1 JUANIS 2:13 - Tanou Moonsoi Timugon

¹³ Ama' kau ngaangai', tulisin takamin sabap ra nakaulig kano ri Jisus Kristus ondo' soroi intor ra talimpuun i. Kamulakan kau ngaangai', tulisin takamin sabap ra naanggal min noyo Tingganai ru riwato no.

1 JUANIS 2:13 ပူးပေါင်းရင်းမြစ်များ

MAZMUR 148:12

ngaangai' kamulakan ruandu' am ungkuyon, matutuo am mamulok.

MAZMUR 90:2

Kalo poyo sinauk Mu ngaangai' bulur, kalo poyo binangun Mu tana' ti, Okou noyo i Aki Kapuuno' ra mantilayun, i Aki Kapuuno' ra sabuoi-buoi no.

MAZMUR 91:14

Ragu ri Aki Kapuuno', “Bayagon Ku ulun ra monogom Raki' no, alungin Ku ulun ra mangiou Raki' no koson ra Tuhan.

AMSAL 20:29

Ulun mamulok ansukon sabap ra kaikangan nano, am ulun matutuo urumaton sabap ra uan.

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 13:19

Ulun ondo' mangkirongog ra tanou ati kulaan i Aki Kapuuno' mamarinta, kaa' kalo makarati', ulun koson ragitio noyo koson ra sampug ondo' naratu' ra ralan. Tingganai ru riwato no riminatong am nampagaau ra atan ondo' nakatias ra ralalom ru guang nilono.

MATIUS 13:38

Umo no, ioginio tana' ti. Sampug moonsoi no, ioginio ulun ondo' nasauk noyo ra ulun ri Aki Kapuuno', am alab no ulun ondo' maya' ra Tingganai ru riwato.

MATIUS 5:37

Sama' noyo ra akau mindagu ayuk ra ‘Iou’ kapoam ‘Kalo’. Ngaangai' raguon min ra bokon no intor boo ra Tingganai ru riwato.”

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

JUANIS 14:7

Amon ru makaulig kau Raki', makaulig kau niayuk ra Ama' Kuno. Intor raino nakaulig kano am nakakito niayuk Riso.”

JUANIS 14:9

Kaa' taam i Jisus, “Pilipus, nabuoi takano nababaya', kaa' lakat ayuk poyo kalo makaulig kou Raki'? Osoi ayuk nakakito Raki', nakakito io niayuk ri Ama'. Kaa' kua indagu kou po ra, ‘Pakitono' i Ama' no ramon?’

JUANIS 16:3

Ginio baalon nilo ramuyun sabap ra kalo nakaulig ilo ra Ama' Kuno kapoam Aku galama'.

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

JUANIS 17:21

Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 8:19

Ginio ra pangkuot ilo, “Ati i Ama' Muno?” Taam i Jisus, “Kalo makaulig kau Raki', kapoam i Ama' Kuno. Amon ru makaulig kau Raki', Ama' Kuno pana mauligan min niayuk.”

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

1 TIMOTIUS 5:1

Ilalai' toojo ragu muno ra okou mansawai ra ungkuyon ondo' matuo ka okou, porongogon mu io koson ra ama' muno galama'. Ungkuyon ondo' mamulok ka okou karaan mu koson ayuk ra boborok muno,

TITUS 2:6

Ragui' niayuk tuu'-bagu koson ilo ti pana mapandai mongorot.

1 JUANIS 1:1

Manulis akai ramuyun intor ra Ragu ru Tuhan ondo' mangani' ra kaayagan. Ragu ru Tuhan mokoondo' noyo intor ra talimpuun i. Norongog am nakito mai noyo galama' am naguut ru kalindu' mai.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

1 JUANIS 2:12

Anak kau ngaangai', tulisin takamin ra tula min inampun noyo sabap ra ondo' binaal ri Jisus Kristus.

1 JUANIS 2:14

Anak kau ngaangai', tulisin takamin sabap ra nakaulig kau ri Ama', io no i Aki Kapuuno'. Ama' kau ngaangai', tulisin takamin sabap ra nakaulig kau noyo ri Aki Kapuuno' ondo' soroi intor ra talimpuun i. Kamulakan kau ngaangai', tulisin takamin sabap ra akau maikang. Ragu ri Aki Kapuuno' soroi ra ralalom ru guang mino. Am naanggal min noyo Tingganai ru riwato.

1 JUANIS 3:12

Pai' takau tiluo' paliso ri Kain. Nakaaya' io ra Tingganai ru riwato am namatoi io ra boborok nano galama' ondo' ininggalanan ri Abil. Kua potoyo' ri Kain boborok nali? Sabap ra ondo' binaal nali kalo motopot kaa' ondo' binaal ru boborok nali motopot.

1 JUANIS 4:4

Kaa' pabukat kau ngaangai', akau intor ri Aki Kapuuno'. Naanggal min nabi-nabi magabau sabap ra mokoondo' kau ra Ambiluo ondo' makakuasa' toojo intor ra ambiluo ru ulun ru tana' ti.

1 JUANIS 5:18

Nakapandai takau ra ngaangai' ulun ondo' nasauk ra anak ri Aki Kapuuno' kalo marayus mambaal ra tula, sabap ra Anak ri Aki Kapuuno' mangampin riso am Tingganai ru riwato no kalo makaguut riso.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”