1 TUNUNG RU BANSA' ISRAIL 3:11 - Tanou Moonsoi Timugon

¹¹ Jigoram, Agajia, Joas,

1 TUNUNG RU BANSA' ISRAIL 3:11 ပူးပေါင်းရင်းမြစ်များ

1 RAJA'-RAJA' 22:50

Kopongo raginio Raja' Josapat minatoi am linobong giu' ra tana' kalabangan ru raja' giu' ra Bandar Daut. I Jigoram, anak ungkuyon nano, namalit riso koson raja'.

1 RAJA'-RAJA' 22:51

Paat ra bilor koopor am tulu' ru pamarintaan ru Raja' Josapat giu' ra Jiuda, i Agajia, anak ungkuyon ru Raja' Agab nasauk ra raja' giu' ra Israil. Ruo ngambilor buoi ru Raja' Agajia namarinta giu' ra Samaria.

2 RAJA'-RAJA' 11:2

I Joas ayuk, anak ungkuyon ru Raja' Agajia ondo' nakapagiru' intor ra pamatayan no. Maar noyo mapatoi i Joas mababaya' ra anak ungkuyon ru raja' ra bokon, kaa' i Joas binayag ru kaminan nano, i Josiba anak ruandu' ru Raja' Jigoram; i Josiba pabukat ru Raja' Agajia, rondo' ama' nansuai ra ina'. I Josiba nagibit ri Joas am magagalung ri Joas ra rondo' lamin giu' ra Baloi ru Tuhan am nampasibuni riso intor ri Atalya, maa' raginio i Joas kalo mapatoi.

2 RAJA'-RAJA' 11:21

Tulu' ngambilor umur ru Raja' Joas paat io nasauk ra raja' ru Jiuda.

2 RAJA'-RAJA' 12:1

Paat ra bilor katulu' ru pamarintaan ru Raja' Jigu giu' ra Israil, Raja' Joas nasauk ra raja' ru Jiuda. Raja' Joas namarinta giu' ra Jirusalim ra apat ngoopor ngambilor buoi no. Ina' nano makainggalan ri Jibya intor ra bandar Birsyiba.

2 RAJA'-RAJA' 8:16

Paat ra bilor kalimo ru pamarintaan ru Raja' Joram anak ungkuyon ru Raja' Agab giu' ra Israil, i Jigoram anak ungkuyon ru Raja' Josapat nasauk ra raja' ru Jiuda.

2 RAJA'-RAJA' 8:24

Raja' Jigoram minatoi am linobong giu' ra kalabangan ru raja' giu' ra Bandar Daut. Anak ungkuyon nano i Agajia minalit riso koson ra raja'.

2 RAJA'-RAJA' 8:25

Paat ra bilor koopor am ruo ra pamarintaan ru Raja' Jigoram anak ungkuyon ru Raja' Agab giu' ra Israil, i Agajia anak ungkuyon ru Raja' Jigoram nasauk ra raja' ru Jiuda.

1 TUNUNG RU BANSA' ISRAIL 3:10

Gitilo noyo suang ru papag ru Raja' Salomo intor ra ama' mongoi ra anak ungkuyon: Salomo, Rigabiam, Abia, Asa, Josapat,

1 TUNUNG RU BANSA' ISRAIL 3:12

Amajia, Ujia, Jotam,

2 TUNUNG RU BANSA' ISRAIL 21:1

Raja' Josapat minatoi am linobong giu' ra kalabangan ru raja' giu' ra Bandar Daut, am anak ungkuyon nano i Jigoram minalit riso koson ra raja'.

2 TUNUNG RU BANSA' ISRAIL 21:17

Namulunsar ilo ra Jiuda, nampagaau ra rapu' giu' ra istana, am namparakop ra ngaangai' andu' am anak ungkuyon ru raja' ondo' ak am i Agajia, anak ungkuyon ra pupusan.

2 TUNUNG RU BANSA' ISRAIL 22:6

Raja' Joram pana minuli' boo ra Jijriil koson babason, am Raja' Agajia minongoi pagilong riso ra giu' no.

2 TUNUNG RU BANSA' ISRAIL 24:1

Raja' Joas nasauk ra raja' ru Jiuda paat ra io makaumur tulu' ngambilor, am namarinta io giu' ra Jirusalim buoi apat ngoopor ngambilor. Ina' nano i Jibya, ondo' intor ra bandar Birsyiba.