1 TUNUNG RU BANSA' ISRAIL 5:2 - Tanou Moonsoi Timugon

² Kabalu' pana raginio, bansa' ru Jiuda nasauk ra bansa' ondo' maikang kaga', am intor ra bansa' raginio sangulun nasauk ra mamarinta ra titikop ru bansa' ru Israil.)

1 TUNUNG RU BANSA' ISRAIL 5:2 ပူးပေါင်းရင်းမြစ်များ

KASAUKAN 25:31

Taam i Jakub, “Ba, amon ru pataakon mu galing raki' longgom muno koson anak katuaan.”

KASAUKAN 35:23

Anak ungkuyon ri Liya i Rubin (anak katuaan ri Jakub), Simion, Liwi, Jiuda, Isakar am i Jibulon.

KASAUKAN 48:5

Tungguli' poyo ri Jakub, “Jusup, karuo ngaulun anak ungkuyon muno ondo' inanak ra Misir ra kalo poyo nakaratong aku ragiti, iloti aku ra ampu'. I Ipraim am i Manasi mogondo' koson ra anak ungkuyon kuno i Rubin am i Simion.

KASAUKAN 49:26

Barakat ra masuang gandum am bunga'. Barakat ri Aki Kapuuno' ru ama' muno lumanja' poyo ka intor ra kalangkayaan ru gunung, ondo' matutuo noyo kaga'. Gama' ru poongoyon ngaangai' barakat no ra ulu ri Jusup, ra rabas ru ulun ondo' painggaluron intor pagaka'-pagaka' nano.

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 TUNUNG RU BANSA' ISRAIL 28:4

Tuhan, i Aki Kapuuno' ondo' sambaan ru Israil nampili' raki' am papag kuno koson mamarinta ra Israil ra sabubuoi no. Nampili' Io ra bansa' ru Jiuda koson mampatampos ra sangulun tingganai, am intor ra bansa' raginio nampili' Io ra sasambaloi ru ama' kuno. Kopongo raginio intor ra sasambaloi ru ama' kuno, masaga' Io mampili' raki' am nampasauk raki' ra raja' ru titikop ru Israil.

MAZMUR 108:8

Intor ra intok Nano ondo' matulai indagu i Aki Kapuuno', “Magilakup Aku am tatayaron Ku tana' ru Sikgim, am mantayar ra Limayak Sukot no ra ulun Kuno.

MAZMUR 60:7

Bayago' akai no ra kuasa' Muno; iowo' noyo pakiasian mai, maa' raginio ulun ondo' tagamin Muno maayag.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

UNTABAN 2:3

Tampilon ra sirangon, ulun ragana' ru bandira' ru pulalai ri Jiuda musiti' mangkim sumugut ra pulalai boborok nilo, am tingganai ru sigagama': Bansa' Tingganai Suang ru Ulun Jiuda Nagason anak ri Aminadab 74,600 Isakar Nitaniil anak ri Juar 54,400 Jibulon Iliab anak ri Gilon 57,400 Suang: 186,400 Pulalai ri Jiuda iono pulalai ondo' kasaa' minugar.

UNTABAN 7:12

Mapataak ilo ra pataakon nilo sumugut ra pansunuan ragitio: Orou Bansa' Tingganai Kasaa' Jiuda Nagason anak ri Aminadab Karuo Isakar Nitaniil anak ri Juar Katalu Jibulon Iliab anak ri Gilon Kaapat Rubin Ilijur anak ri Sidiur Kalimo Simion Silumiil anak ri Jurisyadai Koonom Gad Ilyasap anak ri Riguil Katulu' Ipraim Ilisama anak ri Amigud Kabalu' Manasi Gamaliil anak ri Pidajur Kasiam Binjamin Abidan anak ri Gidioni Koopor Dan Agiijir anak ri Amisyadai Koopor am saa' Asyir Pagiil anak ri Okran Koopor am ruo Naptali Agira anak ri Inan Taak ondo' ibiton ru moonong ulun no mogondo': Rondo' mangkuk pirok bagat no 1.5 ngakilogram, am rondo' bisin pirok bagat no 800 ngagram, sumugut ra timbangan ondo' pakayon giu' ra Kim ru Tuhan. Karuo-ruo kuliamos no mapanu' ra tapung ondo' linatakan ra umau tayar ru taak simbalui koson paringkuanangan; rondo' pinggan mas bagat no 110 ngagram, ondo' mapanu' ra kaminyan; sanginan sapi' gawayan mamulok, sanginan domba gawayan am sanginan anak domba ondo' umur no sambilor ra tayar ru taak simbalui koson mapabansuk ra guang ru Tuhan; sanginan kambing koson taak simbalui koson mangampun ra tula; ruo ngainan sapi' gawayan, limo ngainan domba gawayan, limo ngainan kambing gawayan am limo ngainan anak domba ondo' umur no sambilor tayar ru taak simbalui koson makibarakat ra Tuhan.

MATIUS 2:6

‘Okou noyo Bitligim, pekan maatang kaga' intor ra ngaangai' pekan giti ra Judia; intor rirun matong sangulun tingganai ondo' maningganai ra ulun Kuno Israil.’ ”

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

SAGULION 21:17

Musiti' io mantayar ra rapu' induo ruli' ra anak katuaan nano, kabalu' pana anak raginio sala' ka anak ru andu' tagamin nano. Musiti' sangulun ama' mangiou ra anak katuaan nano, am mangani' riso ra tayar ru rapu' ondo' masauk ra tungkuson nano sumugut ra aturan.”

SAGULION 33:17

Mokoondo' i Jusup ra kaikangan ru sapi' gawayan, am sangau ru sapi' gawayan ru kataunan. Sangau nano papag ri Manasi ondo' riribu, am papag ri Ipraim ondo' kaaparan ribu. Ra ngaangai' ulun ti nanangau io ra bansa'-bansa', am napagiru' risilo saboi ra pompor ru tana' ti.”

JOSUA 14:6

Paat ra sangarawan, kukula' ngaulun intor ra bansa' ru Jiuda minuma' ri Josua giu' ra Gilgal. I Kalib anak ri Jipuni, ulun ru Kinas no, minindagu riso, “Nakapandai kou ra rinagu ru Tuhan ri Musa, ulipon ri Aki Kapuuno', ra ito ruo paat itakau giu' ra Kadis-Barnia.

PINAINTALANG 5:5

Indagu boo sangulun intor ra tingganai no raki', “Pai' pantangi'! Ilai' noyo! Singa' intor ra bansa' ru Jiuda, papag maayo ru raja' Daut no, nangala io noyo ra kuasa' ru kalaatan. Mamalungkab Io ra tulu' segel am mamingkal ra naskhah rinulun no.”

TINGGANAI RU BANSA' 1:2

Taam Tuhan, “Bansa' ru Jiuda. Manaak Aku risilo ra kuasa' koson mampagaau ra pagun no.”

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

1 SAMUIL 16:10

Kon raginio noyo i Isai nanusub ra tulu' ngaulun anak nano minuma' ri Samuil. Kaa' kon ri Samuil, “Kolondo' sangulun pana risilo no pinili' ru Tuhan.”

1 SAMUIL 16:12

Ginio ra nanusub i Isai ra ulun minongoi pampiau ra anak pupusan nano. Io ti sangulun buayoi ondo' maindon, maligag am mato nano makasinda. Indagu Tuhan ri Samuil, “Gitio noyo ulun no. Pilio' noyo io!”