1 TUNUNG RU BANSA' ISRAIL 28:8 - Tanou Moonsoi Timugon

⁸ Kon poyo ru Raja' Daut, “Ginio ra akau mamagun kuno, giu' ra saang ri Aki Kapuuno' takau am giu' ra saang ru ngaangai' ulun ru Israil, ulun ru Tuhan ti, kitaakon ku toojo maa' raginio gumagaya' kau ra ngaangai' susuban ru Tuhan, i Aki Kapuuno' takau. Ra koon raginio ra akau totopot mokolonggom ra pagun moonsoi ti am patungkuson ginio ra papag min saboi ra sabubuoi no.”

1 TUNUNG RU BANSA' ISRAIL 28:8 ပူးပေါင်းရင်းမြစ်များ

1 TUNUNG RU BANSA' ISRAIL 28:7

Amon ru totopot io gumagaya' ra ngaangai' ukum am susuban Kuno koson ra ondo' binaal nano raino, Aku pana mangikang ra pamarintaan nano ra sabubuoi no.’ ”

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

IJRA 9:12

Nabi-nabi no nambala' ramon ra kalo iowon akai matagandu' ra mamagun toojo kapoam mangindangan risilo masauk ra langkaya' am makakaansayan. Amon ru gumagaya' akai, masauk akai ra maikang am makasia' ra ampos ru tana' no am niayuk makatungkus ginio ra papag mai ra sabubuoi no.

MAZMUR 119:27

Indangano' aku mangulig ra ukum Muno, am imansain ku pangilaan Muno ondo' makaimuag no.

MAZMUR 119:4

Pinataak Mu ukum Muno ramon, iou Tuhan, am manusub ramon sumugut am gumagaya'.

MAZMUR 119:44

Kasaga' ru guang kuno gumagaya' ra ukum Muno, ra sabuoi-buoi no.

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

AMSAL 13:22

Ulun moonsoi patungkuson no rapu' nano ra anak am akupu, kaa' rapu' ru ulun makatula patungkuson ra ulun ondo' mabanis guang.

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

JISAYA 34:16

Uyumo' ralalom kitab ru Tuhan am basaa'. Kolondo' rondo' pana intor ra ngaangai' ilo ondo' maayag no matatak kapoam kolondo' tuop. Inaru' noyo ru Tuhan, am Io galama' manimung ra ngaangai' ilo ondo' maayag no.

RINALATAN 10:33

Ginio sabap ra nampiau aku rirun ra mataki' am naringkuanang akai ra minatong kou ragiti. Raino tumimung akai ra saang ri Aki Kapuuno' koson mangkirongog ra atan ayuk panusuban nano koson pabalaan muno ramon.”

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

SAGULION 27:1

I Musa pana nabaya' ra tingganai-tingganai ru bansa' ru Israil, mindagu ra ulun raginio, “Gagayaa' noyo ngaangai' susuban ondo' pataakon kuno ramuyun ra orou raiti'.

SAGULION 29:10

“Paat ra orou raiti' migor kau ngaangai' ra saang ru Tuhan i Aki Kapuuno' min: ngaangai' tingganai, pagawai, bala ru ungkuyon,

SAGULION 29:15

kaa' ra itakau ngaangai' ondo' minigor ragiti paat ra orou raiti', giu' ra saang ru Tuhan i Aki Kapuuno' takau am niayuk ra papag takau paat ra orou matong.”

SAGULION 4:1

Indagu boo i Musa ra ulun raginio, “Gagayaa' noyo ngaangai' ukum ondo' inila' kuno ramuyun, maa' raginio maayag kau am makaayan ra tana' ondo' taakin ru Tuhan i Aki Kapuuno' ru kinamatuaan min ramuyun.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

JOSUA 24:20

Amon ru mangiruan kau Riso am mangandoi ayuk ra tuhan-tuhan ru bansa' ru bokon, manggal Io ramuyun am mangukum ramuyun. Mamuso Io ramuyun, kabalu' pana ragili moonsoi Io ramuyun.”