1 JUANIS 1:8 - Tanou Moonsoi Timugon

⁸ Amon ru mindagu takau ra kolondo' tula takau, ragu ragitio abau ayuk, am kolondo' katapatan soroi ra guang takau.

1 JUANIS 1:8 ပူးပေါင်းရင်းမြစ်များ

1 RAJA'-RAJA' 8:46

“Paat ra ulun Muno makatula Rirun – sabap ra kolondo' osoi pana ondo' kolondo' tula – am sabap ra sangit Muno polosoon Mu ilo kalaan, rokopon ru pantula' am ibiton ra pagun ra bokon, kabalu' pana pagun no maalur,

2 RAJA'-RAJA' 20:15

“Atan kia ondo' ilain nilo ra istana?” “Magilong ilo ra ngaangai' no. Kolondo' rondo' pana giu' ra lamin pambulian ondo' kalo pinakito ku risilo,” taam ru Raja' Gijkia.

2 TUNUNG RU BANSA' ISRAIL 6:36

“Paat ra ulun Muno makatula Rirun – sabap kolondo' osoi pana ondo' kolondo' tula – am sabap ra sangit Muno nompoloso Kou risilo kinala, rinakop ru pantula', am inibit ra pagun ra bokon, kabalu' pana pagun no maalur,

AYUP 14:4

Kolondo' rondo' pana ondo' mapasau rumatong intor ra ulun ondo' kalo mapasau.

AYUP 15:14

Topot-topot kia ulun kolondo' pilat? Maalap kia ulun iowon giu' ra saang ri Aki Kapuuno'?

AYUP 25:4

Maaru' lair ra mapasau ulun ra pagilangan ri Aki Kapuuno'? Maaru' lair ra malunau ulun ra pagilangan Nano?

AYUP 9:2

“Iou, nokorongog aku noyo ra ngaangai' no ragili. Kaa' ati kulaan kia ra ulun mamanang ralalom ru baal nano ri Aki Kapuuno'?

MAZMUR 143:2

Aku ulipon Muno, pai' aku akimi'; kolondo' sangulun pana ondo' kalo makasala ra saang Muno.

AMSAL 20:9

Makakau' kia ulun mindagu ra sotopot-topot no ra guang nilono mapasau, am tula nilono inampun?

MAMPATANOU 7:20

Ra tana' ti kolondo' sangulun pana ondo' masalok mambaal ra moonsoi am kalo igondo' nambaal ra kalaatan.

JISAYA 53:6

Itakau ngaangai' nakalayau koson ra domba, sigagama' ayuk ra ugar, am pinalumpa' ru Tuhan riso ngaangai' kalaatan takano.

JISAYA 64:6

Akai ngaangai' makatula, baalon mai ra moonsoi no pana majamol kaga'. Sabap ra tula mai, akai mapuso ra tana' ti koson ra saap masiob ru angin.

JIRIMIA 2:35

lakat poyo mindagu kau, ‘Kolondo' sala kuno; maaru' kalo boo sumangit Tuhan raki'.’ Kaa' Aku, Tuhan mangukum ramuyun sabap ra marara' kau mangiou ra tula min.

IMAMAT 13:12

Amon ru gumaai maruol ru kungkung no intor ra ulu saboi ra kalayam,

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

ROMA 3:10

Koson ra tinulisan ra Buuk Kitab; “Kolondo' sangulun motopot ra pagilangan ri Aki Kapuuno',

ROMA 3:23

Ngaangai' ulun makatula noyo am maalur intor ri Aki Kapuuno' ondo' mamayag risilo.

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.

GALATIA 6:3

Amon ru sasangulun mangkara' ra io no maatang, am sotopot no kalo, io galama' ayuk miruruung.

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

2 TIMOTIUS 3:13

Kaa' ulun ondo' mangalaat am mamparuung no, gumaai poyo kinalaat nilai no. Ilo mamparuung ra ulun ra bokon, kaa' ilo pana galama' maruung niayuk.

JAKUBUS 1:22

Kaa' suguto' min toojo atan ondo' pinabala' noyo ramuyun ri Aki Kapuuno', am sala' ka rongogon ayuk. Sabap ra amon ru koson raginio, akau ayuk galama' miruruung.

JAKUBUS 1:26

Amon ru mokoondo' sasangulun mangkara' ra io ti noyo manginsugut toojo ri Aki Kapuuno', kaa' kalo panantulangon rila' ra io mindagu, io galama' ayuk miruruung am panginsugutan nati pana kolondo' onong.

JAKUBUS 3:2

Itakau ngai' kalo noyo makapagiru' intor ra mansalinut kasalaan. Kaa' ulun ondo' kalo igondo' pakasala sabap ra kinibit ru raguon nano, io sangulun matanda' am makapagalung io ra ngaangai' sauk ru kaayagan nano.

2 PITRUS 2:13

Sabap ra nangimbolo' ilo ra ulun bokon, ginio ra imboloon ilo. Makapaliso ilo ra majanjayan, saboi paat ra matawang pana masaga' ilo ayuk mambaal ra atan ayuk laai ru guang nilai galama'. Makatataman am makauyuyu' ilo paat ra rumamai ra jajajou. Ondo' kaansayan nilai ti sotopot no, masaga' ayuk mamparuung ramuyun.

1 JUANIS 1:10

Kaa' amon ru mindagu takau kolondo' tula takau, manguu' takau ri Aki Kapuuno' magabau am Ragu Nano kalo soroi ra guang takau.

1 JUANIS 1:6

Amon ru mindagu takau ra itakau ti siminimpung ra bayag Nano, kaa' sotopot no itakau maayag ralalom kalandaman, atan ondo' raguon am baalon takau no abau ayuk.

1 JUANIS 2:4

Ulun ondo' mindagu, “Nakaulig aku ri Aki Kapuuno',” kaa' kalo gumagaya' io ra susuban ri Aki Kapuuno', magabau io ayuk am kolondo' katapatan soroi ra guang nano.

1 JUANIS 4:20

Amon ru mokoondo' sangulun mindagu, “Motogom aku ri Aki Kapuuno',” kaa' masisang io ra pabukat nano, ulun no magabau. Ulun ondo' kalo motogom ra pabukat ondo' makito no, mulu' pi nai boo ri Aki Kapuuno' ondo' kalo makito no.

2 JUANIS 1:2

Katapatan minayan ralalom ru guang takau am tumilayun io sumimpung ritakau ra sabuoi-buoi no.

3 JUANIS 1:3

Naansukan aku kaga' nokorongog ra tanou ru kukula' ngaulun pabukat ra Kristian, ondo' nakasuku' am nambala' raki' ra sumugut kou toojo ra katapatan – ioginio bayag muno masalok gumagaya' ra susuban ri Aki Kapuuno'.