1 TUNUNG RU BANSA' ISRAIL 26:32 - Tanou Moonsoi Timugon32 Ngaangai' ugar ru ugama am pamarintaan giu' ra Israil tampilon ra sirangon ru Sungoi Jordan, iono giu' ra wilayah ru bansa' ru Rubin, Gad am Manasi Sirangon, pinataak ra 2,700 tingganai ru sasambaloi ri Jiria; ilo ngaangai' ulun nangauligan kaga' ondo' pinili' ri Raja' Daut. အခန်းကိုကြည့်ပါ။ |
1 TUNUNG RU BANSA' ISRAIL 26:32
7 ပူးပေါင်းရင်းမြစ်များ
Koson mangaru' ra paat nilo mangandoi, moonong sasambaloi mababaya' ra sangulun boborok nano ra ungkuyon mangundi' koson ra binaal ru pabukat nilo, iono imam-imam ra papag ri Arun. Pangundian no inilayan ru Raja' Daut nababaya' ri Jadok, i Agimilik, am niayuk tingganai-tingganai ru sasambaloi intor ra nalili' imam am nalili' ulun ru Liwi.
Tingganai-tingganai ru sasambaloi, ilo tingganai ru bansa', am ilo pagawai ru saujor nampaugar ra kandoi ru upis ru pamarintaan ru Israil. Moonong bilor ra buoi no sansila', mokoondo' rondo' pulalai ondo' mangandoi ra mampapalit ondo' tingganayon ru sangulun tingganai. Moonong pulalai mokoondo' 24,000 ngaulun. Gitilo noyo inggalan ru tingganai ru pulalai ondo' mangandoi koson moonong sila': Sila' kasaa': Jasobam anak ri Jabdiil (io intor ra bansa' ru Piris, santayaran intor ra bansa' ru Jiuda). Sila' karuo: Dodai, papag ri Agogi. Miklot noyo uakil nano. Sila' katalu: Binaya anak ru Imam Joyada; io noyo tingganai ru Pulalai Talu Ngoopor (Amijabad, anak nano noyo uakil nano). Sila' kaapat: Asail, pabukat ri Joab (namalit riso i Jibaja, anak nano). Sila' kalimo: Samgut, papag ri Jijra. Sila' koonom: Ira anak ri Ikis intor ra bandar Tikoa. Sila katulu': Gilis, papag ri Ipraim intor ra bandar Piloni. Sila' kabalu': Sibkai intor ra bandar Gusa (io intor ra bansa' ru Jirag, santayaran intor ra bansa' ru Jiuda). Sila' kasiam: Abiijir intor ra bandar Anatot giu' ra wilayah ru bansa' ru Binjamin. Sila' Koopor: Magarai, papag ri Jirag intor ra bandar Nitopa. Sila' Koopor am rondo': Binaya intor ra bandar Piraton giu' ra wilayah ru bansa' ru Ipraim. Sila' koopor am ruo: Gildai papag ri Otniil intor ra bandar Nitopa.
Tingganai Maayo Imam Amarya makakuasa' toojo ra ngaangai' baal ru ugama, am i Jibaja anak ri Ismail, gabenor ru Jiuda, makakuasa' toojo ra ngaangai' baal ru kasuangan. Ulun ru Liwi pinalansan ra kasugutan ra kapatasan ru makama. Baalo' min ra matanda' am suguto' panuluan-panuluan ragitio. Gama' ru Tuhan mabaya' ra ulun ondo' mambaal ra matimpok!”
ကြော်ငြာတွေ