1 JUANIS 1:7 - Tanou Moonsoi Timugon

⁷ Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.

1 JUANIS 1:7 ပူးပေါင်းရင်းမြစ်များ

MAZMUR 104:2

am liniputan Kou ru sinda. Biningkal Mu limbowon koson ra kim,

MAZMUR 51:2

paat ra io sinawai ru Nabi Natan sabap ra nansawa' io ri Batsyiba.

MAZMUR 56:13

Iou Aki Kapuuno', suguton ku bantu' kuli Rirun, mapataak aku taak simbalui paringkuanangan Rirun.

MAZMUR 89:15

Pamarintaan Muno sumugut ra ukum am katimpakan; togom am gagaya' soroi ra nansalinut binaal Muno.

MAZMUR 97:11

Kinoonsoi ri Aki Kapuuno' no makasinda koson ra sinda ru ulun mabanis guang, am mapabansuk ra ulun moonsoi.

JISAYA 2:5

Alii ra papag ri Jakub, ugar takau ralalom sinda ru Tuhan!

JISAYA 33:24

Kolondo' sangulun pana mayan ra pagun takati mindagu ra jajajou sabap ru maruol, am ngaangai' tula inampun noyo.

JISAYA 6:7

Baa no pinajalak no ra bibil kuno liliwa' mindagu, “Baa ti nakajalak noyo ra bibil muno. Ginio ra, kasalaan muno linulu' noyo, tula muno pana inampun noyo.”

AMOS 3:3

Iowon kia ruo ngaulun mabaya' mugar ra kalo nabantu' koson maguma' galing?

JAKARIA 13:1

Mindagu Tuhan Ondo' Maayo Kaga' Kuasa', “Paat raginio ra tauli no, rondo' taur ru timug sumalula' koson mamasau ra papag ri Daut am mamagun ru Jirusalim intor ra tula am sumamba ra sinungkalalaing ondo' binaal nilo.

MATIUS 6:12

Ampuno' noyo tula mai, koson akai niayuk mangampun ra ulun ondo' makatula ramon.

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 12:35

Indagu i Jisus, “Kalo boo mabuoi sinda no mayan ramuyun. Tungguli' noyo pangkiralanan min buoi ru sinda no soroi ramuyun, koson kalo maliputan kau ru kalandaman. Ulun ondo' mangkiralan ra kalandaman kalo mapandayan no ati kaangayan.

JUANIS 5:4

Sabap ra sanganuan, tumuun malaikat ru Tuhan ra kulam no mampalinggan ra timug. Makalinggan timug no, ulun marualan ondo' makapagulu tumolop ra kulam mapali' intor ra atan ayuk pana maruol nali.]

ROMA 13:12

Baal nano koson ra rondom ondo' maar noyo tumawang. Intor raginio iruani' takau noyo baal ra mangalaat ondo' baalon paat ra molondom, am baalo' takau noyo baal ra mongoonsoi, ioginio koson kinandoi mangayou takau ra matawang.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

IPISUS 5:8

Gili akau galama' lakat ayuk poyo ra kalandaman, kaa' raino nasauk kano ra ulun mangintopot ra Tuhan, ginio ra kaayag kano ralalom ru sinda.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

1 JUANIS 1:5

Gitio noyo tanou ondo' norongog mai intor ra Anak Nano am ondo' posoboyon mai ramuyun, ra i Aki Kapuuno' noyo sinda takau am ralalom Riso kolondo' kalandaman.

1 JUANIS 5:6

I Jisus Kristus noyo ondo' minatong ra tana' ti nabaya' ra timug pinampariu' Riso am raraa' ru pinatayan Nali. Minatong Io sala' ka nabaya' ra timug, kaa' nabaya' ra timug am raraa'. Ambiluo ri Aki Kapuuno' galama' mapaintutun ragitio motopot, sabap ra Ambiluo raginio niayuk motopot.

2 JUANIS 1:4

Ina', naansukan aku kaga' naala' ra mokoondo' intor ra anak-anak muno ondo' kaayagan nilo maya' ra ralan motopot, koson ra nanusuban ri Aki Kapuuno' ritakau.

3 JUANIS 1:4

Kolondo' atan-atan mapabansuk ra guang kuno intor ra nangkirongog ra bayag ru pabukat-pabukat kuno maya' ra susuban ri Aki Kapuuno'.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.