1 TUNUNG RU BANSA' ISRAIL 27:1 - Tanou Moonsoi Timugon

^1-15 Tingganai-tingganai ru sasambaloi, ilo tingganai ru bansa', am ilo pagawai ru saujor nampaugar ra kandoi ru upis ru pamarintaan ru Israil. Moonong bilor ra buoi no sansila', mokoondo' rondo' pulalai ondo' mangandoi ra mampapalit ondo' tingganayon ru sangulun tingganai. Moonong pulalai mokoondo' 24,000 ngaulun. Gitilo noyo inggalan ru tingganai ru pulalai ondo' mangandoi koson moonong sila': Sila' kasaa': Jasobam anak ri Jabdiil (io intor ra bansa' ru Piris, santayaran intor ra bansa' ru Jiuda). Sila' karuo: Dodai, papag ri Agogi. Miklot noyo uakil nano. Sila' katalu: Binaya anak ru Imam Joyada; io noyo tingganai ru Pulalai Talu Ngoopor (Amijabad, anak nano noyo uakil nano). Sila' kaapat: Asail, pabukat ri Joab (namalit riso i Jibaja, anak nano). Sila' kalimo: Samgut, papag ri Jijra. Sila' koonom: Ira anak ri Ikis intor ra bandar Tikoa. Sila katulu': Gilis, papag ri Ipraim intor ra bandar Piloni. Sila' kabalu': Sibkai intor ra bandar Gusa (io intor ra bansa' ru Jirag, santayaran intor ra bansa' ru Jiuda). Sila' kasiam: Abiijir intor ra bandar Anatot giu' ra wilayah ru bansa' ru Binjamin. Sila' Koopor: Magarai, papag ri Jirag intor ra bandar Nitopa. Sila' Koopor am rondo': Binaya intor ra bandar Piraton giu' ra wilayah ru bansa' ru Ipraim. Sila' koopor am ruo: Gildai papag ri Otniil intor ra bandar Nitopa.

1 TUNUNG RU BANSA' ISRAIL 27:1 ပူးပေါင်းရင်းမြစ်များ

2 SAMUIL 23:8

Gitio noyo inggalan ru ngaangai' saujor ru Raja' Daut ondo' mauligan kaga': Ondo' kasaa' i Isbaal, ulun ru Gakmoni, tingganai ru “Pulalai Katalu”. Nakaili' io mangayou manggal ra 800 ngaulun. Namatoi io risilo ngaangai' ra tutura' nano ralalom ru rondo' pangayawan.

1 RAJA'-RAJA' 4:27

Mopor am ruo ngaulun pagawai ru libung nano, sigagama' mangula' ra akanon ondo' pakuan ru Raja' Salomo am ngaangai' ru ulun ondo' mangakan giu' ra istana nano. Pagawai-pagawai ru libung no mangula' ra bulan-bulan ondo' inaru' noyo risilo. Magail ilo mangula' ra ngaangai' no ra ukopon.

1 RAJA'-RAJA' 4:7

Nampalantik Raja' Salomo ra mopor am ruo ngaulun nasauk ra pagawai ru libung giu' ra Israil. Kandoi nilo mampalulur ra akanon intor ra wilayah nilo tayar ru raja' am ngaangai' ru mayan ra istana. Sigagama' ru pagawai ru libung no mangula' buoi sambulan paat ra moonong bilor.

1 RAJA'-RAJA' 5:14

am nampalantik ri Adoniram nasauk ra mantamung risilo. Raja' Salomo nantayar risilo ra talu ngampulalai, 10,000 ngaulun sampulalai. Moonong pulalai mangandoi buoi sansila' giu' ra Libanon am mayan ra baloi buoi ruo ngansila'.

1 TUNUNG RU BANSA' ISRAIL 11:10

Gitilo noyo inggalan ru saujor ru Raja' Daut. Nababaya' ra ulun ru Israil ra bokon, mingkotog ilo maa' raginio Raja' Daut masauk ra raja' koson ondo' binantu' ru Tuhan, am sinungka' nilo pamarintaan nano.

1 TUNUNG RU BANSA' ISRAIL 13:1

Nansusunur Raja' Daut am ngaangai' pagawai nano ondo' naningganai ra pulalai saribu ngaulun am pulalai maatus ngaulun.

1 TUNUNG RU BANSA' ISRAIL 26:32

Ngaangai' ugar ru ugama am pamarintaan giu' ra Israil tampilon ra sirangon ru Sungoi Jordan, iono giu' ra wilayah ru bansa' ru Rubin, Gad am Manasi Sirangon, pinataak ra 2,700 tingganai ru sasambaloi ri Jiria; ilo ngaangai' ulun nangauligan kaga' ondo' pinili' ri Raja' Daut.

1 TUNUNG RU BANSA' ISRAIL 28:1

Raja' Daut nanusub ra ngaangai' tingganai ru Israil maa' raginio tumimung giu' ra Jirusalim. Ginio ra ngaangai' tingganai ru bansa', pagawai mangandoi ra upis ru pamarintaan, tingganai ru bansa', ulun manalingapu ra rapu' am bibiag tinambiag ru raja', am niayuk anak-anak ungkuyon ru raja' – ontoson ragu, ngaangai' tingganai maayo ru istana, panglima am ulun mangaatang – timinimung giu' ra Jirusalim.

1 TUNUNG RU BANSA' ISRAIL 29:6

Kopongo raginio tingganai-tingganai ru bansa', tingganai ru bansa' boborok, panglima, am ulun manalingapu ra longgom ru raja' nambala' ra kasagaan nilo koson mangani' ra paindanganon.

2 TUNUNG RU BANSA' ISRAIL 1:2

Nanusub Raja' Salomo ra ngaangai' pagawai ondo' naningganai ra pulalai ondo' mokoondo' saribu ngaulun am maatus ngaulun, am ngaangai' pagawai ru pamarintaan, ngaangai' tingganai ru sasambaloi am niayuk ngaangai' ru mamagun

KAINGKUALAN 18:25

Nampili' i Musa ra kukula' ngaulun ungkuyon ondo' mapintar ra popolos ru ulun ru Israil, am nampalantik risilo ra tingganai ondo' maningganai ra saribu ngaulun, maatus ngaulun, limo ngoopor ngaulun am mopor ngaulun.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

SAGULION 1:15

Ginio ra nampili' aku ra kukula' ngaulun ondo' mapintar toojo am makanailian, ondo' pinili' min noyo intor ra moonong bansa' maa' raginio masauk ra tingganai min. Mokoondo' kukula' ngaulun risilo ondo' pinalansan saribu ngaulun, ondo' bokon no maatus ngaulun, ra limo ngoopor ngaulun, am niayuk ra mopor ngaulun. Nampili' aku niayuk ra pagawai-pagawai ra bokon ra gino ngai' ru bansa' min.

JOSUA 23:1

Nabuoi kalupus raginio, nanaak Tuhan ra kamiaan ra ulun ru Israil; kalo boo jinajou ilo ru pantula' ra liliut nilo. Paat raginio i Josua matutuo noyo kaga'.

1 SAMUIL 8:12

Mokoondo' ondo' pasaukon ra tingganai ru pulalai ra saribu ngaulun saujor, am mokoondo' poyo tingganai ru pulalai ra limo ngoopor ngaulun saujor. Jajalin ru raja' no anak ungkuyon mino maparagus ra umo nano, mangkumos ra ampos ru tinanom nano, am mambaal ra kinandoi am niayuk kuliamos ra tayar ru kurita' kuda ru raja'.