1 TUNUNG RU BANSA' ISRAIL 28:20 - Tanou Moonsoi Timugon

²⁰ Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

1 TUNUNG RU BANSA' ISRAIL 28:20 ပူးပေါင်းရင်းမြစ်များ

1 RAJA'-RAJA' 6:38

Paat ra sila' kabalu', iono sila' Bul, paat ra bilor koopor am rondo' ra pamarintaan ru Raja' Salomo, nambaalan ra Baloi ru Tuhan no nopongo, nontopot koson ra ondo' inatang noyo. Buoi ru nambaalan no tulu' ngambilor.

1 TUNUNG RU BANSA' ISRAIL 22:13

Amon ru gumagaya' kou ra ngaangai' ru ukum ondo' tinaakan ru Tuhan ra Israil ondo' pinabala' galing ri Musa, makasugut kou. Musiti' kou mangintopot am baani. Pai' kalaa' manguma' ra atan ayuk pana.

1 TUNUNG RU BANSA' ISRAIL 28:10

Karaa' noyo toojo ra Tuhan nampili' rirun koson mambaal ra baloi ra rorondo' koson Riso. Ginio ra, raino baalo' noyo kandoi no ra guang mingkotog toojo.”

2 TUNUNG RU BANSA' ISRAIL 19:11

Tingganai Maayo Imam Amarya makakuasa' toojo ra ngaangai' baal ru ugama, am i Jibaja anak ri Ismail, gabenor ru Jiuda, makakuasa' toojo ra ngaangai' baal ru kasuangan. Ulun ru Liwi pinalansan ra kasugutan ra kapatasan ru makama. Baalo' min ra matanda' am suguto' panuluan-panuluan ragitio. Gama' ru Tuhan mabaya' ra ulun ondo' mambaal ra matimpok!”

IJRA 10:4

Guguang muno mambaal sabap ra ginio noyo pinalansan rirun. Maya' akai rirun ra sotopot no. Guguang muno mambaal ra malasang saboi baal raginio masalasai.”

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:13

Aku noyo Tuhan, i Aki Kapuuno' min; ikangon Takamin ra ragu, ‘Pai' kalaa', indanganon Takamin.’ ”

AGAI 1:13

Kopongo raginio nampasaboi i Agai ra ragu ru Tuhan risilo ra binantu' noyo ru Tuhan mabaya' risilo.

AGAI 2:4

Kaa' pai' sangulun pana malawo guang! Rayuso' min kandoi no, sabap ra mabaya' Aku ramuyun.

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

1 KORINTUS 16:13

Pagilalai' am pangintopot kano toojo, baani am mikang kau.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”