1 TUNUNG RU BANSA' ISRAIL 6:49 - Tanou Moonsoi Timugon

⁴⁹ I Arun am papag nano pinangandoi monolob ra kaminyan, am mampataak ra taak simbalui ondo' solobon giu' ra rasawat ru altar. Ilo niayuk pinangandoi mampaugar ra ngaangai' upacara sambayang giu' ra Lamin Matulai Kaga' am mampataak ra taak-taak simbalui maa' raginio i Aki Kapuuno' mangampun ra tula ru ulun ru Israil. Ngaangai' ru kandoi no binaal nilo sumugut ra nanuluan ondo' tinaakan ri Musa, ulipon ri Aki Kapuuno'.

1 TUNUNG RU BANSA' ISRAIL 6:49 ပူးပေါင်းရင်းမြစ်များ

1 TUNUNG RU BANSA' ISRAIL 6:48

Kandoi-kandoi ra bokon giu' ra intok sambayangan pinataak ra rangan-rangan nilo ra gino ngai' ru ulun ru Liwi.

AYUP 33:24

Malaikat no ra makaasi' mindagu ra, ‘Palabuso' io maa' raginio kalo mongoi io ra tana' ru ulun minatoi. Gitio noyo pamumuli' koson mampalabus riso.’

KAINGKUALAN 29:33

Musiti' akanon nilo atan ondo' pinakai ralalom upacara pangampunan ra tula paat ra patimpokon risilo. Imam ayuk mangakan ra akanon no sabap ra akanon no mapasau.

IMAMAT 1:5

Sapi' ungkuyon no musiti' simbaluyon ra giu' no niayuk, am imam-imam ra papag ri Arun musiti' mapataak ra raraa' ru sapi' no ra Tuhan, am pawason raraa' no ra kaapat-apat sapapa' ru altar ondo' pinabanta' ra kulobon ru Kim ru Tuhan.

IMAMAT 4:20

Baal pinamakuan no ra sapi' no nogondo' koson ra pinamakuan no ra sapi' gawayan tayar ru taak simbalui koson mangampun ra tula. Koson ragitio noyo Tingganai Maayo Imam no mapataak ra taak simbalui tayar ru tula ru ngaangai' ulun, am ampunon ilo boo ru Tuhan.

UNTABAN 15:25

Mapaugar imam ra upacara pamasawan tayar ru ulun. Koson raginio noyo ilo ampunon sabap ra kasalaan raginio binaal ra kalo siningon, am taak simbalui koson mangampun ra tula tayar ru taak akanon pinataak noyo ra Tuhan.

UNTABAN 16:16

Indagu i Musa ri Kora, “Susuab no, okou am 250 ngaulun maamaya' muno musiti' matong giu' ra Kim ru Tuhan. Soroi niayuk i Arun ra giu'.

SAGULION 34:5

Kopongo raginio i Musa, ulipon ru Tuhan no, minatoi giu' ra tana' ru Moab, koson ra ondo' rinagu noyo ru Tuhan.

JOSUA 1:1

Pakapatoi i Musa ulipon ru Tuhan no, minindagu Tuhan ri Josua anak ru Nun, mangindangan ri Musa.