1 TUNUNG RU BANSA' ISRAIL 9:18 - Tanou Moonsoi Timugon

¹⁸ Saboi orou raiti', ulun intor ra bansa' nilo pinangandoi koson magalung ra Kulobon Garabang Raja' giu' ra tampilon sirangon. Kalo poyo raginio nagalung ilo ra kulobon-kulobon garabang ondo' sumuku' ra pangkiman ru ulun ru Liwi.

1 TUNUNG RU BANSA' ISRAIL 9:18 ပူးပေါင်းရင်းမြစ်များ

1 RAJA'-RAJA' 10:5

Raja' ruandu' ru pagun Syiba nakakito ra baal ru kandoi ru pagawai-pagawai istana, bayang ra sarampun am baloi nilo. Raja' ruandu' no nakakito ra akanon ondo' pinasulung, am ulipon-ulipon ondo' mangandoi ra Raja' Salomo paat ra pangiantakan; raja' ruandu' no niayuk nakakito ra taak-taak simbalui ondo' pinataak ru Raja' Salomo giu' ra Baloi ru Tuhan. Ngaangai' no nambaal ra raja' ruandu' ru pagun Syiba naansayan am nakasioro'.

2 RAJA'-RAJA' 11:19

am i Joyada galama', pagawai-pagawai nano, ulun magalung ra raja', am ulun magalung ra istana, magalung ra raja' intor ra Baloi ru Tuhan mongoi ra istana, liliwa' binaya' ru ngaangai' mamagun. Umpos Raja' Joas ra istana nansail ra Kulobon Magagalung am panturung ra rasawat ru panturungan ru raja'.

2 RAJA'-RAJA' 16:18

Koson mangambi' ra guang ru raja' Asyur no, linungkib niayuk ru Raja' Agas pantas koson ra kurisi' ru raja' giu' ra Baloi ru Tuhan, am inangaban kulobon sumubol ra Baloi ru Tuhan ondo' subalan ru raja' ayuk.

1 TUNUNG RU BANSA' ISRAIL 9:17

Ulun magalung ra Baloi ru Tuhan ondo' minayan giu' ra Jirusalim nababaya' ra pabukat-pabukat nilo iono i Salum, Akub, Talmon am Agiman. I Salum noyo tingganai ru ulun magalung.

1 TUNUNG RU BANSA' ISRAIL 9:19

I Salum anak ri Kori, akupu ri Ibiasap, mababaya' ra kukula' ngaulun ra bokon intor ra bansa' ru Kora, iono bansa' nano, pinangandoi koson magalung ra kulobon mumpos ra Kim ru Tuhan. Ragili kinamatuaan nilo pana nambaal ra kandoi no paat ilo nangandoi giu' ra pangkiman ru Tuhan.

JIRIMIA 35:4

am ongoi ra Baloi ru Tuhan. Inibit ku ilo ra lamin ru maamaya' ru Nabi Ganan anak ri Jigdalya. Lamin no giu' ra rasawat ru lamin ri Maasiya anak ri Salum, sangulun pagawai masawat giu' ra Baloi ru Tuhan. Lamin no niayuk mamaar ra lamin ru pagawai-pagawai ra bokon.

YEHEZKIEL 44:1

Nagibit ungkuyon no raki' ra kulobon garabang ra liwar tampilon ra sirangon ra libung Baloi ru Tuhan. Kulobon garabang no naangaban.

RINALATAN 3:11

Ulun no siminunu' ri Pitrus am i Juanis. Pakasuku' ilo ra liliut ondo' sabiton ra ‘Langgar Salomo’, ngaangai' ulun nasisimbul am limpu risilo sabap ra nakasioro' ilo.