1 TUNUNG RU BANSA' ISRAIL 23:28 - Tanou Moonsoi Timugon

²⁸ Musiti' ilo mangindangan ra imam-imam papag ri Arun ralalom kandoi upacara sambayang giu' ra Baloi ru Tuhan, magalung ra liliut am lamin giu' ra Baloi ru Tuhan, am niayuk magalung ra ngaangai' ondo' pinatimpok noyo ra Tuhan maa' raginio kalo masauk ra majamol.

1 TUNUNG RU BANSA' ISRAIL 23:28 ပူးပေါင်းရင်းမြစ်များ

1 RAJA'-RAJA' 6:5

Timbok tampilon ra liwar, iono tampilon ra kait, pamiris am talikuron ru Baloi ru Tuhan, binaal lamin-lamin ondo' tiningkat talu. Moonong satingkat 2.2 ngamito sawat no.

1 TUNUNG RU BANSA' ISRAIL 23:27

Sumugut ra susuban pupus intor ra Raja' Daut, ngaangai' ulun ru Liwi musiti' tulisin inggalan koson mangandoi paat umur no ruo ngoopor ngambilor.

1 TUNUNG RU BANSA' ISRAIL 23:29

Ilo niayuk musiti' mambaal ra baal ragitilo: ruti' ondo' pataakon ri Aki Kapuuno', tapung moonsoi kaga' ondo' pakayon koson ra taak, kuui malilis ondo' binaal kalo linatakan ra ragi, taak ondo' solobon, am tapung ondo' linatakan ra umau jaitun. Ilo niayuk musiti' manimbang am manuku' ra taak ondo' ibiton ra Baloi ru Tuhan.

1 TUNUNG RU BANSA' ISRAIL 23:4

Kopongo raginio 24,000 ngaulun risilo pinangandoi ru Raja' Daut koson manalingapu ra kandoi giu' ra Baloi ru Tuhan, 6,000 ngaulun koson manalingapu ra kandoi ru upis pamarintaan am mangakim ra pansangaran,

1 TUNUNG RU BANSA' ISRAIL 28:13

Raja' Daut niayuk nampataak ra inatangan pantayaran ra imam-imam am ulun-ulun ru Liwi, kandoi ondo' musiti' baalon nilo, iono mangandoi giu' ra Baloi ru Tuhan am magalung ra ngaangai' kuliamos ru sambayang.

2 TUNUNG RU BANSA' ISRAIL 23:4

Gitio noyo ondo' musiti' takau baalon. Paat ra imam-imam am ulun-ulun ru Liwi matong mangandoi paat ra orou Sabat, sampitalu intor risilo musiti' magalung ra kulobon garabang Baloi ru Tuhan,

2 TUNUNG RU BANSA' ISRAIL 23:6

Kolondo' osoi pana iowon sumubol ra ralalom Baloi ru Tuhan, ondo' ak am imam-imam am ulun-ulun ru Liwi ondo' tatanga' mangandoi. Iowon ilo sabap ra ilo patimpokon noyo. Kaa' ngaangai' ulun ra bokon musiti' gumagaya' ra susuban ru Tuhan am mayan giu' ra liwar.

2 TUNUNG RU BANSA' ISRAIL 29:15

Pinatimung nilo ulun ru Liwi intor ra bansa' ru sigagama', am ilo ngaangai' pana namasau ra inan. Koson ra ondo' rinagu ru raja', namasau ilo ra Baloi ru Tuhan sumugut ra Ukum ru Tuhan.

2 TUNUNG RU BANSA' ISRAIL 29:5

Raja' Gijkia minindagu risilo ra giu' no. Kono, “Akau ulun ru Liwi musiti' patimpokon inan ra tayar ru Tuhan am mamasau ra Baloi ru Tuhan, i Aki Kapuuno' min. Patiri' noyo ngaangai' kuliamos ondo' mampajamol ra Baloi ru Tuhan.

2 TUNUNG RU BANSA' ISRAIL 31:11

Sumugut ra susuban ru raja', tinampos nilo intok-intok pambulian giu' ra liliut Baloi ru Tuhan,

2 TUNUNG RU BANSA' ISRAIL 31:2

Raja' Gijkia nambaal saguli' ra pulalai ru imam-imam am ulun-ulun ru Liwi. Moonong pulalai inanian ra kandoi ra inaru', nakaaya' kandoi monolob ra taak simbalui koson mapabansuk ra guang ru Tuhan am mampataak ra taak simbalui koson makibarakat ra Tuhan, maya' ralalom ru upacara sambayang giu' ra Baloi ru Tuhan, am mongompor am niayuk maringkuanang giu' ra kukula' intok ra ralalom Baloi ru Tuhan.

IJRA 8:29

Alungi' kuliamos-kuliamos raginio ra matanda' saboi ra akau makasuku' giu' ra Baloi ru Tuhan. Giu' no ra maagu no, giu' ra lamin ru imam, timbango' noyo ngaangai' kuliamos raginio am pataako' noyo ra tingganai-tingganai ru imam, ulun ru Liwi am tingganai ru bansa' ru Israil giu' ra Jirusalim.”

NIGIMIA 11:24

I Pitaya anak ri Misgijabil intor ra bansa' ru Jira ralalom bansa' ru Jiuda, nasauk ra uakil ru bansa' ru Israil giu' ra istana ru raja' ru Pirsia.

NIGIMIA 13:9

Aku pana nanusub boo maa' raginio upacara pamasawan baalon tayar ru lamin-lamin no. Kopongo raginio nanusub aku ra ulun nampasaguli' ra ngaangai' kuliamos Baloi ru Tuhan, taak ra unor-unor am kaminyan ra lamin-lamin no.

JIRIMIA 35:4

am ongoi ra Baloi ru Tuhan. Inibit ku ilo ra lamin ru maamaya' ru Nabi Ganan anak ri Jigdalya. Lamin no giu' ra rasawat ru lamin ri Maasiya anak ri Salum, sangulun pagawai masawat giu' ra Baloi ru Tuhan. Lamin no niayuk mamaar ra lamin ru pagawai-pagawai ra bokon.

YEHEZKIEL 40:17

Nagibit ungkuyon no raki' nansail ra kulobon garabang minongoi ra liliut ra Baloi ru Tuhan. Giu' ra igig ru timbok ra liwar giu' ra liput ra Baloi ru Tuhan no binaal talu ngoopor ngalamin. Giu' ra saang ru lamin-lamin no mokoondo' intok inanian ra batu,

YEHEZKIEL 41:26

Intok raginio niayuk mokoondo' ra gigimpalan, am rinding no binungaan ra inukir ra puun palma.

YEHEZKIEL 42:13

Indagu ungkuyon no raki', “Karuruo baloi maayo no mapasau. Giti noyo intok ru imam-imam tumingkuang ra Tuhan mangakan ra taak ondo' matulai kaga'. Ginio sabap ra lamin-lamin no matulai, pabantaan ru imam-imam taak ondo' matulai kaga' ra giu' no: taak simbalui koson paringkuanangan ra Tuhan, taak simbalui koson makiampun ra tula, am taak simbalui koson mambayar ra kalubatan.

YEHEZKIEL 42:3

Rondo' kiing ru baloi maayo no tumingkuang ra intok ondo' naukab, ondo' pila' no 10 ngamito, giu' ra kiing ra Baloi ru Tuhan. Kiing ra bokon ru baloi maayo no tumingkuang ra intok makasulig batu giu' ra liliut ra liwar. Baloi maayo no talu ngatampas; moonong satampas binaal nakaralalom poyo intor ra tampas ra ragana' no.

YEHEZKIEL 44:14

Raino pongondoyon Ku ilo mambaal ra kandoi ondo' musiti' paugaron giu' ra Baloi Kuno.”