1 JUANIS 2:26 - Tanou Moonsoi Timugon

²⁶ Tulisin ku pambalaan ragitio ramuyun koson ra ulun-ulun ondo' mangkinam mamparuung ramuyun.

1 JUANIS 2:26 ပူးပေါင်းရင်းမြစ်များ

2 JUANIS 1:7

Masuang noyo mamparuung ra ulun ra tikop-tikop ru tana' ti. Ilo ti ulun ondo' kalo mangintopot ra i Jisus Kristus minatong ra tana' ti siminauk ra ulun. Ulun raginio mamparuung am tumula' ri Jisus Kristus.

1 JUANIS 3:7

Pabukat kau ngaangai', pai' min polosoo' osoi ayuk pana mamparuung ramuyun. Ulun ondo' mambaal ra kasagaan ri Aki Kapuuno', io ti ulun motopot koson ri Jisus Kristus niayuk motopot.

MARKUS 13:22

Sabap ra ilo mamamayag magabau am ilo migiangku ra nabi rumatong. Mambaal ilo ra kaimuagan koson mamparuung ra ulun ri Aki Kapuuno' amon ru maalap.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

1 TIMOTIUS 4:1

Mindagu Ambiluo ri Aki Kapuuno' ra totopot paat orou ra tauli, mokoondo' ulun tumalikur intor ra pangintapatan ri Jisus Kristus; sumugut ilo ra ambiluo ondo' mampakalayau am maya' ra pangilaan ru riwato.

AMSAL 12:26

Ulun moonsoi mangitang ra rangan nano, kaa' ulun malaat mapalayau ra ulun.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

YEHEZKIEL 13:10

“Nabi-nabi no nampalayau ra ulun Kuno ra minindagu ra ngaangai' no moonsoi ayuk, kaa' sotopot no ngaangai' no kalo moonsoi! Ulun Kuno nambaal ra timbok ondo' kalo maikang, nabi-nabi no pana minatong am pinulak ginio ra kapur.