1 TUNUNG RU BANSA' ISRAIL 4:10 - Tanou Moonsoi Timugon

¹⁰ Kaa' nakiasi' i Jabis ri Aki Kapuuno' ru ulun ru Israil, kono, “Iou Aki Kapuuno', barakato' aku no, am anii' aku ra tana' ondo' malangka'. Bayaa' aku no am painggaluro' aku no intor ra kalaatan ondo' mangkinibit ra aku marualan.” I Aki Kapuuno' pana nangiou boo ra kinitaak nano.

1 TUNUNG RU BANSA' ISRAIL 4:10 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 12:8

Io pana namparayus poyo ra pangkiralanan mongoi ra tampilon rabugus ra kabuluran tampilon sirangon ru bandar Bitil. Pangkim io boo ra lolot ru Bitil am bandar Ai. Bitil tampilon kalasaan am Ai tampilon sirangon. Giu' no niayuk nambaal i Abram ra altar am samba ra Tuhan.

KASAUKAN 28:20

Pagibot boo i Jakub, kono, “Amon ru indanganon am sindungin aku ru Tuhan ra ugar kutu, am aniin No aku ra akanon am bayangon,

KASAUKAN 28:21

suku' ra aku makasaguli' ra matanda' ra baloi ri ama' kuli, Okou noyo i Aki Kapuuno' kuno.

KASAUKAN 32:26

Indagu ulun no, “Paugaro' aku noyo sabap ra sumirang noyo mato ru orou no.” Taam i Jakub, “Kalo paugaron tokou amon ru kalo mambarakat kou raki'.”

KASAUKAN 32:27

Pangkuot ulun no ri Jakub, “Osoi inggalan muti?” Taam io, “I Jakub.”

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

1 TUNUNG RU BANSA' ISRAIL 16:8

Paringkuanang no ra Tuhan, potonowo' katulayan Nano. Tunungo' binaal Nano ra bansa'-bansa'.

1 TUNUNG RU BANSA' ISRAIL 4:11

I Kilub, pabukat ri Suga, mokoondo' anak ungkuyon ininggalanan ri Migir. I Migir ama' ri Iston,

1 TUNUNG RU BANSA' ISRAIL 4:9

Mokoondo' sangulun ungkuyon ininggalanan ri Jabis, ondo' urumaton kaga' ra ilo sangkaaka'. Ininggalanan io ri Jabis ru ina' nano sabap ra ina' nano marualan kaga' paat naganak riso.

AYUP 12:4

Rangan-rangan kuno piboo makakurit raki', makakurit ilo, kabalu' pana aku motopot am kolondo' sala; kaa' paat ragili igondo' i Aki Kapuuno' nangiou ra pakiasian kuno.

MAZMUR 119:173

Gama' masalok Kou tumampos mangindangan raki', sabap ra masaga' aku maya' ra panusuban Muno.

MAZMUR 121:7

Tuhan mangampin ramuyun intor ra nansalinut makalalaa'; magalung Io ramuyun maa' raginio maayag kau.

MAZMUR 145:19

Tomposon No ngaangai' kasagaan ru ulun ondo' mangurumat Riso; rongogon No pampiawan nilono am mamayag risilo.

MAZMUR 21:4

Minatong Kou riso am napataak Kou ra barakat ondo' mauli', am pinasampak Mu karaun mas ra ulu nano.

MAZMUR 51:12

Iou Aki Kapuuno', baalo' noyo guang mapasau raki', talimbagui' noyo guang kuno am aku pana mingkotog.

MAZMUR 51:8

Kasaga' Muno kabanisan ru guang; totopo' guang kuno ra kapintaran Muno.

MAZMUR 55:16

Polosoon pantula' kuno matoi pampuaga', am lakat poyo maayag tumuun ra pagun ru ulun minatoi, sabap ra nototop baloi nilono ra kalaatan, am manguasa' ra guang nilo.

MAZMUR 65:2

Sotopot no giu' ra Sion, akai mongompor Rirun, iou Aki Kapuuno' am bayaan mai bantu' maili Rirun,

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

AMSAL 30:8

indangano' aku no maa' raginio kalo magabau aku, am indangano' aku no maa' raginio ra aku ti kalo lumangkaya' am kalo musikin. Intor raginio, anii' aku ra atan ondo' kasagaan kuno ayuk.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:17

Bulintok ra ulun Kuno ra naimbolo' no maguyum ra timug, bulintok ra liog nilono napuaan sabap ra pinaason, Aku, Tuhan mangiou ra pakiasian nilono; Aku, i Aki Kapuuno' ru Israil, kalo igogondo' manatang risilo.

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

MATIUS 26:75

Kakara' boo ri Pitrus ragu ri Jisus riso, “Kalo poyo maningkuluuk manuk tandaa' no, intalu kono mindagu ra kalo makaulig Raki'.” Ingkual i Pitrus am sisingut nantangi'.

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

LUKAS 19:42

indagu Io, “Mumpara' bonsoi no ru matutunan mu ngaangai' ondo' magibit ra kaansayan! Kaa' saboi raino, kalo matutunan mu.

JUANIS 10:28

Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

ROMA 16:19

Napandayan noyo ru ngaangai' ulun ra nampagagayaan mino ra Tanou Moonsoi, am intor raginio maansukan aku ramuyun. Masaga' aku ra makatutun kau ra atan ayuk moonsoi am kalo noyo maindalom ra atan ayuk kalaatan.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

IPISUS 3:20

Koompor noyo i Aki Kapuuno', ondo' mansail ra kuasa' Nano ondo' mangandoi ra guang takau maalap kabaal mulu' poyo intor ra atan ayuk kitaakon kapoam guangon takau.

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.

1 SAMUIL 1:17

Indagu boo i Ili, “Amon ru koson raginio, uli' no ra kaansayan. Gama' ru i Aki Kapuuno' ru Israil mangiou ra kitaakon muno.”

1 SAMUIL 1:20

Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”

1 SAMUIL 1:26

Indagu i Ana ri Ili, “Tuan, lakat mu poyo kia makara' aku? Aku noyo ruandu' ondo' nakito muli minigor ragiti ragili, ondo' nakiasi' ra Tuhan.

1 SAMUIL 1:27

Kinitaak ku anak ragitio intor ra Tuhan, am nangiou Io ra kinitaak kuli.