1 JUANIS 2:28 - Tanou Moonsoi Timugon

²⁸ Pabukat kau ngaangai', pagulayun kano simpung ri Jisus Kristus! Paat ra ratangan Nano, makakau' takau toojo muma' Riso, am kalo mansibuni sabap ra mauyu'.

1 JUANIS 2:28 ပူးပေါင်းရင်းမြစ်များ

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

MALIAKI 3:2

Kaa' osoi kia ondo' tumaan ra orou Io matong am mintalang ra inan? Io koson ra sabun ondo' totopot makalulu' am koson ra apui ondo' manuyu' ra logam.

MALIAKI 4:5

Kaa' kalo poyo orou ondo' maayo am makalalaa' ondo' inaru' Kuno ra matong, susubon Ku Nabi Ilia mongoi ramuyun.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

MARKUS 8:38

Sabap ra osoi ayuk mauyu' mangiou Raki' am pangilaan Kuno ra tatanga' ru ulun ondo' kalo boo mangintopot am makatula ti, Anak ru Ulun pana mauyu' mangiou ra ulun raginio paat ra Io matong ralalom katulayan ru Ama' Nano, sumbayaan ru malaikat-malaikat ondo' matulai.”

LUKAS 17:30

Koson niayuk raginio orou ru Anak ru Ulun paintalangon.

ROMA 9:33

Tinulisan noyo ra Buuk Kitab intor ra batu no koson ragitio; “Ilai', mapabanta' Aku ra batu giu' ra Sion, ondo' kasaruan ru ulun, rondo' batu maayo ondo' karatuan ru ulun. Kaa' osoi ayuk mangintopot Riso kalo mangkaus.”

1 KORINTUS 1:7

saboi kalo matatakan kau ra atan ayuk pana taak intor ri Aki Kapuuno', buoi min maginaa ra ratangan saguli' ru Tuhan takau, i Jisus Kristus.

1 KORINTUS 15:23

Kaa' sigagama' bayagon saguli' sumugut ra pangaruan Nano; kasaa' i Kristus; am tauli no paat ra Io matong saguli', bagu no ulun ondo' mangintopot Riso no.

IPISUS 3:12

Sabap ra pasimpungan am pangintapatan takau ri Kristus makakau' takau minggaar ri Aki Kapuuno' am intopoton noyo ra itakau rongogon No.

KOLOSI 3:4

Ginio nai ra i Kristus noyo puun ru kaayagan bagu mino. Am paat ra Io paintalangon saguli', makapasimpung kau Riso ra katulayan Nano.

1 TISALONIKA 2:19

Akau no toojo kalansanan am kaansukan mai. Sabap ra paat ra ratangan saguli' ru Tuhan Jisus ra tumuum takau Riso, akau no sasaban ru paringkuanangan maino.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

1 TIMOTIUS 6:14

suguto' noyo toojo ngaangai' panusuban ragitio mabaya' ra guang mapasau koson kolondo' makapanguu' rirun, suku' ra Orou ratangan ru Tuhan takau i Jisus Kristus.

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

1 JUANIS 3:21

Pabukat kau ngaangai' ondo' tagamin kuno! Amon ru guang takau kalo sumonsol ritakau, makakau' takau makiasi' ra saang ri Aki Kapuuno'.

1 JUANIS 4:17

Togom tumilayun ralalom kaayagan takau, io no mampasauk ritakau makakau' paat ra Orou Pangukuman. Makakau' takau sabap ra bayag takau ra tana' ti mogondo' ra bayag ri Jisus Kristus.

1 JUANIS 5:14

Makakau' takau muma' ri Aki Kapuuno', sabap ra mangintopot takau ra rongogon No pakiasian takau amon ru makiasi' maya' ra kasagaan Nano.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.