1 TUNUNG RU BANSA' ISRAIL 24:6 - Tanou Moonsoi Timugon

⁶ Papag ri Iliajar am i Itamar nampapalit nagugundi'. Inggalan-inggalan nilo pana tinulisan ru sangulun mamamatik ondo' ininggalanan ri Simaya anak ri Nitaniil, ulun ru Liwi. Ngaangai' no paugaron giu' ra saang ru raja' mababaya' ra pagawai-pagawai nano, Imam Jadok, Agimilik anak ri Abiatar, am niayuk tingganai-tingganai ru sasambaloi ru nalili' imam, am tingganai-tingganai ru sasambaloi nalili' Liwi.

1 TUNUNG RU BANSA' ISRAIL 24:6 ပူးပေါင်းရင်းမြစ်များ

1 RAJA'-RAJA' 4:3

Mamamatik ru pagun: I Iligorip am i Agia, iono anak-anak ri Sisa Manutun ra rapu' ru pagun: I Josapat anak ri Agilud

1 TUNUNG RU BANSA' ISRAIL 23:24

Ginilo noyo inggalan ru papag ri Liwi ondo' tinulisan sumugut ra inggalan ru tingganai ru bansa' am sasambaloi ru sigagama'. Umur nilo ruo ngoopor ngambilor am nasailan am nokoowot ra kandoi giu' ra Baloi ru Tuhan.

1 TUNUNG RU BANSA' ISRAIL 24:31

Koson mangaru' ra paat nilo mangandoi, moonong sasambaloi mababaya' ra sangulun boborok nano ra ungkuyon mangundi' koson ra binaal ru pabukat nilo, iono imam-imam ra papag ri Arun. Pangundian no inilayan ru Raja' Daut nababaya' ri Jadok, i Agimilik, am niayuk tingganai-tingganai ru sasambaloi intor ra nalili' imam am nalili' ulun ru Liwi.

1 TUNUNG RU BANSA' ISRAIL 24:7

Gitilo noyo numbur ra tinampos maya' ra kandoi sumugut ra kapatasan ru undi' ra tayar ruo ngoopor am apat pulalai no: 1. Joyarib 13. Gupa 2. Jidaya 14. Jisibiab 3. Garim 15. Bilga 4. Siorim 16. Imir 5. Malkia 17. Gijir 6. Miyamin 18. Gapijis 7. Gakos 19. Pitaya 8. Abia 20. Yehezkiel 9. Jisua 21. Jakgin 10. Sikania 22. Gamul 11. Ilyasib 23. Dilaya 12. Jakim 24. Maajia.

2 TUNUNG RU BANSA' ISRAIL 34:13

Ulun-ulun ru Liwi ra bokon pinalansan ra pagautan ra kakamot ru panambalayan am magalung ra ulun-ulun manukang ondo' mambaal ra mansalinut kandoi. Ulun-ulun ru Liwi ra bokon poyo nangandoi ralalom kandoi ru upis pamarintaan, kapoam koson ra magalung.

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

NIGIMIA 8:1

Paat ra sila' katulu', ulun ru Israil namagun noyo giu' ra bandar ru sigagama'. Paat ra orou kasaa' sila' raginio, ilo ngaangai' timinimung giu' ra Jirusalim, giu' ra tana' malimparang mamaar ra Kulobon Garabang ru Timug. Nakitaak ilo maa' raginio kitab Taurat alapon ri Imam Ijra, sangulun mapandai kaga' ra Taurat ondo' pinataak ru Tuhan ra Israil ondo' pinabala' galing ri Musa.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

MATIUS 8:19

Sangulun mangingila' ra Ukum ri Musa minuma' ri Jisus am indagu, “Mangingila', masaga' aku maya' Rirun ra ati ayuk pana angayan!”

MARKUS 2:26

Minumpos io ra Baloi Tuhan, paat ri Abiatar nasauk ra Tingganai Maayo Imam Jaudi, am nangakan io ra ruti' pasulungon ri Aki Kapuuno' no. Maya' ra Ukum ri Musa osoi pana kalo makaakan ra ruti' ti, ondo' ayuk am imam-imam ru Jaudi, kaa' nangani' io poyo ra maamaya'-maamaya' nano.”