1 TUNUNG RU BANSA' ISRAIL 23:4 - Tanou Moonsoi Timugon

⁴ Kopongo raginio 24,000 ngaulun risilo pinangandoi ru Raja' Daut koson manalingapu ra kandoi giu' ra Baloi ru Tuhan, 6,000 ngaulun koson manalingapu ra kandoi ru upis pamarintaan am mangakim ra pansangaran,

1 TUNUNG RU BANSA' ISRAIL 23:4 ပူးပေါင်းရင်းမြစ်များ

1 TUNUNG RU BANSA' ISRAIL 6:48

Kandoi-kandoi ra bokon giu' ra intok sambayangan pinataak ra rangan-rangan nilo ra gino ngai' ru ulun ru Liwi.

2 TUNUNG RU BANSA' ISRAIL 19:8

Giu' ra Jirusalim, Raja' Josapat nampalantik ra ulun ru Liwi, imam-imam, am kukula' ngaulun tingganai ru mamagun koson ra akim, koson manalingapu ra baal-baal ondo' makakulawit ra manggal ra Ukum ru Tuhan am manggal ra kaulayan ru mamagun ru bandar no.

2 TUNUNG RU BANSA' ISRAIL 23:18

Pinangandoi ri Joyada imam-imam am ulun-ulun ru Liwi koson manalingapu ra kandoi giu' ra Baloi ru Tuhan sumugut ra pantayaran ra kandoi ondo' inaru' noyo ru Raja' Daut. Musiti' ilo mampataak ra taak simbalui koson mapabansuk ra guang ru Tuhan sumugut ra Ukum ri Musa. Ilo niayuk pinangandoi manalingapu ra miujik am pangiantakan.

2 TUNUNG RU BANSA' ISRAIL 34:13

Ulun-ulun ru Liwi ra bokon pinalansan ra pagautan ra kakamot ru panambalayan am magalung ra ulun-ulun manukang ondo' mambaal ra mansalinut kandoi. Ulun-ulun ru Liwi ra bokon poyo nangandoi ralalom kandoi ru upis pamarintaan, kapoam koson ra magalung.

NIGIMIA 11:22

Ulun magalung ra ulun ru Liwi ondo' minayan giu' ra Jirusalim iono i Uji anak ri Bani, akupu ri Gasabia. Kukula' ngaulun ra kinamatuaan nilo iono i Matanya am Mika intor ra bansa' ru Asap, iono bansa' ondo' kandoi no manalingapu ra miujik paat ra sambayang giu' ra Baloi ru Tuhan.

NIGIMIA 11:9

Tiningganai ilo ri Joil anak ri Jikri am ulun lansanin nano, i Jiuda anak ri Gasinua.

YEHEZKIEL 44:24

Paat ra makatabual pansangaran intor ra baal ru ukum, imam-imam no musiti' mangakim raginio sumugut ra ukum Kuno. Musiti' nilo salingapuon pangiantakan-pangiantakan ru ugama sumugut ra ukum am aturan Kuno am niayuk mangiantak ra orou Sabat koson ra orou ondo' matulai.

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

SAGULION 16:18

“Lantiko' noyo tingganai-tingganai ru bansa' am pagawai-pagawai ra bokon giu' ra moonong bandar ondo' pataakon ramuyun ru Tuhan i Aki Kapuuno' min. Ngaangai' ulun musiti' mangakim ra mamagun ra matimpok.