1 TUNUNG RU BANSA' ISRAIL 23:32 - Tanou Moonsoi Timugon

³² Pinangandoi ilo niayuk koson magalung ra Kim ru Tuhan am Baloi ru Tuhan, am niayuk mangindangan ra pabukat-pabukat nilo, iono imam-imam papag ri Arun, ralalom ru panalingapuan ra sambayang giu' ra intok no.

1 TUNUNG RU BANSA' ISRAIL 23:32 ပူးပေါင်းရင်းမြစ်များ

1 RAJA'-RAJA' 8:4

am nagibit raginio ra ralalom ru Baloi ru Tuhan. Ulun ru Liwi am imam-imam niayuk napabanding ra Kim ru Tuhan am ngaangai' ru kakamot no ra Baloi ru Tuhan.

1 TUNUNG RU BANSA' ISRAIL 9:27

Minayan ilo mamaar ra Baloi ru Tuhan, sabap ra musiti' ilo magalung ra Baloi ru Tuhan am mangukab ra kulobon-kulobon ra moonong susuab ti.

YEHEZKIEL 44:14

Raino pongondoyon Ku ilo mambaal ra kandoi ondo' musiti' paugaron giu' ra Baloi Kuno.”

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 18:5

Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

UNTABAN 3:38

I Musa, i Arun am anak-anak nano musiti' mangkim ra saang ru Kim ru Tuhan, tampilon ra sirangon. Mapaugar ilo ra sambayang giu' ralalom ru Lamin Matulai tayar ru ulun ru Israil. Ulun ra bokon ondo' kuminam mapaugar ra kandoi raginio musiti' ukumin ra matoi.

UNTABAN 8:26

Mopongo raginio makapangindangan io ra gino po ngai' ulun ru Liwi ondo' mangandoi giu' ra Kim Kuno, kaa' kolondo' boo kandoi magulayun nano. Ginio noyo ralan muno manampos ra kandoi ru ulun ru Liwi.”

SAGULION 18:7

am iowon mangandoi ayuk ra Tuhan i Aki Kapuuno' nano koson ra imam, koson ra ulun ru Liwi ra bokon ondo' mangandoi ra giu'.