1 TUNUNG RU BANSA' ISRAIL 6:31 - Tanou Moonsoi Timugon

³¹ Raja' Daut nampili' ra kukula' ngaulun koson manalingapu ra rimbai pangamparan giu' ra intok sambayangan giu' ra Jirusalim, nalupus Kaban Nabantuan pinabanding ra giu' no.

1 TUNUNG RU BANSA' ISRAIL 6:31 ပူးပေါင်းရင်းမြစ်များ

2 SAMUIL 6:17

Kopongo raginio pabantaa' nilo Kaban Nabantuan ra intok nano giu' ralalom kim ondo' pinatirong ru Raja' Daut koson ra Kaban Nabantuan no. Napataak Raja' Daut ra taak simbalui koson mapabansuk ra guang ru Tuhan am taak simbalui koson makibarakat ra Tuhan.

1 RAJA'-RAJA' 8:4

am nagibit raginio ra ralalom ru Baloi ru Tuhan. Ulun ru Liwi am imam-imam niayuk napabanding ra Kim ru Tuhan am ngaangai' ru kakamot no ra Baloi ru Tuhan.

1 TUNUNG RU BANSA' ISRAIL 15:1

Nambaal Raja' Daut ra kukula' baloi giu' ra Bandar Daut koson riso. Nanampos io ra intok ru Kaban Nabantuan ri Aki Kapuuno' am napatirong ra kim intok ru Kaban no.

1 TUNUNG RU BANSA' ISRAIL 15:25

Ginio ra Raja' Daut nababaya' ra tingganai-tingganai ru Israil, am niayuk panglima-panglima minongoi ra baloi ri Obid-Idom koson mangalap ra Kaban Nabantuan, am nambaal ra pangiantakan maayo.

1 TUNUNG RU BANSA' ISRAIL 15:27

Paat raginio Raja' Daut nansukub intor ra konoon linon malumis. Koon raginio niayuk ra bayang ru ulun mangkukuli ra miujik am i Kinanya, tingganai nilo, am niayuk ngaangai' ulun ru Liwi ondo' nangkayang ra Kaban no. Raja' Daut niayuk nambayang ra efod intor ra konoon linon.

1 TUNUNG RU BANSA' ISRAIL 6:30

Simia, Gagia, Asaya.

1 TUNUNG RU BANSA' ISRAIL 6:32

Mampapalit ilo mangandoi giu' ra Kim ru Tuhan paat ra Raja' Salomo kalo poyo nambaal ra Baloi ru Tuhan.

1 TUNUNG RU BANSA' ISRAIL 9:33

Kukula' ngambaloi intor ra ulun ru Liwi nangandoi koson ra maririmbai giu' ra Baloi ru Tuhan. Tingganai-tingganai ru sasambaloi nilo minayan giu' ra kukula' baloi giu' ra Baloi ru Tuhan. Kalo inanian ilo ra kandoi ra bokon sabap mangandoi ilo paat ra matawang am rondom.

IJRA 3:10

Paat ra ulun-ulun mangngandoi ra pambaalan timinalimpuun napabanta' ra batu maatang ru Baloi ru Tuhan, imam-imam ondo' nambayang ra sukub am nagibit ra bujung minongoi ra intok ru sigagama'. Ulun ru Liwi intor ra bansa' ru Asap niayuk minigor ra giu' no liliwa' nagibit ra agung-agung boborok. Nongompor-ngompor ilo ra Tuhan siminugut ra aturan ondo' inaru' intor ra paat ru Raja' Daut.

MAZMUR 132:14

Indagu Io, “Gitio noyo intok ayanan Kuno ra sabuoi-buoi no; mayan Aku ragiti.

MAZMUR 132:8

Ratong no am ayan no ra Baloi Muno, iou Tuhan, mabaya' ra Kaban Nabantuan, tatandu' ru kuasa' Muno.

YEHEZKIEL 40:44

Ungkuyon no pana nagibit boo raki' ra liliut ralalom. Giu' no mokoondo' ruo lamin, rondo' ra kiing ru kulobon garabang ralayo am tumingkuang ra rabugus, am rondo' poyo giu' ra kiing ru kulobon garabang rabugus am tumingkuang ra ralayo.