1 TUNUNG RU BANSA' ISRAIL 7:29 - Tanou Moonsoi Timugon

²⁹ Papag ri Manasi nanguasa' ra bandar Bit-Sian, Taanak, Migido am Dor am niayuk pekan-pekan giu' ra liliut ru bandar. Ngaangai' ru intok raginio noyo intok inayanan ru papag ri Jusup anak ri Jakub.

1 TUNUNG RU BANSA' ISRAIL 7:29 ပူးပေါင်းရင်းမြစ်များ

1 RAJA'-RAJA' 4:12

I Baana anak ri Agilud: Bandar Taanak, Migido, am titikop ru tampilon mamaar ra Bit-Sian, mamaar ra Bandar Sartan, giu' ra tampilon rabugus ru Jijriil, saboi ra bandar Abil-Migola am Jokmiam

1 RAJA'-RAJA' 9:15

Raja' Salomo namakai ra kuli' koson mambaal ra Baloi ru Tuhan am istana ru raja', am koson mamumpun ra tana' giu' ra tampilon sirangon ru bandar, am niayuk mambaal ra timbok ru bandar. Io niayuk namakai ra kuli' koson mambaal saguli' ra bandar Gajor, Migido am Gijir. (

2 RAJA'-RAJA' 23:29

Paat ra pamarintaan ru Raja' Josia, Raja' Niko intor ra Misir naningganai ra saujor nano mongoi ra Sungoi Iprat koson mangindangan ra raja' ru Asyur. Mangkinam Raja' Josia mongompong ra saujor ru Misir giu' ra Migido, kaa' Raja' Josia pinatoi ralalom ru pangayawan.

2 RAJA'-RAJA' 9:27

Nakakito Raja' Agajia ra atan ondo' nasauk no. Ginio ra pagiru' io ra kurita' kuda nano minongoi ra tampilon ru bandar Bit-Gagan. Nangilou Raja' Jigu ra Raja' Agajia. “Potoyo' raja' raginio niayuk!” nanusub Raja' Jigu ra ulun nano. Namanah ilo ra Raja' Agajia ra io tatanga' nagiru' ra kurita' kuda nano ralalom pangkiralanan mongoi ra Gur, mamaar ra bandar Jibliam. Kaa' Raja' Agajia nakapagiru' saboi ra Migido am patoi ra giu' no.

2 TUNUNG RU BANSA' ISRAIL 35:22

Kaa' Raja' Josia jajajal koson mongoi pangayou. Kalo linio no ragu ri Aki Kapuuno' ondo' rinagu ru Raja' Niko. Siminalu Raja' Josia am nangayou giu' ra tana' marata' ru Migido.

JAKARIA 12:11

Paat raginio mokoondo' manulaboi giu' ra Jirusalim koson ra manulaboi ri Gadad-Rimon giu' ra Limayak Migido.

PINAINTALANG 16:16

Riwato-riwato no boo nanimung ra raja'-raja' giu' ra intok ondo' ralalom ragu ru Ibrani inggalanin ra Armagidon.

TINGGANAI RU BANSA' 5:19

Giu' ra Taanak, mamaar ra sungoi giu' ra Migido, raja'-raja' minatong koson mangayou; raja'-raja' ru Kanaan nangayou, kaa' kalo nangalap ilo ra pirok koson tinalingaau.

1 SAMUIL 31:10

Kopongo raginio bayang pangayawan ru Raja' Saul no binulian ra ralalom ru Kuil Dewi Asyitorit, am inan nano pinakuan ra timbok ru bandar Bit-Sian.