1 TUNUNG RU BANSA' ISRAIL 28:9 - Tanou Moonsoi Timugon

⁹ Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

1 TUNUNG RU BANSA' ISRAIL 28:9 ပူးပေါင်းရင်းမြစ်များ

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

1 RAJA'-RAJA' 3:6

Taam Raja' Salomo, “Nampakito Kono ra togom ondo' maayo ra ulipon Muno Raja' Daut, ama' kuno. Io moonsoi, gumagaya', am mabanis guang Rirun. Magail Kou mampakito ra togom Muno ondo' maayo am mantilayun no riso am nangani' riso ra sangulun anak ungkuyon, ondo' raino ti mamarinta minalit riso.

1 RAJA'-RAJA' 8:39

rongogo' noyo pakiasian nilo. Rongogo' noyo ilo intor ra intok inayanan Muno giu' ra suruga', am ampuno' am indangano' noyo ilo. Okou ayuk makapandai ra suang ru guang ru ulun. Ginio ra, baalo' noyo pamakuan ra ulun nogondo' ra binaal nano,

1 RAJA'-RAJA' 8:43

rongogo' noyo pakiasian nano. Rongogo' noyo io intor ra intok inayanan Muno giu' ra suruga', am iowo' noyo kitaakon nano maa' raginio ngaangai' bansa' ra tana' ti makaulig Rirun am gumagaya' Rirun, koson ra ulun Muno Israil. Makapandai ilo boo ra Baloi ondo' binaal kutu iono intok sumambayang Rirun.

1 RAJA'-RAJA' 8:61

Gama' ru akau ulun Nano magail gumagaya' ra Tuhan, i Aki Kapuuno' takau, liliwa' gumagaya' ra ngaangai' ukum am susuban Nano koson ra baalon min ra orou raiti'.”

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

2 RAJA'-RAJA' 21:22

Raja' Amon nangiruan ra Tuhan, i Aki Kapuuno' ru kinamatuaan nali. Kalo giminagaya' io ra susuban ru Tuhan.

2 RAJA'-RAJA' 22:2

Nambaal Raja' Josia ra atan ondo' mapabansuk ra guang ru Tuhan. Minaya' io ra binaal moonsoi ru kinamatuaan nali, Raja' Daut, ondo' giminagaya' toojo ra ngaangai' ukum ri Aki Kapuuno'.

1 TUNUNG RU BANSA' ISRAIL 22:19

Ginio ra, akau mangandoi ayuk ra Tuhan i Aki Kapuuno' min ra sotopot ru guang am sotopot ru salibuor. Talimpuuni' noyo mambaal ra baloi koson ra Tuhan maa' raginio Kaban Nabantuan Nano am ngaangai' kuliamos ra bokon ondo' pakayon timpokon koson ra sambayang mabulian ra giu' no.”

1 TUNUNG RU BANSA' ISRAIL 28:8

Kon poyo ru Raja' Daut, “Ginio ra akau mamagun kuno, giu' ra saang ri Aki Kapuuno' takau am giu' ra saang ru ngaangai' ulun ru Israil, ulun ru Tuhan ti, kitaakon ku toojo maa' raginio gumagaya' kau ra ngaangai' susuban ru Tuhan, i Aki Kapuuno' takau. Ra koon raginio ra akau totopot mokolonggom ra pagun moonsoi ti am patungkuson ginio ra papag min saboi ra sabubuoi no.”

1 TUNUNG RU BANSA' ISRAIL 29:9

Mamagun nangani' ra pinaindangan ra Tuhan ra kabanisan am kasagaan ru guang. Naansukan ilo sabap ra masuang taak pinaindangan am Raja' Daut pana naansukan.

2 TUNUNG RU BANSA' ISRAIL 12:5

Nabi Simaya minuma' ra Raja' Rigabiam am tingganai-tingganai ru Jiuda ondo' natimung giu' ra Jirusalim koson nagiru' intor ra Raja' Sisak. Kon ri Simaya risilo, “Rongogo' ragu ru Tuhan, ‘Nangiruan kano Raki'; raino mangiruan Aku ramuyun saboi kuasaan kau ri Sisak.’ ”

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

2 TUNUNG RU BANSA' ISRAIL 6:30

rongogo' noyo pakiasian nilo. Rongogo' ilo intor ra intok ayanan Muno giu' ra suruga' am ampuno' ilo. Okou ayuk ondo' makapandai ra suang ru guang ru ulun. Ginio ra pamakuan ra moonong ulun mogondo' ra binaal nano,

IJRA 8:22

Manangguang aku makitaak ra pulalai mangkuda intor ra raja' koson magalung ramon intor ra pamulunsaran ru pantula' ralalom ru pangkiralanan. Binaal ku koon raginio sabap ra mambala' aku ra raja' ra i Aki Kapuuno' takau nambarakat ra moonong ulun ondo' lumansan Riso, kaa' sumangit Io am mangukum ra osoi pana ondo' kalo gumagaya' Riso.

MAZMUR 101:2

Kalo sabain ku paliso kuno makaruruko. Sanggilan poyo ratangan Muno raki'? Giu' ra baloi kuno kaayagan kuno matulai;

MAZMUR 139:2

Napandayan Mu ngaangai' binaal kuno; intor ra maalur makarati' Kou ra kinara' kuno.

MAZMUR 17:3

Mauligan Mu suang ru guang kutu. Bulintok ra Okou rumatong raki' paat molondom, am mangurio Kou toojo raki', kaa' kolondo' guangon malaat maimansaan Mu ra guang kutu.

MAZMUR 18:2

Motogom aku kaga' Rirun, iou Tuhan! Okou manungka' raki'.

MAZMUR 7:10

Polonggoo' noyo kalaatan ru ulun maanggal-anggal, am anii' noyo ulun moonsoi ra timbalos moonsoi, sabap ra Okou no i Aki Kapuuno' ondo' matimpok, malimanan Mu suang ru guang am pangkaraan ru ulun.

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

MAZMUR 89:26

Kapilaan Ku kangkou pamarintaan nano intor ra Raat Tanga' saboi ra Sungoi ru Iprat.

MAZMUR 89:38

Karajaan nano mantilayun koson ra bulan, sasi' ra mampagagaya' giu' ra limbowon.”

MAZMUR 9:10

Tuhan noyo sindungan ru ulun ondo' inimbolo', intok sindungan paat ra makakapaganan.

KAINGKUALAN 15:2

Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

KAINGKUALAN 3:16

Ongoi noyo am timungo' tingganai-tingganai ru ulun ru Israil no am balai' ilo ra Aku, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub minintalang noyo rirun. Balai' ilo ra minatong Aku noyo risilo am nakakito noyo ra atan binaal ru ulun ru Misir risilo.

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

AMSAL 3:6

Karaa' noyo Tuhan ralalom nansalinut baalon muno, am manulu' Io rirun ra ralan ru kaayagan moonsoi.

AMSAL 4:4

i ama' masalok mangila' raki'. Kono, “Karaa' noyo pangilaan kuno am pai' noyo liliani'. Baalo' noyo atan nanusuban kuli, maa' raginio kaayagan muno makaansuk.

JISAYA 1:28

Kaa' pusoon No moonong ulun ra makatula am niayuk ulun gumuor Riso no. Potoyon No moonong ulun ondo' mangiruan Riso.

JISAYA 38:3

“Karaa' noyo, iou Tuhan, aku ti mangandoi ayuk Rirun, gumagaya' am sumugut, am masalok aku mompogogot koson mambaal ra kasagaan Muno.” Raja' pana nantangi' am mangiluk guang.

JISAYA 45:19

Kalo alion Ku ra Aku mindagu, kapoam opoton. Kalo susubon Ku ulun Kuno Israil maguyum Raki' ra kolondo' logo. Aku, Tuhan, mindagu ra motopot, am mambala' ra motopot.”

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 20:12

Kaa', iou Tuhan Ondo' Maayo Kaga' Kuasa', mabaya' ra matimpok mangkinam Kou ra ulun; nakapandai Kou ra suang ru guang am pangkaraan nilo. Ginio ra iowo' noyo aku magilong Rirun mambalos ra kalaatan ru pantula' kuno, sabap ra pataakon ku baal kuno Rirun.

JIRIMIA 22:16

Mangakim io ra baal ru ulun musikin ra matimpok; ngaangai' no mugar ra moonsoi riso. Ginio arati' no makaulig ra Tuhan.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 29:13

Maguyum kau Raki' am matuum min Aku, sabap ra maguyum kau Raki' ra sotopot ru guang.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

YEHEZKIEL 11:5

Ambiluo ru Tuhan nanguasa' raki' am nanusub raki' nampasaboi ra tanou ti ra ulun, “Akau ngai' ulun ru Israil, nakapandai Aku ra atan ondo' raguon min am baal ra inatang min.

YEHEZKIEL 38:10

Indagu Tuhan ra Raja' ri Gog, “Paat raginio, baalon muno inatangan malaat.

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 2:25

Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

JUANIS 4:24

I Aki Kapuuno' no Ambiluo am ra indangan ayuk ru Ambiluo ri Aki Kapuuno' no ulun makasamba ri Aki Kapuuno' ondo' motopot.”

JUANIS 8:55

Akau kalo makaulig Riso, kaa' Aku makaulig Riso. Amon ru mindagu Aku ra kalo makaulig Riso, maabau-abau Aku koson ramuyun. Kaa' makaulig Aku niayuk Riso am gumagaya' Aku ra ragu Nano.

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 17:23

Paat ra aku minugar-ugar ra bandar min ti am minongoi pagilong ra intok sambayangan mino, mokoondo' tinulisan nauma' ku ra rondo' panimbaluyan ra taak mino, ioginio: ‘Intok sambaan ri Aki Kapuuno' Ondo' Kalo Nauligan’. Kabalu' pana kalo nauligan min ondo' sambaan min ti, kaa' ginio noyo ondo' raino pabalaan kuno ramuyun.

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

1 KORINTUS 15:34

Tandaa' noyo pangkaraan mino, am pai' boo pambaal ra tula. Sotopot no mauyu' kau ra mokoondo' intor ramuyun ondo' lakat ayuk poyo kalo makaulig ri Aki Kapuuno'.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

SAGULION 10:12

“Raino ulun ru Israil kau ngai', rongogo' noyo pulion ru Tuhan i Aki Kapuuno' min intor ramuyun: Urumato' noyo Tuhan am baalo' ngaangai' susuban Nano. Tagami' noyo Io am pangandoi noyo Riso ayuk ra sotopot ru guang;

SAGULION 31:21

Masuang karaat makalalaa' makalumpa' risilo, kaa' rimbai ragitio magulayun rimbayon am masauk ra sasi' risilo. Mulu' ra raino pana, ra Aku kalo poyo magibit risilo ra tana' ondo' binantu' Kuno, nakapandai Aku noyo ra pangkaraan nilo.”

SAGULION 4:35

Binaal ru Tuhan ngaangai' baal raginio maa' raginio makapandai kau ra Io rondo'-rondo' noyo Tuhan, am kolondo' boo bokon.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

1 PITRUS 5:2

Alungi' min toojo domba ondo' pinalansan noyo ramuyun ri Aki Kapuuno'. Pai' kano kaagat guang, kaa' alungi' ilo no mabaya' ra guang matasu', sabap ragitio noyo kasagaan ri Aki Kapuuno'. Pai' min noyo kondoyo' gitio koson maguyum ayuk ra gaji' galama', kaa' alungi' ilo no ra totopot ru guang min.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

1 SAMUIL 12:20

Taam i Samuil, “Pai' kau kalaa'! Kabalu' pana ra nambaal kano ra baal ondo' malaat, pai' talikuri' Tuhan. Pangandoi kano ayuk toojo Riso ra sototopot ru guang mino.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”