1 TUNUNG RU BANSA' ISRAIL 9:22 - Tanou Moonsoi Timugon

²² Ngaangai' ulun ondo' pinili' koson magalung ra kulobon-kulobon garabang ra suang no 212 ngaulun. Ilo tinulisan inggalan sumugut ra pekan ondo' nasauk ra intok inayanan nilo. Kinamatuaan nilo inanian ra kandoi ru Raja' Daut am Nabi Samuil.

1 TUNUNG RU BANSA' ISRAIL 9:22 ပူးပေါင်းရင်းမြစ်များ

1 TUNUNG RU BANSA' ISRAIL 28:13

Raja' Daut niayuk nampataak ra inatangan pantayaran ra imam-imam am ulun-ulun ru Liwi, kandoi ondo' musiti' baalon nilo, iono mangandoi giu' ra Baloi ru Tuhan am magalung ra ngaangai' kuliamos ru sambayang.

1 TUNUNG RU BANSA' ISRAIL 28:21

Pantayaran ra kandoi sambayang giu' ra ralalom Baloi ru Tuhan inaru' noyo ra imam-imam am ulun-ulun ru Liwi. Ulun mangngandoi ondo' mapandai kaga' ralalom ru napandayan ru sigagama' mangindangan rirun ra guang maansayan, am tingganai-tingganai mababaya' ra ngaangai' mamagun gumagaya' ra susuban muno.”

1 TUNUNG RU BANSA' ISRAIL 29:29

Tunung ru kaayagan ru Raja' Daut intor ra talimpuun saboi ra pupus tinulisan giu' ra ralalom kitab ru talu ngaulun nabi: Nabi Samuil, Nabi Natan am Nabi Gad.

1 TUNUNG RU BANSA' ISRAIL 9:23

Intor raginio ilo am papag nilo linayun nasauk ra ulun magalung ra kulobon garabang ru Baloi ru Tuhan.

1 TUNUNG RU BANSA' ISRAIL 9:31

Ulun ondo' pinalansan mambaal ra kuui malilis iono sangulun Liwi ininggalanan ri Matisa, anak katuaan ri Salum intor ra bansa' ru Kora.

2 TUNUNG RU BANSA' ISRAIL 23:19

I Joyada niayuk nampakandoi ra ulun-ulun magalung giu' ra kulobon garabang maa' raginio manginggalar ra osoi pana ondo' kalo maaya' koson sumambayang mumpos ra giu' no.

2 TUNUNG RU BANSA' ISRAIL 31:15

Giu' ra bandar-bandar ra bokon intok inayanan ru imam, i Kori inindangan toojo ru ulun ru Liwi ragitilo: I Idin, Minyamin, Jisua, Simaya, Amarya am Sikania. Tinayar nilo akanon no ra pinantutuku' ayuk ra gino ngai' ulun ru Liwi sumugut ra kandoi nilo,

2 TUNUNG RU BANSA' ISRAIL 31:18

Tinulisan inggalan nilo nababaya' ra anak andu' nilo, am ulun ra bokon ondo' pakanon nilo, sabap ra ilo musiti' makatampos ayuk koson mangandoi ra timpokon ra tayar ru Tuhan.

NIGIMIA 11:36

Kukula' ngampulalai ulun ru Liwi ondo' minayan giu' ra tana' ru Jiuda sinusub manding ra tana' ru Binjamin am minayan simpung ra mamagun ra giu' no.

NIGIMIA 12:44

Paat raginio, kukula' ngaulun sinusub magalung ra intok-intok pambulian ra ulaan giu' ra Baloi ru Tuhan. Ulaan no nakaaya' taak sampiopor am unor-unor am niayuk kikinawa' ondo' kasaa' naansak ra moonong bilor. Ngaangai' ulun no linansanan manimung ra pataakon intor ra ulun-ulun magitanom giu' ra liliut ru bandar ra tayar ru imam-imam am ulun-ulun ru Liwi, koson ra nanusuban ru Taurat. Ngaangai' mamagun ru Jiuda mangurumat ra imam-imam am ulun-ulun ru Liwi,

1 SAMUIL 9:9

Taam i Saul, “Iou noyo! Ongoi tano.” Ongoi ilo boo ra bandar, intok inayanan ru ulipon ri Aki Kapuuno' no. Paat ilo nangkiwa' ra bulur sumuku' ra bandar no, nakatuum ilo ra kukula' ngaulun ralaa ondo' mongoi pansagou giu' ra tulubong. Kuati' nilo ralaa-ralaa no, “Mokoondo' kia ulun mangilong soroi ra bandar ti?” (Paat raginio, sangulun nabi sabiton ra ulun mangilong. Ginio ra paat sasangulun masaga' mangkuot ra rorondo' ri Aki Kapuuno', mindagu ilo, “Ongoi takau ra ulun mangilong.”)