1 JUANIS 2:18 - Tanou Moonsoi Timugon

¹⁸ Pabukat kau ngaangai', pamupusan nasuku' noyo! Pinabala' noyo ramuyun ra pantula' ri Jisus Kristus maaru' matong. Raino masuang noyo pantula' ri Jisus Kristus ondo' makito. Gitio tatandu' ra Orou Pupus maar noyo.

1 JUANIS 2:18 ပူးပေါင်းရင်းမြစ်များ

MATIUS 24:11

Masuang migiangku ra nabi matong am mamparuung ra ulun masuang.

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

MATIUS 24:5

Sabap ra masuang ulun matong sumalu Raki' am mindagu, ‘Aku noyo Mamamayag ondo' sinusub ri Aki Kapuuno'!’ Mamparuung ilo ra masuang ulun.

MARKUS 13:6

Masuang ulun matong am migiangku ra ‘Aku noyo Io!’ Ilo ti mamparuung ra masuang ulun.

JUANIS 21:5

Indagu i Jisus risilo, “Kolondo' kia papait noowot min?” Taam ilo, “Kolondo'.”

ROMA 13:11

Baalo' min ginio ngaangai' am pai' poyo pombolong sabap ra mapandayan min noyo ra raino ti musiti' pagilalain min sabap ra orou pamayagan ritakau mamaar poyo intor itakau talimpuun pangintopot.

ROMA 13:12

Baal nano koson ra rondom ondo' maar noyo tumawang. Intor raginio iruani' takau noyo baal ra mangalaat ondo' baalon paat ra molondom, am baalo' takau noyo baal ra mongoonsoi, ioginio koson kinandoi mangayou takau ra matawang.

IBRANI 1:2

Kaa' paat ra pupupus ti, posoboyon No bala' Nano ondo' pinabala' galing ra Anak Nano. Nansail ra Anak Nati noyo limbowon am tana' ti biningkal No am Anak Nano tatangan ra ngaangai' no.

1 PITRUS 1:20

I Kristus ti pinili' noyo ri Aki Kapuuno' ra tana' ti kalo poyo biningkal, kaa' raino boo ra io mamaar noyo Orou Pupus, pinaintalang Io noyo ramuyun.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 PITRUS 4:7

Pamupusan ru tana' ti mamaar noyo sumuku', pagilalai' am pantataan guang, maa' raginio makapakiasi' kau.

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

2 PITRUS 3:3

Kasaa' ti, pakarati' kano ra orou pupus no mokoondo' sumalula' ulun ondo' kuasaan ru guang mansasawa' nilai am mangiis ilo poyo ramuyun.

1 JUANIS 2:22

Ulun magabau no, io no ulun ondo' mindagu ra i Jisus sala' ka Mamamayag ondo' sinusub ri Aki Kapuuno'. Ulun no pantula' ri Jisus Kristus. Kalo mangintopot io ra Ama' kapoam Anak.

1 JUANIS 4:1

Pabukat kau ngaangai' ondo' tagamin ku! Pai' kau pangintopot ra ngaangai' ulun ondo' mindagu ra mokoondo' ilo ra Ambiluo ri Aki Kapuuno'. Kaa' kinami' min ilo po galing ru mokoondo' ilo ra Ambiluo intor ri Aki Kapuuno' kapoam kolondo'. Sabap ra raino ti masuang nabi magabau soroi ra ati-ati ayuk.

1 JUANIS 4:3

Kaa' ulun ondo' kalo mangintopot ra i Jisus no minatong ra tana' ti am siminauk ra ulun, ulun raginio kolondo' Ambiluo ri Aki Kapuuno'. Ulun no mokoondo' ra ambiluo ru pantula' ri Jisus Kristus. Nokorongog kau ra ambiluo raginio matong am raino soroi io ra tana' ti.

2 JUANIS 1:7

Masuang noyo mamparuung ra ulun ra tikop-tikop ru tana' ti. Ilo ti ulun ondo' kalo mangintopot ra i Jisus Kristus minatong ra tana' ti siminauk ra ulun. Ulun raginio mamparuung am tumula' ri Jisus Kristus.

JUDAS 1:18

Nakapambala' ilo noyo ramuyun ra masuku' paat ra pamupusan ru tana' ti, mokoondo' ulun sumalula' koson manauyu' ramuyun, sabap ra maya' ilo ayuk ra kasagaan malaat ru guang nilai no.