1 TUNUNG RU BANSA' ISRAIL 28:2 - Tanou Moonsoi Timugon

² Bigor Raja' Daut giu' ra saang nilo am indagu, “Rongogo' mamagun ku ngai'! Nabuoi aku no makaguang koson mambaal ra rondo' baloi ondo' mantilayun koson ra Kaban Nabantuan, sanaran ru kalayam ru Tuhan, i Aki Kapuuno' takau. Inula' ku noyo koson mambaal ra rondo' baloi intok sumamba Riso.

1 TUNUNG RU BANSA' ISRAIL 28:2 ပူးပေါင်းရင်းမြစ်များ

KASAUKAN 48:2

Kabalai' i Jakub ra nakaratong noyo i Jusup anak nano, ikang io am panturung ra nambalangan nano.

1 RAJA'-RAJA' 1:47

Ra niayuk poyo, pagawai-pagawai ru istana minumpos minuma' ra Raja' Daut koson mindagu ra maringkuanang riso. Konilo riso, ‘Gama' ru i Aki Kapuuno' muno mapasauk ra Raja' Salomo no mauligan poyo kaga' intor rirun, am gama' ru langkaya' poyo intor ra pamarintaan muno.’ Kopongo raginio igugulatur Raja' Daut giu' ra intok kaalangan nano koson sumamba ra Tuhan,

1 RAJA'-RAJA' 5:3

“Nakapandai kou ra Raja' Daut, ama' kuno magail mantula' kalalaat manggal ra pantula' intor ra pagun-pagun ra paginggaar nano. Kalo poyo nanaak Tuhan riso ra kamanangan ra ngaangai' ru pantula' nano, kalo nakapambaal io ra Baloi intok sumamba ra Tuhan, i Aki Kapuuno' nano.

1 TUNUNG RU BANSA' ISRAIL 17:4

“Ongoi posoboyo' ragu Kutu ra ulipon Kuno i Daut, ‘Sala' ka okou mambaal ra baloi Kuno.

1 TUNUNG RU BANSA' ISRAIL 22:14

Intor ra Baloi ru Tuhan no, piniratan ku noyo toojo koson nanimung nasailan intor ra 3,400 ngatan mas am nasailan intor ra 34,000 ngatan pirok. Suai raginio mokoondo' gangsa' am basi' ondo' kalo mauntob suang no. Tataun am batu pana tinampos ku noyo, kaa' musiti' mu ruangin poyo ginio.

1 TUNUNG RU BANSA' ISRAIL 22:6

Piniau ru Raja' Daut anak nano i Salomo, am nanusub riso koson mambaal ra rondo' baloi tayar ru Tuhan i Aki Kapuuno' ondo' sambaan ru ulun ru Israil.

1 TUNUNG RU BANSA' ISRAIL 22:7

Indagu Raja' Daut ri Salomo, “Okou anak kuno, nabuoi noyo ginuang ku mambaal ra rondo' baloi koson mangurumat ra Tuhan i Aki Kapuuno' kuno.

1 TUNUNG RU BANSA' ISRAIL 6:31

Raja' Daut nampili' ra kukula' ngaulun koson manalingapu ra rimbai pangamparan giu' ra intok sambayangan giu' ra Jirusalim, nalupus Kaban Nabantuan pinabanding ra giu' no.

2 TUNUNG RU BANSA' ISRAIL 6:7

Kon poyo ru Raja' Salomo, “Ama' kuli, Raja' Daut, nangatang koson mambaal ra rondo' baloi koson ra intok sambayangan ra Tuhan, i Aki Kapuuno' ru Israil.

MAZMUR 110:1

Mazmur ri Daut. Minindagu Tuhan no ra raja' no, “Panturung soor ra pamiris Kutu, saboi ngaangai' pantula' muno makuasa' Ku am pataakon rirun.”

MAZMUR 132:14

Indagu Io, “Gitio noyo intok ayanan Kuno ra sabuoi-buoi no; mayan Aku ragiti.

MAZMUR 132:2

Karaa' noyo samba nali Rirun, iou Tuhan, am bantu' nali Rirun, Ondo' Maikang Kaga', i Aki Kapuuno' ondo' sambaan ri Jakub.

MAZMUR 22:22

Kolondo' boo ikang kutu, palabuso' aku intor ra sangau ru karabau am intor ra kabang ru singa'.

MAZMUR 99:5

Omporo' noyo Tuhan, i Aki Kapuuno' takau; igugulatur no samba ra saang ru panturungan Nano! Io no matulai!

JISAYA 60:13

Tataun sipris, tataun juniper, am tataun pain, tataun ra moonsoi kaga' intor ra kataunan Libanon, ibiton koson manirong rirun, okou Jirusalim, koson mangindon ra Baloi Kuno am mapatulai ra bandar Kuno.

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

SULABOI 2:1

Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

RINALATAN 7:49

‘Limbowon no takhta Kuno, am tana' ti kinjangan Kuno. Atan kia ra baloi maalap min kabaal koson Raki'? Ati guat inayanan Kuno?

SAGULION 17:15

Aruo' noyo ra ulun pilion min masauk ra raja' iono ulun ondo' pinili' ru Tuhan. Raja' no musiti' ulun ru bansa' min galama'. Pai' pilio' ulun bansa' ru bokon masauk ra raja' min.

SAGULION 17:20

Amon mambaal raja' koson raginio, kalo mangkara' io ra io no moonsoi poyo intor ra ulun sabansa' riso, am kalo manggal io ra susuban ru Tuhan. Raja' no pana mamarinta ra Israil ra mabuoi, am papag nano mamarinta ra Israil saboi ra papag ka papag.”