1 TUNUNG RU BANSA' ISRAIL 29:20 - Tanou Moonsoi Timugon

²⁰ Kopongo pakiasian raginio, indagu Raja' Daut ra ulun masuang ondo' natimung ra giu' no, “Omporo' noyo Tuhan i Aki Kapuuno' min!” Ngaangai' ulun pana nongompor-ngompor boo ra Tuhan, i Aki Kapuuno' ondo' sambaan ru kinamatuaan nilai. Kopongo raginio igulatur ilo koson mangurumat ra Tuhan am raja'.

1 TUNUNG RU BANSA' ISRAIL 29:20 ပူးပေါင်းရင်းမြစ်များ

KASAUKAN 24:26

Igulatur boo ulipon no am samba ra Tuhan.

KASAUKAN 24:48

Igulatur aku boo samba ra Tuhan am pongompor aku Riso, i Aki Kapuuno' ri Abragam tuan kuli. Inindangan No aku narampus ragiti, intok ru pabukat ru tuan kuli saboi nakatuum aku ra ralaa ti koson anduon ru anak nano.

1 RAJA'-RAJA' 8:15

Indagu raja', “Koompor noyo Tuhan, i Aki Kapuuno' ru Israil! Nanugut Io ra bantu' ondo' binaal Nano ra ama' kuli, Raja' Daut, paat ra Io minindagu ra Raja' Daut koon ragitio,

1 TUNUNG RU BANSA' ISRAIL 16:36

Omporo' noyo Tuhan, i Aki Kapuuno' ru Israil! Omporo' noyo Io raino am sabubuoi no! Kopongo raginio ngaangai' ulun ru Israil mindagu, “Amin”, am mongompor ilo ra Tuhan.

2 TUNUNG RU BANSA' ISRAIL 20:21

Pakapansusunur ra mamagun, panusub raja' ra kukula' ngaulun maririmbai maa' raginio mambayang ra ondo' kaindalaman bayangon ra upacara-upacara ru ugama. Ulun-ulun maririmbai no musiti' mugar giu' ra saang ru saujor liliwa' marimbai, “Omporo' noyo Tuhan! Togom Nano mantilayun!”

NIGIMIA 8:6

Kon ri Ijra, “Omporo' noyo Tuhan, i Aki Kapuuno' ondo' matulai!” Ngaangai' ru ulun no napainsawat ra kalindu' am taam, “Amin! Amin!” Kopongo raginio igulatur ilo samba ri Aki Kapuuno'.

NIGIMIA 9:5

Sambayang ra orou raginio tinalimpuunan ru ulun ru Liwi ragitilo: I Jisua, Kadmiil, Bani, Gasabniya, Siribia, Godia, Sibania am Pitaya. Konilo, “Ibok kano bigor am mongompor ra Tuhan, i Aki Kapuuno' takau; omporo' Io ra sabubuoi no! Omporon inggalan Nano ondo' matulai kaga', inggalan ondo' matulai intor ra ngaangai' ompor!”

MAZMUR 134:2

Patunuyo' noyo kalindu' mino liliwa' makiasi' giu' ra Baloi ru Tuhan, am omporo' noyo Tuhan!

MAZMUR 95:6

Igulatur takano am sumamba Riso; igulatur takano ra saang ru Tuhan, namangun ritakau!

KAINGKUALAN 14:31

Pakakito ulun ru Israil ra nangala Tuhan ra ulun ru Misir ra kuasa' ondo' maayo, malaa' ilo ra Tuhan; mangintopot ilo ra Tuhan am ulipon Nano i Musa.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

AMSAL 24:21

Alii ra anak kuno, urumato' noyo am kalaa' no ra Tuhan am raja'. Pai' pakimangkubayau ra ulun ondo' manggal risilo;

YEHEZKIEL 46:10

Ulun manguasa' musiti' sumubol ra Baloi ru Tuhan mababaya' ra mamagun, am mingkual mababaya' ra mamagun.

JOSUA 22:33

Ulun ru Israil naansayan am nongompor ri Aki Kapuuno'. Kalo boo nangatang ilo koson mangayou ra bansa' ru Rubin am Gad, kapoam mamuso ra wilayah nilo.

1 PITRUS 2:17

Urumato' noyo ngaangai' ulun am tagami' noyo pabukat mino ra Kristian. Kalaa' kano ri Aki Kapuuno' am urumato' noyo i Kaisar.

1 SAMUIL 12:18

Kopongo raginio pakiasi' i Samuil, am paat ra orou raginio niayuk napatuun Tuhan ra tingkalur am rasam. Ginio ra moonong ulun no nalaa' ra Tuhan am i Samuil.