1 TUNUNG RU BANSA' ISRAIL 29:6 - Tanou Moonsoi Timugon

⁶ Kopongo raginio tingganai-tingganai ru bansa', tingganai ru bansa' boborok, panglima, am ulun manalingapu ra longgom ru raja' nambala' ra kasagaan nilo koson mangani' ra paindanganon.

1 TUNUNG RU BANSA' ISRAIL 29:6 ပူးပေါင်းရင်းမြစ်များ

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

1 TUNUNG RU BANSA' ISRAIL 27:25

Gitilo noyo suang ru inggalan ru ulun ondo' manalingapu ra rapu' longgom ru raja': Gudang-gudang giu' ra istana am giu' ra Jirusalim: Ajmawit anak ri Adiil. Gudang-gudang giu' ra liwar ru Jirusalim: Jonatan anak ri Ujia. Ulun-ulun mangngandoi ra umo: Ijri anak ri Kilub. Umo-umo ru anggur: Simii intor ra bandar Rama. Intok-intok pambulian ra wain: Jabdi intor ra bandar Syipmi. Puun ru jaitun am puun ru ara (lonson toojo ru kagunungan tampilon ra kalasaan): Baal-Ganan intor ra bandar Gidir. Intok-intok pambulian ra umau jaitun: Joas. Bibiag tinambiag giu' ra Padang Saron: Sitrai intor ra bandar Saron. Bibiag tinambiag giu' ra limayak-limayak: Sapat anak ri Adlai. Unta: Obil papag ri Ismail. Kaladai: Jigdiya intor ra bandar Mironot. Domba am kambing: Jajis, ulun ru Gagri.

1 TUNUNG RU BANSA' ISRAIL 28:1

Raja' Daut nanusub ra ngaangai' tingganai ru Israil maa' raginio tumimung giu' ra Jirusalim. Ginio ra ngaangai' tingganai ru bansa', pagawai mangandoi ra upis ru pamarintaan, tingganai ru bansa', ulun manalingapu ra rapu' am bibiag tinambiag ru raja', am niayuk anak-anak ungkuyon ru raja' – ontoson ragu, ngaangai' tingganai maayo ru istana, panglima am ulun mangaatang – timinimung giu' ra Jirusalim.

IJRA 7:16

Ibito' niayuk pirok am niayuk mas ondo' tinimung min giu' ra titikop ru wilayah Babilonia, am niayuk pataakon ru ulun ru Israil am niayuk imam-imam nilo ra tayar ru Baloi ru Tuhan, i Aki Kapuuno' nilo ondo' binaal giu' ra Jirusalim.

2 RAJA'-RAJA' 12:5

Moonong imam pinalansan ra ruit ondo' apuon intor ra ulun manaak, am ruit no pakayon koson mamuna' ra Baloi ru Tuhan.

2 TUNUNG RU BANSA' ISRAIL 35:8

Pagawai-pagawai ri Josia niayuk nangani' ra indangan ra mamagun, imam-imam am ulun ru Liwi. Pagawai-pagawai ondo' nangandoi giu' ra Baloi ru Tuhan, iono Tingganai Maayo Imam Ilkia, Jakaria am Jiwil, nangani' ra 2,600 ngainan anak domba am anak kambing, am niayuk 300 ngainan sapi' gawayan, ra imam-imam koson pataakon paat ra pangiantakan no.