun ri Aki Kapuuno',

IPISUS 2:1

Ra galing i ra pagilangan ri Aki Kapuuno' koson ayuk ra minatoi kano sabap ra anggal am tula mini.

IPISUS 2:5

saboi sabap ri Kristus itakau inanian ra kaayagan bagu. Ragili itakau koson ra minatoi ayuk ra pagilangan Nano sabap ra anggal am tula takau, kaa' raino sabap ra asi' ri Aki Kapuuno' binayag takau noyo.

KOLOSI 1:4

Sabap ra nakaining akai noyo ra ati kulaan pangintapatan min ri Jisus Kristus am togom min ra ngaangai' ulun ri Aki Kapuuno'.

1 TISALONIKA 4:9

Kalo pana boo mamatik akai ramuyun ra ati kulaan motogom ra pabukat min ra Kristian, sabap ra akau galama' naila' noyo ri Aki Kapuuno' koson motogom ra rondo' am bokon.

IBRANI 13:1

Pontotogom kano ra rondo' am bokon ra mabubukat takau ralalom ri Kristus.

1 PITRUS 1:22

Sabap ra gumagaya' kau ra pangilaan ri Aki Kapuuno' ti noyo, migimpasau kano, saboi mokoponogom kau boo ra pabukat min ra Kristian. Intor raginio, tagami' noyo rondo' am bokon mabaya' ra guang mapasau.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

2 PITRUS 1:7

Am kaayagan min kasagain ri Aki Kapuuno' no, ruangin ra guang motogom ra ulun Kristian; am ginio ruangin ra guang motogom ra ngaangai' ulun.

1 JUANIS 2:3

Amon ru gumagaya' takau ra ngaangai' susuban ri Aki Kapuuno', ginio tatandu' ra itakau ti nakaulig ri Aki Kapuuno'.

1 JUANIS 3:23

Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.

1 JUANIS 4:12

Kolondo' sangulun pana nakakito ri Aki Kapuuno'. Kaa' amon ru motogom takau ra rondo' am bokon, sumimpung i Aki Kapuuno' ritakau am togom Nano tumilayun ritakau.

1 JUANIS 5:13

Tulisin ku gitio ramuyun ondo' mangintopot ra Anak ri Aki Kapuuno', maa' raginio mapandayan min ra akau no mokoondo' ra kaayagan motopot am mantilayun.

1 JUANIS 5:2

Gitio noyo napandayan takau ra itakau ti motogom ra anak-anak ri Aki Kapuuno': Motogom takau ri Aki Kapuuno' am mintopot ra susuban Nano.