1 TUNUNG RU BANSA' ISRAIL 22:9 - Tanou Moonsoi Timugon

⁹ Kabalu' pana raginio binantu' No noyo raki'. Ragu Nano, ‘Mokoondo' kou ra sangulun anak ungkuyon, am mamarinta io ra matanda' sabap ra mangindangan Aku riso saboi kolondo' pantula' ondo' mangayou riso. Inggalanin io ri Salomo, sabap paat ra pamarintaan nano, baalon Ku Israil ra moonsoi am mamimio.

1 TUNUNG RU BANSA' ISRAIL 22:9 ပူးပေါင်းရင်းမြစ်များ

1 RAJA'-RAJA' 1:13

Ongoi no ra mataki' uma' ra Raja' Daut, am kuati' io, ‘Sala' ka kia okou nambantu' ra i Salomo, anak ungkuyon muno malit rirun koson ra raja'? Kua kia raino i Adonia no boo nasauk ra raja'?’ ”

1 RAJA'-RAJA' 2:15

Kon ri Adonia, “Nakapandai kou ra aku ti noyo ondo' sotopot no masauk ra raja', am ginio noyo ondo' lansanin ru moonong ulun ru Israil. Kaa' baal raginio kalo nasauk, am boborok kuno boo ondo' nasauk ra raja', sabap ra ginio noyo kasagaan ru Tuhan.

1 RAJA'-RAJA' 3:7

Iou Tuhan i Aki Kapuuno', nangiou Kou raki' masauk ra raja' minalit ra ama' kuno, kabalu' pana aku ti lakat poyo mamulok am kalo mapandai mamarinta.

1 RAJA'-RAJA' 4:20

Mamagun ru Jiuda am Israil masuang kaga', nogondo' ra kinasuang ru agis giu' ra kiing ru raat. Maukapan ilo ra akanon am inumon, am niayuk matasu' kaayagan.

1 RAJA'-RAJA' 4:24

Nanguasa' Raja' Salomo ra titikop ru tana' tampilon ra kalasaan ru Sungoi Iprat, intor ra Tipsa giu' ra Sungoi Iprat saboi ra kinagalur ru bandar Gaja giu' ra tampilon ra kalasaan. Ngaangai' ru raja' ra tampilon ru kalasaan ru Sungoi Iprat kinuasa' ru Raja' Salomo, am riminangan io ra ngaangai' ru pagun ra paginggaar.

1 RAJA'-RAJA' 4:25

Buoi ru Raja' Salomo naayag, mamagun giu' ra titikop ru Jiuda am Israil maayag ra moonsoi, moonong ru sasambaloi mokoondo' ra umo ru anggur am umo ru ara.

1 RAJA'-RAJA' 5:4

Kaa' raino Tuhan, i Aki Kapuuno' kuno nanaak ra kaansayan giu' ra titikop ru pagun kuno. Kolondo' pantula' kuno, am kolondo' boo baal malaat intor ra ati pana.

1 RAJA'-RAJA' 8:56

“Koompor noyo Tuhan ondo' nanaak ra ulun Nano ra kaansayan koson ra ondo' binantu' Nano ondo' pinabala' galing ri Musa, ulipon Nano. Ngaangai' ondo' moonsoi ondo' binantu' Nano sinugut No noyo.

1 TUNUNG RU BANSA' ISRAIL 17:11

Paat ra masaboi patayan muno, am lobongon kou giu' ra kalabangan ru kinamatuaan muno, lantikon Ku sangulun intor ra anak ungkuyon muno masauk ra raja', am ikangon Ku pamarintaan nano.

1 TUNUNG RU BANSA' ISRAIL 22:18

Kon ru Raja' Daut, “Tuhan i Aki Kapuuno' muno nangindangan noyo ramuyun. Nangani' Io ramuyun ra kaansayan giu' ra titikop pagun. Nangiou Io raki' nangala ra ngaangai' bansa' ondo' ragili minayan giti ra pagun ti. Raino ilo kinuasa' min am Tuhan.

2 TUNUNG RU BANSA' ISRAIL 6:15

Sinugut Mu bantu' Muno ra ama' kuli i Daut. Paat ra orou raiti', sinugut Mu atan ondo' binantu' Muli.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

MAZMUR 72:1

Intor ri Raja' Salomo. Iou Aki Kapuuno', pailaa' ukum Muno ra raja', pataako' katimpakan Muno riso,

MAZMUR 72:7

Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

JISAYA 26:12

Iou Tuhan, pinasauk Mu akai ra langkaya'; ngaangai' naalap maino ampos intor ra nangindanganan Mu ramon.

JISAYA 45:7

Aku noyo namangun ra sinda am kalandaman; Aku noyo maparatong ra barakat am karaat. Aku noyo Tuhan ondo' nambaal ra ngaangai' no.

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

JISAYA 66:12

Mindagu Tuhan, “Aniin Takamin ra kinalangkayaan ra sabuoi-buoi no. Kinalangkayaan ru pagun-pagun ra bokon tumilis ra pagun muno koson ra sungoi ondo' kalo igondo' kapua'. Masauk kau koson ra anak ondo' patition ru ina' nano, ondo' kubibilon am tagamin.

AGAI 2:9

Baloi Kuno ondo' bagu maindon poyo intor ragili, am giu' no panganian Ku ra ulun Kuno ra kalangkayaan am kaansayan.” Ginio noyo ragu ru Tuhan Ondo' Maayo Kaga' Kuasa'.

TINGGANAI RU BANSA' 6:24

Nambaal i Gidion rondo' altar tayar ru Tuhan ra giu' no am inggalani' no ra “Tuhan Puun ru Kaansayan”. Saboi raino altar no lakat poyo soroi giu' ra Opra, bandar longgom ru bansa' ru Abiijir.