1 TUNUNG RU BANSA' ISRAIL 25:1 - Tanou Moonsoi Timugon

¹ Koson maningganai ra upacara-upacara ru sambayang, Raja' Daut am tingganai ru ulun ru Liwi nampili' ra bansa'-bansa' intor ra bansa' ru Liwi ragitilo: I Asap, Giman am Jidutun. Ilo pinangandoi koson mampasaboi ra tanou intor ri Aki Kapuuno' am sumbayaan ra jitor, gambus am simbal. Koson maningganai ra sambayang am upacara nano, pinili' pulalai ragitilo:

1 TUNUNG RU BANSA' ISRAIL 25:1 ပူးပေါင်းရင်းမြစ်များ

1 RAJA'-RAJA' 10:12

Raja' Salomo namakai ra tataun no koson mambaal ra susuran ra Baloi ru Tuhan am istana nano, am niayuk koson mambaal ra jitor am gambus ra tayar ru ulun-ulun mangkuli ra miujik. Tataun cendana no ondo' moonsoi kaga' ondo' igondo' inibit giu' ra Israil. Intor raginio, tataun cendana ondo' moonsoi kaga' no kalo boo igondo' kakito.)

2 RAJA'-RAJA' 3:15

Raino piawo' sangulun mangkuli ra jitor.” Liliwa' ulun no mangkuli ra jitor nano, kuasa' ru Tuhan no liminibung ri Ilisa,

1 TUNUNG RU BANSA' ISRAIL 13:8

liliwa' Raja' Daut am ngaangai' ulun ru Israil nansasayau ra naansukan koson mangurumat ri Aki Kapuuno'. Naririmbai ilo liliwa' nangkuli ra kuliamos ru miujik – jitor, gambus, tamburing, simbal am bujung.

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

1 TUNUNG RU BANSA' ISRAIL 23:2

Tinimung ru Raja' Daut ngaangai' tingganai ru Israil, imam am ulun ru Liwi,

1 TUNUNG RU BANSA' ISRAIL 25:2

Apat anak ungkuyon ri Asap: I Jakur, Jusup, Nitania am Asarila. Tingganai nilo iono i Asap, ondo' mampasaboi ra tanou intor ri Aki Kapuuno', paat susubon ru raja'.

1 TUNUNG RU BANSA' ISRAIL 25:3

Onom anak ungkuyon ri Jidutun: Gidalia, Jiri, Jisaya, Simii, Gasabia am Matisa. Ralalom naningganayan ru ama' nilo, nampasaboi ilo ra tanou intor ri Aki Kapuuno' am sumbayaan ra jitor. Marimbai ilo ra rimbai pangamparan am rimbai paringkuanangan ra Tuhan.

1 TUNUNG RU BANSA' ISRAIL 25:9

Ngaangai' ru 288 ngaulun no tinayar ra 24 ngampulalai sumugut ra sasambaloi ru sigagama'. Moonong pulalai mokoondo' 12 ngaulun tiningganai ru sangulun tingganai. Gitilo noyo inggalan nilo sumugut ra paat nilo mangandoi: 1. Jusup intor ra sasambaloi ri Asap 13. Subail 2. Gidalia 14. Matisa 3. Jakur 15. Jirimot 4. Jijri 16. Gananya 5. Nitania 17. Josbikasa 6. Bukia 18. Ganani 7. Jisarila 19. Maloti 8. Jisaya 20. Iliata 9. Matanya 21. Gotir 10. Simii 22. Gidalti 11. Ajariil 23. Magajiot 12. Gasabia 24. Romamti-Ijir.

1 TUNUNG RU BANSA' ISRAIL 6:16

I Liwi mokoondo' talu anak ungkuyon: Girson, Kigat am Mirari.

1 TUNUNG RU BANSA' ISRAIL 6:33

Suang ru ulun ondo' inanian ra kandoi raginio iono koson ragitio: Intor ra bansa' ri Kigat: Giman anak ri Joil iono tingganai ru pulalai maririmbai ondo' kasaa'. Suang ru inggalan no ondo' intor ra puun saboi ra untu, iono polos ri Jakub: Giman, Joil, Samuil

1 TUNUNG RU BANSA' ISRAIL 6:39

I Asap noyo tingganai ru pulalai maririmbai ondo' karuo. Suang ru papag nano ondo' intor ra puun polos ra untu, iono polos ri Liwi: Asap, Birikia, Simia,

1 TUNUNG RU BANSA' ISRAIL 6:44

I Itan noyo tingganai ru pulalai maririmbai ondo' katalu; Itan intor ra bansa' ru Mirari. Suang ru papag nano intor ra puun polos ra untu, iono polos ri Liwi: Itan, Kisi, Abdi, Maluk,

1 TUNUNG RU BANSA' ISRAIL 9:33

Kukula' ngambaloi intor ra ulun ru Liwi nangandoi koson ra maririmbai giu' ra Baloi ru Tuhan. Tingganai-tingganai ru sasambaloi nilo minayan giu' ra kukula' baloi giu' ra Baloi ru Tuhan. Kalo inanian ilo ra kandoi ra bokon sabap mangandoi ilo paat ra matawang am rondom.

2 TUNUNG RU BANSA' ISRAIL 23:1

Kopongo naginaa buoi onom ngambilor, bagu no Imam Joyada minimbuor. Nambaal io ra paguguuman ra limo ngaulun pagawai ru saujor: I Ajaria anak ri Jigoram, Ismail anak ri Joganan, Ajaria anak ri Obid, Maasiya anak ri Adaya am Ilisapat anak ri Jikri.

2 TUNUNG RU BANSA' ISRAIL 23:13

Raja' Ruandu' Atalya nakakito ra raja' ondo' bagu, migor giu' ra kulobon sumubol ra Baloi ru Tuhan, intok io linantik, linimpuan ru pagawai-pagawai ru saujor am ulun manamput ra bujung. Ilo ngaangai' nagilakup am naansukan liliwa' nanamput ra bujung. Ulun-ulun mangkuli ra miujik giu' ra Baloi ru Tuhan nanumbaya' ra upacara no ra kuliamos miujik nilo. Raja' Ruandu' Atalya namparilak ra bayang nano sabap ra magalabo am siminangit. Golok io, “Mamparuung! Mamparuung!”

2 TUNUNG RU BANSA' ISRAIL 23:18

Pinangandoi ri Joyada imam-imam am ulun-ulun ru Liwi koson manalingapu ra kandoi giu' ra Baloi ru Tuhan sumugut ra pantayaran ra kandoi ondo' inaru' noyo ru Raja' Daut. Musiti' ilo mampataak ra taak simbalui koson mapabansuk ra guang ru Tuhan sumugut ra Ukum ri Musa. Ilo niayuk pinangandoi manalingapu ra miujik am pangiantakan.

2 TUNUNG RU BANSA' ISRAIL 23:9

Nangani' i Joyada ra pagawai-pagawai ru saujor no ra tutura' am perisai, ondo' ragili linonggom ru Raja' Daut, am ondo' binulian giu' ra ralalom Baloi ru Tuhan.

2 TUNUNG RU BANSA' ISRAIL 31:2

Raja' Gijkia nambaal saguli' ra pulalai ru imam-imam am ulun-ulun ru Liwi. Moonong pulalai inanian ra kandoi ra inaru', nakaaya' kandoi monolob ra taak simbalui koson mapabansuk ra guang ru Tuhan am mampataak ra taak simbalui koson makibarakat ra Tuhan, maya' ralalom ru upacara sambayang giu' ra Baloi ru Tuhan, am mongompor am niayuk maringkuanang giu' ra kukula' intok ra ralalom Baloi ru Tuhan.

2 TUNUNG RU BANSA' ISRAIL 34:12

Ngaangai' mangngandoi no mabanis kaga' guang. Inalungan ilo ru apat ngaulun Liwi, iono i Jagat am Obaja intor ra bansa' ru Mirari, am i Jakaria am niayuk i Misulam intor ra bansa' ru Kigat. Ulun-ulun ru Liwi ngaangai' no mangkuli ra miujik ondo' mapandai kaga'.

2 TUNUNG RU BANSA' ISRAIL 35:15

Kukula' ngaulun mangkuli ra miujik intor ra bansa' ru Asap ralalom bansa' ru Liwi, iono i Asap, Giman am Jidutun nabi ru raja' no, minongoi ra intok nilo koson ondo' inaru' ru Raja' Daut. Ulun magalung ondo' nangandoi giu' ra kulobon garabang Baloi ru Tuhan kalo pana mangiruan ra intok-intok alungin nilo sabap ra ulun-ulun ru Liwi ra bokon nomongo noyo ra luntuk ra Pangiantakan Paska koson risilo.

2 TUNUNG RU BANSA' ISRAIL 8:14

Sumugut ra kaulayan ondo' inaru' ru Raja' Daut, ama' nali, Raja' Salomo nangaru' ra kandoi moonong orou tayar ru imam-imam am ulun-ulun ru Liwi ondo' mangindangan ra imam marimbai ra rimbai-rimbai mazmur, am niayuk mangindangan ralalom kandoi ru imam. Raja' Salomo niayuk nampatampos ra pulalai ru ulun magalung ra Baloi ru Tuhan ra kandoi moonong orou nilo giu' ra moonong kulobon garabang, sumugut ra susuban ru Raja' Daut, ulipon ri Aki Kapuuno' no.

IJRA 6:18

Ilo niayuk nanampos ra kandoi ru imam-imam am ulun ru Liwi giu' ra Baloi ru Tuhan giu' ra Jirusalim, sumugut ra aturan ondo' tinulisan ralalom ru Kitab ri Musa.

NIGIMIA 11:17

I Matanya anak ri Mika, akupu ri Jabdi, papag ri Asap. Io no tingganai ru ulun-ulun maririmbai giu' ra Baloi ru Tuhan paat marimbai ra pakiasian paringkuanangan. I Bakbukia, iono mangindangan ri Matanya. I Abda anak ri Samua, akupu ri Galal am papag ri Jidutun.

NIGIMIA 12:24

Ralalom paningganayan ri Gasabia, Siribia, Jisua, Binui am i Kadmiil, ulun ru Liwi tinayar nasauk ra kukula' ngampulalai. Moonong igondo', mokoondo' ruo ngampulalai ondo' mangandoi mongompor ri Aki Kapuuno' am maringkuanang Riso ra balos mambalos, sumugut ra aturan ondo' tinaakan ru Raja' Daut, ulipon ri Aki Kapuuno'.

NIGIMIA 12:27

Kopongo rinasmi timbok ru bandar Jirusalim, ulun ru Liwi piniau minongoi ra giu' intor ra ngaangai' intok inayanan nilo, maa' raginio sumimpung ilo ra parasmian no am marimbai ra rimbai paringkuanangan, sumbayaan ru miujik gambus am jitor.

MAZMUR 81:2

Pagigindii no ra maansukan ri Aki Kapuuno', manungka' ritakau; rimbayi' min ra rimbai mongompor i Aki Kapuuno' ri Jakub.

MAZMUR 81:3

Patalimpuuno' noyo miujik am asaso' tamburing; parimbai ra sulabit matangil am kayuson jitor am gambus.

YEHEZKIEL 40:44

Ungkuyon no pana nagibit boo raki' ra liliut ralalom. Giu' no mokoondo' ruo lamin, rondo' ra kiing ru kulobon garabang ralayo am tumingkuang ra rabugus, am rondo' poyo giu' ra kiing ru kulobon garabang rabugus am tumingkuang ra ralayo.

1 SAMUIL 10:5

Mopongo raginio ongoi ra bulur ri Aki Kapuuno' giu' ra Gibia. Giu' no mokoondo' ra pangkiman ru ulun ru Palistin. Giu' ra kulobon mumpos ra bandar, makatuum kou ra sampulalai nabi ondo' mambusul intor ra bulur, intok ru altar no. Mangkuli ilo ra gambus, rabana, suling am jitor. Saliligo' am sogogolok ilo.