1 TUNUNG RU BANSA' ISRAIL 26:20 - Tanou Moonsoi Timugon

²⁰ Ulun ra bokon ralalom bansa' ru Liwi inanian ra kandoi manalingapu ra kuliamos ru Baloi ru Tuhan am gudang pambulian ra ondo' tinaakan-tinaakan ra tayar ri Aki Kapuuno'.

1 TUNUNG RU BANSA' ISRAIL 26:20 ပူးပေါင်းရင်းမြစ်များ

1 RAJA'-RAJA' 14:26

Nampagaau Raja' Sisak ra ngaangai' rapu' giu' ra Baloi ru Tuhan am giu' ra istana, nakaaya' perisai-perisai mas ondo' binaal ru Raja' Salomo.

1 RAJA'-RAJA' 15:18

Ginio ra Raja' Asa nangalap ra ngaangai' pirok am mas ondo' lakat poyo soroi giu' ra Baloi ru Tuhan am giu' ra istana, am pinaumbaya' ra kukula' ngaulun pagawai nano, Raja' Asa nangator ra ngaangai' no giu' ra Damsyik, pinoongoi ra Raja' Bingadad giu' ra Siria. Raja' Bingadad akupu ri Tabrimon am akupu ri Gijion. Raja' Asa nangator ra ngaangai' no nabaya' ra bilin ragitio,

1 RAJA'-RAJA' 7:51

Kopongo Raja' Salomo nambaal ra Baloi ru Tuhan, nambuli io ra pirok, mas am kakamot ra bokon ondo' patimpokon ra Tuhan ru Raja' Daut, ama' nano. Kakamot-kakamot raginio pinauli giu' ra ralalom ru stor-stor ru Baloi ru Tuhan.

1 TUNUNG RU BANSA' ISRAIL 18:11

Pinataak ru Raja' Daut ngaangai' tangguang no ra Tuhan koson pakayon ralalom ru upacara sambayang. Koon niayuk ra ondo' binaal ru Raja' Daut am kuliamos pirok am mas ondo' inalap nano intor ra bansa'-bansa' ondo' kinala nano, iono bansa' ru Idom, Moab, Amon, Palistin am Amalik.

1 TUNUNG RU BANSA' ISRAIL 26:19

Koon raginio noyo pantayaran ra kandoi magalung ra tayar ru bansa' ru Kora am Mirari.

1 TUNUNG RU BANSA' ISRAIL 26:21

I Ladan anak ungkuyon ri Girson; io kinamatuaan ru kukula' bansa', nakaaya' bansa' ru Jiwil anak nano.

1 TUNUNG RU BANSA' ISRAIL 26:22

Anak-anak ri Jiwil, iono i Jitam am i Joil, inanian ra kandoi manalingapu ra gudang-gudang am kausinan ra Baloi ru Tuhan.

1 TUNUNG RU BANSA' ISRAIL 26:24

I Sibuil intor ra bansa' ri Girsom anak ri Musa, iono magalung ra kausinan ra Baloi ru Tuhan.

2 TUNUNG RU BANSA' ISRAIL 8:15

Susuban ru Raja' Daut ra imam-imam am ulun-ulun ru Liwi intor ra intok-intok pambulian am baal-baal ra bokon, ngaangai' no pinaugar noyo ra matanda'.

IJRA 2:69

Nangani' ilo ra indangan sumugut ra makataak ru sigagama' am suang no iono 500 ngakilogram mas, 2,800 ngakilogram pirok am 100 sukub ru imam.

IJRA 8:28

Indagu aku risilo, “Akau ti timpokon ayuk ra tayar ru Tuhan, i Aki Kapuuno' ru kinamatuaan takau. Koon raginio niayuk ngaangai' kuliamos intor ra pirok am mas ondo' pinataak koson ra taak lilion ayuk ra Tuhan ayuk.

NIGIMIA 12:44

Paat raginio, kukula' ngaulun sinusub magalung ra intok-intok pambulian ra ulaan giu' ra Baloi ru Tuhan. Ulaan no nakaaya' taak sampiopor am unor-unor am niayuk kikinawa' ondo' kasaa' naansak ra moonong bilor. Ngaangai' ulun no linansanan manimung ra pataakon intor ra ulun-ulun magitanom giu' ra liliut ru bandar ra tayar ru imam-imam am ulun-ulun ru Liwi, koson ra nanusuban ru Taurat. Ngaangai' mamagun ru Jiuda mangurumat ra imam-imam am ulun-ulun ru Liwi,

MALIAKI 3:10

Ibito' min ngaangai' sampiopor min giu' ra Baloi Kuno maa' raginio mokoondo' masuang akanon ra giu'. Pangkinam kano Raki', am makito min Aku mangukab ra gigimpalan-gigimpalan ru suruga' am labain kau ra ngaangai' ondo' moonsoi.

UNTABAN 8:26

Mopongo raginio makapangindangan io ra gino po ngai' ulun ru Liwi ondo' mangandoi giu' ra Kim Kuno, kaa' kolondo' boo kandoi magulayun nano. Ginio noyo ralan muno manampos ra kandoi ru ulun ru Liwi.”