1 JUANIS 2:16 - Tanou Moonsoi Timugon

¹⁶ Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.

1 JUANIS 2:16 ပူးပေါင်းရင်းမြစ်များ

KASAUKAN 3:6

Nakito ru ruandu' no ra puun raginio moonsoi kaga' am kawa' no pana maamis kaga' akanon. Mangkara' io ra mapara' bonsoi amon ru mapintar io. Ginio ra pangupu' io ra kawa' no am akano' no. Io pana nantayar niayuk ra ralaki nano am ralaki nano pana nangakan ra kawa' no.

KASAUKAN 6:2

ulun ru tana' ti magilong ra ralaa-ralaa ti mangantalur. Ginio boo ra anduon nilo ralaa-ralaa ra kasagaan nilo.

AYUP 31:1

Nabaya' ra ibot aku nabantu', kalo suminto ra ralaa mamulok.

MAZMUR 73:6

Intor raginio lumimbau ilo, am masalok mambaal ra kalaatan;

MAZMUR 78:18

Singonon nilo mangkinam ri Aki Kapuuno', kitaakon nilo akanon ra kasagaan nilo.

MAZMUR 78:30

Kaa' patiakan nilo kalo poyo nopopok, am liliwa' nilo mangkan,

AMSAL 27:20

Pagun ru ulun minatoi, masalok makaintok; ginio niayuk ra gogot ru guang galama' ru ulun kolondo' palasan nano.

AMSAL 6:25

Pai' kau kabunduk ra kinantalur nilo, kapoam mabunduk ra kulurat ru mato nilo.

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

UNTABAN 11:34

Intok no ininggalanan ra Kibrot-Taawa ondo' makaarati' ra “Kalabangan ru Moroot” sabap ra giu' no nampalabangan nilo ra ulun minatoi sabap moroot.

UNTABAN 11:4

Ralalom pangkiralanan ru ulun ru Israil, mokoondo' niayuk santayaran ulun bansa' bokon ra popolos nilo. Matiakan kaga' ulun bansa' bokon no ra kual, am tumalimpuun boo ulun ru Israil mambutok, “Mapara' bonsoi no amon ru makaakan takau ra kual.

MATIUS 4:8

Tingganai ru riwato no pana nagibit boo ri Jisus ra rondo' gunung ondo' masawat toojo, am pinakito no Io ra ngaangai' pamarintaan ru tana' ti am kalangkayaan nilono.

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

LUKAS 4:5

Ibito' boo i Jisus ru Tingganai ru riwato no ra rondo' intok ondo' masawat. Ra sangkuliop ayuk pinakito no i Jisus ra ngaangai' karajaan ra tana' ti.

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

1 KORINTUS 10:6

Ngaangai' no nasauk ra panginuuyan ritakau koson mampakara' ritakau ra pai' gogoto' baal malaat koson risilo ti.

GALATIA 5:17

Sabap ra paliso ru ulun manggal ra Ambiluo ri Aki Kapuuno', am Ambiluo ri Aki Kapuuno' niayuk manggal ra paliso ru ulun. Karuo ruo ti mantula', saboi kalo makapambaal kau ra ondo' sotopot no kasagaan min.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

TITUS 2:12

Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.

JAKUBUS 4:16

Kaa' raino minsawat boo guang min am lumimbau kau ayuk. Ngaangai' ragu lumimbau ti kalo noyo moonsoi.

JOSUA 7:21

Kakito ku rondo' sukub ondo' moonsoi binaal ru Babilonia, pirok ra bagat no maar ruo ngakilogram, am santaun mas ondo' bagat no satanga kilogram intor ra ngaangai' kuliamos ginaau no. Malaai aku kaga' ra kuliamos raginio saboi inalap ku. Kuliamos raginio natanom ra tana' giu' ralalom ru kim kuno; pirok no nakaralalom toojo.”

1 PITRUS 1:14

Gagaya' kano ri Aki Kapuuno' am pai' min polosoo' kinibit ru guang malaat no manguasa' ramuyun koson ragili ra akau kalo poyo nakaulig ri Aki Kapuuno'.

1 PITRUS 2:11

Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.

2 PITRUS 2:10

mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.