1 TUNUNG RU BANSA' ISRAIL 28:18 - Tanou Moonsoi Timugon

¹⁸ am intor ra masuang toojo mas kopoyo koson mambaal ra altar intok monolob ra kaminyan, am koson mambaal ra kurita' kuda ra kirub-kirub ondo' kawo nano nakabingkal giu' ra rasawat ru Kaban Nabantuan ru Tuhan.

1 TUNUNG RU BANSA' ISRAIL 28:18 ပူးပေါင်းရင်းမြစ်များ

1 RAJA'-RAJA' 7:48

Raja' Salomo niayuk nanusub ra ulun mambaal ra kakamot mas koson ra Baloi ru Tuhan: Altar, mija' ru ruti' ondo' pataakon ri Aki Kapuuno',

1 TUNUNG RU BANSA' ISRAIL 28:17

Io niayuk nangani' ra panuluan intor ra masuang toojo mas kopoyo ondo' musiti' pakayon koson mambaal ra garapu', mangkuk am bisin, am intor ra kinasuang toojo ru pirok am niayuk mas koson mambaal ra pinggan mangkuk,

MAZMUR 18:10

Lapako' No limbowon am tuun Io ralalom ru gaun molondom ragana' ru kalayam Nano.

MAZMUR 68:17

Kua intor ra tampak muno ra masuang no tontong muno sumolon ra Bulur Sion ondo' pinili' ri Aki Kapuuno' koson ayanan Nano? Sabuoi-buoi no Tuhan mayan ra giu'.

MAZMUR 80:1

Ra tingganai ru santimungan maririmbai. Sumugut ra rimbai: Bunga' Bakung. Mazmur kaintutunan ri Asap.

MAZMUR 99:1

Tuhan no raja', ulun monontol sabap ra Io; nanturung Io ra tampak ru kirub, am tana' ti pana mauyog.

IBRANI 9:5

Rasawat ru kaban no mokoondo' ruo sinungkalalaing binaal intor ra mas ondo' ininggalanan ra kirub. Ilo no tatandu' ra i Aki Kapuuno' soroi ra giu' no. Kawo nilai nanili ra taub ru kaban no, ondo' tinakisan ra raraa' koson mangampun ra tula ru ulun. Kaa' kalo lair makabala' ku ngaangai' ra raino ti.

1 SAMUIL 4:4

Ginio ra nanusub ilo ra ulun mongoi ra Silo koson mangalap ra Kaban Nabantuan ru Tuhan Ondo' Maayo Kaga' Kuasa', ondo' soroi ra rasawat ru Kirub. Karuruo ngaulun ra anak ri Ili, iono i Gopni am i Pinigas pana minatong nabaya' ra Kaban Nabantuan no.