1 TUNUNG RU BANSA' ISRAIL 9:1 - Tanou Moonsoi Timugon

¹ Ngaangai' ulun ru Israil tinulisan inggalan sumugut ra sasambaloi ru sigagama'. Suang ru ginio tinulisan ralalom Kitab ru Raja'-Raja' ru Israil. Mamagun ru Jiuda pinatiran ra Babil koson ra ukuman ru tula nilo.

1 TUNUNG RU BANSA' ISRAIL 9:1 ပူးပေါင်းရင်းမြစ်များ

1 RAJA'-RAJA' 14:19

Ngaangai' binaal ru Raja' Jirobiam, pangayawan ondo' namanangan nano am pamarintaan nano, tinulisan ralalom ru buuk Sejarah ru Raja'-Raja' ru Israil.

2 RAJA'-RAJA' 24:14

Mamagun ru Jirusalim inaut ru Raja' Nibukadnijar, nakaaya' anak-anak ru raja' am tingganai-tingganai ru mamagun koson ra ulun rinakop pinoongoi ra pamatiran – 10,000 ngaulun ringai'. Inaut niayuk ru Raja' Nibukadnijar ngaangai' ulun manukang ra maturasik am manukang ra basi', kaa' nanatang ra mamagun ondo' musikin kaga' giu' ra Jiuda.

2 RAJA'-RAJA' 24:15

Inibit ru Raja' Nibukadnijar Raja' Joyakin, ina' nano, andu'-andu' nano, pagawai-pagawai nano, am ngaangai' ulun nauligan toojo giu' ra Jiuda, sinauk ra ulun rinakop pinoongoi ra Babil.

2 RAJA'-RAJA' 24:16

Namatir Raja' Nibukadnijar ra ngaangai' ulun ondo' mapanggol ra Babilonia, suang no 7,000 ngaulun; am niayuk 1,000 ngaulun manukang ondo' mapandai kaga', nakaaya' manukang ra basi'. Ilo ngaangai' ondo' maikang am makapangayou.

1 TUNUNG RU BANSA' ISRAIL 8:40

Anak-anak ri Ulam iono saujor mapanggol am mamanah ra mapandai kaga'. Anak akupu nilo ra ungkuyon suang no 150 ngaulun. Ilo ngaangai' ulun ru bansa' ru Binjamin.

2 TUNUNG RU BANSA' ISRAIL 33:11

Ginio ra nompoloso Tuhan ra panglima-panglima ru saujor ru pagun ru Asyur namulunsar ra Jiuda. Rinakop nilo Raja' Manasi ra kaitan, binangkil io, am inibit io ra Babil.

IJRA 2:1

Masuang ra gino ngai' ru ulun pinatiran nangiruan ra Babilonia am siminaguli' ra Jiuda am Jirusalim, sigagama' minongoi ra bandar nano galama'. Minayan ilo giu' ra pamatiran ra Babilonia intor ra Raja' Nibukadnijar nagibit risilo ra giu' koson ra ulun rinakop.

IJRA 2:59

Ngaangai' ulun ondo' minugar intor ra bandar Til-Mila, Til-Garsa, Kirub, Adan am Imir, suang no 652 ngaulun. Ilo nakaaya' bansa' Dilaya, Tobia am Nikoda, kaa' kalo maalap nilo ra inono' ra ilo papag ru bansa' ru Israil.

NIGIMIA 11:1

Tingganai-tingganai ondo' namagun giu' ra Jirusalim, am mamagun ondo' musiti' mangundi' koson mampili' ra sambaloi intor ra moonong mopor sasambaloi. Ilo ondo' mapili' musiti' mayan giu' ra Jirusalim bandar ondo' mapasau no, liliwa' ondo' kalo mapili' mayan giu' ra bandar-bandar am ngaangai' pekan ra bokon.

NIGIMIA 7:5

Kopongo raginio nangani' i Aki Kapuuno' raki' ra inatangan koson manimung ra mamagun am tingganai-tingganai am niayuk pagawai-pagawai nilo, maa' raginio makapanguntob aku risilo maya' ra suang ru sasambaloi ondo' natulisan. Paat raginio nakatuum aku ra tinulisan ru ulun ondo' kasaa' toojo minuli' intor ra pamatiran. Gitilo noyo pinabala' ra masusui ondo' nakito kuno intor ra tinulisan no:

JISAYA 3:2

ngaangai' ulun tutumula' am saujor, akim am nabi, ulun mangilong am ulun maminson,

JIRIMIA 13:19

Bandar-bandar ru Jiuda giu' ra tampilon rabugus tatanga' inawangan, am kolondo' ulun makatangkus ra pagawangan no. Ngaangai' mamagun ru Jiuda pinatiran ra pagun.”

JIRIMIA 39:9

Pupus no, i Nibujaradan, panglima saujor no, nagibit ra mamagun ondo' lakat poyo giu' ra bandar minongoi ra Babilonia koson ra ulun rinakop. Nagibit io niayuk ra ngaangai' ulun ondo' minaya' riso, minongoi ra Babilonia.

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.