1 JUANIS 1:5 - Tanou Moonsoi Timugon

⁵ Gitio noyo tanou ondo' norongog mai intor ra Anak Nano am ondo' posoboyon mai ramuyun, ra i Aki Kapuuno' noyo sinda takau am ralalom Riso kolondo' kalandaman.

1 JUANIS 1:5 ပူးပေါင်းရင်းမြစ်များ

MAZMUR 139:12

kaa' molondom pana pangkaraan Muno matawang, rondom raginio makasinda koson matawang. Pangkaraan Muno molondom kapoam matawang nogondo' ayuk.

MAZMUR 27:1

Mazmur ri Daut. Tuhan noyo sinda am mamamayag raki'; kalo malaa' aku ra osoi-osoi ayuk pana. Tuhan manindung raki' intor ra nansalinut ondo' makalalaa'; kalo malaa' aku.

MAZMUR 36:9

Naasug ilo ra akanon giu' ra Baloi Muno; pinainum Mu ilo intor ra sungoi moonsoi Muno.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

JISAYA 2:5

Alii ra papag ri Jakub, ugar takau ralalom sinda ru Tuhan!

JISAYA 60:19

Mato ru orou kalo boo suminda rirun bulintok matawang, bulan kalo boo suminda rirun bulintok molondom, Aku, Tuhan, suminda rirun ra mantilayun; tampulawon Tokou ra katulayan Kuno.

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

JUANIS 1:19

Tingganai ru ulun ru Jaudi giu' ra Jirusalim nanusub ra imam-imam Jaudi am ulun-ulun papag ru Liwi no, mongoi pangkuot ri Juanis, “Osoi kou?”

JUANIS 1:4

Ragu ti noyo puun ru ngaangai' kaayagan, am kaayagan ti mampakasinda ra ulun.

JUANIS 1:9

Sinda motopot no, ondo' mampakasinda ra ngaangai' ulun, matong ra tana' ti.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

JUANIS 9:5

Buoi Aku soroi poyo ra giti, Aku no mampakasinda ra ulun ru tana' ti.”

1 KORINTUS 11:23

Sabap ra pangilaan ondo' pinasaboi ku ramuyun i, naapu ku intor ra Tuhan; ioginio paat ra rondom Tuhan Jisus pinataak ra pantula' Nano, alapo' No ruti',

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

1 JUANIS 3:11

Naintaran noyo ra talimpuun i, pambalaan ragitio pinasaboi ramuyun. Musiti' motogom takau ra rondo' am bokon.

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.