1 TUNUNG RU BANSA' ISRAIL 29:9 - Tanou Moonsoi Timugon

⁹ Mamagun nangani' ra pinaindangan ra Tuhan ra kabanisan am kasagaan ru guang. Naansukan ilo sabap ra masuang taak pinaindangan am Raja' Daut pana naansukan.

1 TUNUNG RU BANSA' ISRAIL 29:9 ပူးပေါင်းရင်းမြစ်များ

1 RAJA'-RAJA' 8:61

Gama' ru akau ulun Nano magail gumagaya' ra Tuhan, i Aki Kapuuno' takau, liliwa' gumagaya' ra ngaangai' ukum am susuban Nano koson ra baalon min ra orou raiti'.”

2 RAJA'-RAJA' 12:5

Moonong imam pinalansan ra ruit ondo' apuon intor ra ulun manaak, am ruit no pakayon koson mamuna' ra Baloi ru Tuhan.

1 TUNUNG RU BANSA' ISRAIL 29:10

Giu' ra saang ru ngaangai' ulun ondo' natimung ra giu' no, nongompor Raja' Daut ra Tuhan. Nakiasi' io, “Iou Tuhan i Aki Kapuuno' ri Jakub, kinamatuaan mai, koompor Kono ra sabubuoi no!

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

2 TUNUNG RU BANSA' ISRAIL 17:16

Panglima katalu no i Amasia anak ri Jikri; naningganai io ra 200,000 ngaulun saujor. (I Amasia nangandoi ayuk ra Tuhan ra kasagaan nano.)

2 TUNUNG RU BANSA' ISRAIL 24:10

Mamagun am tingganai-tingganai nilo masaga' ra inatangan no, am nagibit ra ruit cukai nilo am namanu' ra kaban no.

2 TUNUNG RU BANSA' ISRAIL 31:8

Paat ra Raja' Gijkia am pagawai-pagawai nakakito ra mapara' boo suang ru taak ondo' tinaakan no, nongompor ilo ra Tuhan am nongompor ra ulun Nano, ulun ru Israil.

IJRA 1:6

Ngaangai' pasambalayan nilo niayuk nangindangan ra nangani' ra kuliamos ondo' makapakuan: kuliamos ru pirok, mas, lutu' koson ra pangkiralanan, bibiag koson magaut ra kuliamos, rapu' ra bokon am niayuk taak koson Baloi ru Tuhan.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

KAINGKUALAN 35:29

Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

LUKAS 15:6

am ibito' muli'. Mampiau io boo ra rangan am pasambalayan nano am pambala' risilo, ‘Pakaansuk kano mababaya' raki', sabap ra natuum ku noyo domba ra timinanggau i!’

JUANIS 15:11

Ngaangai' ti pinabala' Ku ramuyun, maa' raginio masalok Aku mampakaansuk ramuyun am topot-topot kau maansukan.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

2 KORINTUS 8:3

Makapampainono' aku ra nangani' ilo ra kula' ayuk ondo' mataakan nilo, am mulu' piboo suang pinataak nilo. Maya' ra kinataau ru guang nilai galama',

PILIPI 4:1

Pabukat ondo' tagamin kuno, noondom aku ramuyun sabap ra akau no mampakaansuk ra guang kuno am maansayan aku magilong ra kinoonsoi ru bayag min. Ginio nai ra rayuso' noyo pasimpungan mino ra Tuhan.

PILIPI 4:10

Ralalom pasimpungan ku ra Tuhan, maayo toojo kaansukan kuno, sabap ra pupus no ra raino ti igondo' poyo makapangindangan kau raki'. Sotopot no nampaguang kano ragitio, kaa' kolondo' ayuk kaluagan min mangani' ra pangindangan ti.

TINGGANAI RU BANSA' 5:9

Bansuk ru guang kuno ra ngaangai' panglima ru Israil am ra mamagun ondo' masaga' mangayou. Omporo' noyo Tuhan!