1 JUANIS 2:20 - Tanou Moonsoi Timugon

²⁰ Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 JUANIS 2:20 ပူးပေါင်းရင်းမြစ်များ

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

AMSAL 28:5

Ulun malaat kalo makaulig ra katimpakan; ulun ondo' sumamba ra Tuhan, io no makarati' toojo.

MAZMUR 23:5

Pinaatang Mu nansalinut akanon am inumon no raki', ra saang ru pantula' kuno; umaan Mu aku koson ra tambului maatang ondo' urumaton am lingigin Mu sangkir kuno suku' mototop.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

JUANIS 16:13

Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

IBRANI 1:9

Maansayan Kou ra katapatan am masisang Kou ra kalaatan. Ginio sabap ra Aku, i Aki Kapuuno', Tuhan Muno, nampili' am nangurumat Rirun am nangani' Rirun ra kaansukan maayo intor ra rangan-rangan Muno.”

1 JUANIS 4:13

Nakapandai takau noyo ra maayag takau sumimpung ri Aki Kapuuno' am maayag Io sumimpung ritakau, sabap ra nangani' Io noyo ritakau ra Ambiluo Nano.

MAZMUR 45:7

Kuasa' pinataak rirun ri Aki Kapuuno' mantilayun ra sabuoi-buoi no. Namarintaan muno ra mamagun muno matimpok toojo.

RINALATAN 3:14

I Jisus noyo matulai am moonsoi, kaa' kalo inapu min Io, am kinitaak min i Pilatus nampalabus ra sangulun mamamatoi.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

MARKUS 1:24

Kono, “Atan kia kitaakon Muno ramon, O Jisus, ulun ru Nasarit? Masaga' Kou kia mamuso ramon? Nakapandai aku osoi Kou: Okou noyo ulun sinusub ondo' binantu' ri Aki Kapuuno'!”

MAZMUR 92:10

Makapandai akai ra pantula' Muno pusoon, am ngaangai' ulun malaat kalaan.

MAZMUR 71:22

Omporon am rimbayin Tokou ondo' sumbayaan ru jitor; omporon ku gagaya' Muno, iou Aki Kapuuno' kuno. Rimbayin Tokou ra mazmur ondo' sumbayaan ru jitor, iou Aki Kapuuno' ru ulun ru Israil, Aki Kapuuno' Ondo' Matulai.

PINAINTALANG 4:8

Moonong ru apat ilo ondo' maayag no mokoondo' onom kawo nilo sigagama', ondo' ralimbou am ralalom pana natitip ra mato. Orou-rondom kalo lumonggo' ilo marimbai: “Mapasau, mapasau, mapasau noyo Tuhan, i Aki Kapuuno' Maayo Kaga' Kuasa', ondo' galing i soroi, raino am pupus no pana soroi.”

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.

IBRANI 8:11

Kalo pana boo mangila' ilo ra bansa' nilo galama' kapoam pabukat nilai no ra ‘Ulig no ra Tuhan ’. Sabap ra ilo ngai', intor ra ulun musikin suku' ra langkaya', makaulig niayuk Raki'.

1 KORINTUS 2:15

Ulun ondo' nokoowot ra Ambiluo ri Aki Kapuuno' makaimumui ra ngaangai' no, kaa' kolondo' sangulun pana makaimumui ra ulun no.

LUKAS 4:34

“Anii Jisus, ulun ru Nasarit, atan kia kitaakon Muno ramon? Mongoi Kou kia pamuso ramon? Makaulig aku Rirun, Okou no Matulai ondo' sinusub ri Aki Kapuuno'!”

JISAYA 43:3

Aku noyo Tuhan, i Aki Kapuuno' min, i Aki Kapuuno' ondo' matulai, ondo' namayag ramuyun. Pataakon Ku Misir koson mamuli' ramuyun; Pataakon Ku Itiopia am Siba koson mapalabus ramuyun.

MAZMUR 16:10

sabap ra kalo polosoon Mu aku matoi; ulun ondo' tagamin Muno kalo polosoon Mu mapuso.

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

MATIUS 13:11

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta, kaa' ulun masuang no kalo.

JUDAS 1:5

Napandayan min noyo ngaangai' ru gitio. Kaa' masaga' aku poyo mampakara' ramuyun ati kulaan Tuhan namayag ra bansa' ru Israil intor ra pagun ru Misir, kaa' nopongo raginio, pinuso No niayuk ulun intor risilo ondo' kalo nangintopot Riso i.

IMAMAT 7:35

Gitio noyo tayar ru taak akanon ra Tuhan ondo' pataakon ri Arun am anak-anak nano paat ra orou ilo patimpokon ra imam.