1 JUANIS 2:11 - Tanou Moonsoi Timugon

¹¹ Kaa' ulun ondo' masisang ra pabukat nano, soroi io ayuk poyo ralalom ru kalandaman. Mugar io ralalom ru kalandaman am kalo napandayan ati angayan no, sabap ra kalandaman no mambaal riso kalo makakito.

1 JUANIS 2:11 ပူးပေါင်းရင်းမြစ်များ

2 SAMUIL 13:22

Mansuli' kaga' i Absalom ri Amnon am marara' boo mindagu riso, sabap ra rinulug noyo ri Amnon i Tamar, boborok nano.

AMSAL 4:19

Kaa' kaayagan ru ulun malaat molondom koson ra rondom. Makasaru ilo am maratu', kaa' kalo mapandayan nilo atan sabap no.

MAMPATANOU 2:14

Ulun mapintar makapandai ra intok ondo' angayan nilo, am ulun kalo matanda' kalo makapandai ra ati rondo' ralan ugaran nilo.” Kaa' nakapandai aku niayuk ra pupus nilono ngaangai' no nogondo'!

IMAMAT 19:17

“Pai' kalikokot ra osoi pana. Salasayo' noyo pansangaran muno riso, maa' raginio kolondo' tula muno sabap ra ulun no.

JUANIS 12:35

Indagu i Jisus, “Kalo boo mabuoi sinda no mayan ramuyun. Tungguli' noyo pangkiralanan min buoi ru sinda no soroi ramuyun, koson kalo maliputan kau ru kalandaman. Ulun ondo' mangkiralan ra kalandaman kalo mapandayan no ati kaangayan.

JUANIS 12:40

“Nompokoolou i Aki Kapuuno' ra mato nilai, am nambaal risilo mailo mangarati'; koson mato nilai kalo makakito, am guang nilai pana kalo makarati'; am kalo sumaguli' ilo ra Tuhan, koson babason No ilo.”

2 KORINTUS 3:14

Kaa' koson risilo, kinotog nilo guang nilai no. Saboi ra orou raiti' guang nilai no lakat ayuk poyo nasilian paat ra ilo mambasa' ra kitab Nabantuan Lair no. Ginio maalap ayuk kairu' paat ra sasangulun no masimpung ri Kristus.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

2 PITRUS 1:9

Kaa' osoi ayuk kolondo' paliso raginio, io ti mogondo' ra ulun kalo makakito, sabap ra nalilianan no ra inampun noyo tula nali ragili.

1 JUANIS 1:6

Amon ru mindagu takau ra itakau ti siminimpung ra bayag Nano, kaa' sotopot no itakau maayag ralalom kalandaman, atan ondo' raguon am baalon takau no abau ayuk.

1 JUANIS 2:10

Ulun ondo' motogom ra pabukat nano, maayag ulun no ralalom ru binusasal. Saboi kolondo' intor riso no mangkinibit ra ulun bokon makatula.

1 JUANIS 2:9

Ulun ondo' mindagu ra soroi io ralalom ru binusasal kaa' masisang io ra pabukat nano, arati' no soroi io ra kalandaman saboi raino.

1 JUANIS 3:15

Osoi ayuk masisang ra rondo' am bokon, io no sangulun mamamatoi. Am maaru' kaayagan mantilayun kalo sumoroi ra sangulun mamamatoi.

1 JUANIS 4:20

Amon ru mokoondo' sangulun mindagu, “Motogom aku ri Aki Kapuuno',” kaa' masisang io ra pabukat nano, ulun no magabau. Ulun ondo' kalo motogom ra pabukat ondo' makito no, mulu' pi nai boo ri Aki Kapuuno' ondo' kalo makito no.

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.