1 TUNUNG RU BANSA' ISRAIL 23:13 - Tanou Moonsoi Timugon

¹³ Anak katuaan ri Kigat, iono i Amram, iono ama' ri Arun am i Musa. (Koson ra sabubuoi no, i Arun am papag nano linili' koson manalingapu ra kuliamos ru sambayang, monolob ra kaminyan ra Tuhan, mangandoi ayuk Riso, am mambarakat ra mamagun ralalom inggalan ru Tuhan.

1 TUNUNG RU BANSA' ISRAIL 23:13 ပူးပေါင်းရင်းမြစ်များ

1 TUNUNG RU BANSA' ISRAIL 23:12

I Kigat mokoondo' apat ngaulun anak ungkuyon: Amram, Jijgar, Gibron am Ujiil.

1 TUNUNG RU BANSA' ISRAIL 6:3

I Amram mokoondo' ruo anak ungkuyon: Arun am Musa, am sangulun anak ruandu' ininggalanan ri Miriam. I Arun mokoondo' apat anak ungkuyon: Nadab, Abigu, Iliajar am Itamar.

1 TUNUNG RU BANSA' ISRAIL 6:34

Ilkana, Jirogam, Iliil, Toag,

MAZMUR 106:16

Giu' ra tana' kaagisan no sumolon ilo ri Musa, am niayuk ri Arun, ulipon Nano ra matulai.

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

KAINGKUALAN 28:36

“Baalo' noyo rondo' bubunga' intor ra mas kopoyo am tulisi' ra ragu, ‘Patimpokon ra Tuhan’ ra bubunga' no.

KAINGKUALAN 29:44

Mapakapasau Aku ra Kim am altar no, am patimpokon Ku i Arun am anak-anak nano koson mangandoi Raki' ayuk koson ra imam.

KAINGKUALAN 6:20

I Amram nagandu' ri Jokgibid, boborok ruandu' ru ama' nano; anak nilo iono i Arun am i Musa. Naayag i Amram buoi 137 ngambilor.

IMAMAT 10:10

Musiti' kau makapandai mapasuai ra atan ondo' paluntukon ri Aki Kapuuno' am atan ondo' kalo, am atan ondo' kalo majamol am atan ondo' majamol.

UNTABAN 18:1

Indagu Tuhan ri Arun, “Okou, anak-anak ungkuyon muno am ulun-ulun ru Liwi musiti' mansaan ra kinibit ru kasalaan ondo' nasauk, ondo' makakulawit ra kandoi giu' ra Kim Kuno. Kaa' okou am anak-anak ungkuyon muno ayuk ondo' mansaan ra kasalaan ondo' makakulawit ra kandoi ru imam.

UNTABAN 26:59

I Amram naguot ri Jokgibid, anak ruandu' ri Liwi. I Jokgibid inanak giu' ra Misir. I Amram am i Jokgibid makaanak ungkuyon ruo ngaulun, i Arun am i Musa, am sangulun anak ruandu' makainggalan ri Miriam.

UNTABAN 3:27

Bansa' ru Kigat intor ra sasambaloi ri Amram, i Jijgar, i Gibron am i Ujiil.

LUKAS 1:9

Sumugut ra pampilian, ondo' masalok baalon ru imam-imam, napili' io sumubol ra Baloi Tuhan am monolob ra kaminyan.

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

GALATIA 1:15

Kaa' sabap ra asi' ri Aki Kapuuno', nampili' Io raki' ra aku kalo poyo inanak, am nampiau raki' mangandoi Riso.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

SAGULION 21:5

Imam-imam ru bansa' ru Liwi niayuk musiti' mongoi ra giu' no, sabap musiti' ilo mangakim ra moonong baal ondo' makalabit ra kalaatan. Nampili' noyo Tuhan i Aki Kapuuno' min risilo koson mangandoi ayuk Riso am koson mambarakat ra ulun sabap ra inggalan Nano.

IBRANI 5:4

Kolondo' sangulun galama' mampili' sumauk ra Tingganai Maayo Imam, kaa' piawon io ri Aki Kapuuno', koson i Arun piniau ra galing i.

PINAINTALANG 8:3

Kopongo ragili ratong malaikat ra bokon ondo' nagibit ra pambulian ra kaminyan ondo' binaal intor ra mas, am bigor io ra saang ru panalaban no. Inanian io ra kaminyan masuang koson polotokon ra pakiasian ru ulun ri Aki Kapuuno' no. Solobon no boo ginio ra panalaban ra kaminyan ondo' binaal intor ra mas ondo' soroi ra saang ru takhta no.

1 SAMUIL 2:28

Intor ra ngaangai' bansa' ru Israil, pinili' Ku sasambaloi nano nasauk ra imam Kuno koson mangandoi giu' ra altar, monolob ra kaminyan, am mambayang ra efod paat makitulu' intor Raki'. Nanaak Aku risilo ra pangiawan koson mangalap ra santayaran intor ra taak simbalui ondo' solobon ra rasawat ru altar.