1 JUANIS 2:17 - Tanou Moonsoi Timugon

¹⁷ Tana' ti am ngaangai' suang nano ondo' gogoton ru ulun, tumalimpuun mapuso. Kaa' ulun ondo' gumagaya' ra susuban ri Aki Kapuuno', maayag io ra sabuoi-buoi no.

1 JUANIS 2:17 ပူးပေါင်းရင်းမြစ်များ

MAZMUR 102:26

galing i tana' ti binangun Mu, limbowon pana kandoi ru kalindu' Muno galama'.

MAZMUR 143:10

Okou no i Aki Kapuuno' kuno; ilaa' aku mambaal ra kasagaan Muno. Koonsoi no raki', am pangaak raki' mongoi ra ralan matanda'.

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAZMUR 90:9

Sabap ra sangit Muno kinariwa' Mu umur mai; pupus ru bayag mai koson ra rondo' labus ra paminawaan.

AMSAL 10:25

Ulun malaat mapuso bulintok ra rosob matong, kaa' ulun mabanis guang kalo makulau ra sabuoi-buoi no.

MATIUS 21:31

Ilai', intor ra karuo anak ti, ati kia nangimaya' ra panusuban ru ama' ni?” “Katuaan ni,” taam ru tingganai imam Jaudi am tingganai ru ulun ru Jaudi no. Indagu i Jisus risilo, “Pangintopot no! Mampalulur ra cukai am ruandu' mantalan ra inan makasigulu masauk ra ulun ri Aki Kapuuno' intor ramuyun.

MATIUS 24:35

Limbowon am tana' ti mapuso, kaa' ragu Kutu mantilayun.”

MATIUS 7:21

“Sala' ka ngaangai' ulun ondo' mindagu ra Aku Tuhan nilo masauk ra ulun ri Aki Kapuuno', kaa' ilo ayuk ondo' sumugut ra kasagaan ru Ama' Kuno giu' ra suruga'.

MARKUS 3:35

Osoi ayuk mambaal ra kasagaan ri Aki Kapuuno', io no pongkotob Kuno ra ungkuyon, io no pongkotob Kuno ra ruandu', io no ina' Kuno.”

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JUANIS 6:58

Gitio noyo ruti' ondo' timinuun intor ra suruga'; Io ti sala' ka koson ra ruti' ondo' inakan ru kinamatuaan mini, ondo' minatoi niayuk. Kaa' ulun ondo' mangakan ra ruti' ti maayag ra mantilayun.”

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

1 KORINTUS 7:31

Ulun ondo' mangingindapu' ra tana' ti, koson ayuk ra kalo guguangon nilo ginio. Sabap ra pupus no atan ondo' mokoondo' ra tana' ti, mapuso boo!

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

KOLOSI 4:12

Bilin kaansayan poyo intor ri Ipapras. Akau niayuk ra ulun. Io ti ulipon ri Jisus Kristus am masalok io mapirot mangkara' ramuyun ralalom pakiasian nano. Intor noyo ra pakiasian nano ri Aki Kapuuno' maikang kau am totopot makaintutun am poyo sumugut niayuk ra ngaangai' ru kasagaan ri Aki Kapuuno'.

1 TISALONIKA 4:3

Sabap ra masaga' i Aki Kapuuno' ra kaayagan mino mapasau, ginio ra inggalur kano ra baal ru pansasawaan.

1 TISALONIKA 5:18

Paringkuanang kau ayuk ra ngaangai' ondo' matuum min, sabap raginio noyo kasagaan ri Aki Kapuuno' ramuyun koson ra ulun ondo' sumimpung ri Kristus Jisus.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

JAKUBUS 4:14

Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 PITRUS 4:2

Gagaya' kano ra kasagaan ri Aki Kapuuno' buoi ru kaayagan min am pai' noyo bayaa' kinibit ru guang min.