1 TUNUNG RU BANSA' ISRAIL 22:2 - Tanou Moonsoi Timugon

² Raja' Daut nanusub maa' raginio ngaangai' ulun ru bokon ondo' minayan giu' ra pagun ru Israil tumimung, io pana nanusub risilo mangandoi. Santayaran risilo namahat ra batu koson mambaal ra Baloi ru Tuhan.

1 TUNUNG RU BANSA' ISRAIL 22:2 ပူးပေါင်းရင်းမြစ်များ

2 SAMUIL 5:11

Raja' Giram, intor ra pagun Tirus, nangator ra ulun-ulun sinusub nano mongoi ra Raja' Daut. Nangani' Raja' Giram ri Raja' Daut ra tataun sidar, manukang ra tataun am manukang ra batu koson mambaal ra istana.

1 RAJA'-RAJA' 6:7

Batu-batu ondo' pinakai koson mambaal ra Baloi ru Tuhan inula' giu' ra kuari, saboi kolondo' maining ra bolos ru tukul, kapak, kapoam kuliamos ru basi' ra bokon paat nambaal ra Baloi ru Tuhan.

2 RAJA'-RAJA' 12:12

ulun mangimbatu am ulun manuyu' ra batu. Ilo niayuk nambali ra tataun am batu koson mamuna' ra Baloi ru Tuhan, am niayuk nambayar ra ngaangai' balanja' ra bokon.

2 RAJA'-RAJA' 22:6

ru manukang ra tataun, mananambaloi, am manukang ra batu, am niayuk mambali ra tataun am batu ondo' makapakuan.

1 TUNUNG RU BANSA' ISRAIL 14:1

Raja' Giram intor ra Tirus nanusub ra duta-duta nano mongoi ra Raja' Daut, am nangator niayuk ra tataun sidar, ulun manukang ra tataun, am niayuk ulun manukang ra batu koson mambaal ra istana.

1 TUNUNG RU BANSA' ISRAIL 29:1

Indagu Raja' Daut ra ngaangai' ulun ondo' natimung ra giu' no, “Anak kuno, i Salomo pinili' timpoko' ri Aki Kapuuno'. Kaa' io lakat poyo mamulok am kolondo' natandaan, alika kandoi ti maayo kaga'. Ra am poyo ondo' baalon sala' ka istana ru ulun, kaa' baloi ru Tuhan i Aki Kapuuno'.

2 TUNUNG RU BANSA' ISRAIL 2:16

Tagaron mai tataun sidar giu' ra kagunungan Libanon ra kinasuang ondo' kitaakon muno. Bongkoson mai tataun-tataun balak no masauk ra rakit, am abason ginio giu' ra raat saboi ra Jopi. Intor ra giu' no maibit mu ginilo ra Jirusalim.”

2 TUNUNG RU BANSA' ISRAIL 2:17

Inuntob ru Raja' Salomo ngaangai' ulun bansa' ra bokon ondo' minayan giu' ra pagun ru Israil, koson ra ondo' binaal ru ama' nali, Raja' Daut. Ngaangai' no mokoondo' 153,600 ngaulun bansa' ra bokon ondo' nasauk ra mamagun ra giu' no.

IJRA 3:7

Mamagun nanaak ra ruit koson pambayar ra gaji' ru ulun manukang ra batu am ulun manukang ra tataun. Ilo niayuk nangator ra akanon, inumon am umau jaitun giu' ra bandar Tirus am Sidon koson aligin ra tataun sidar intor ra Libanon. Tataun no inibit ra Japo pinaaya' ra raat. Ngaangai' kandoi no binaal ra pangiawan intor ra Raja' Koris, raja' ru Pirsia.

IPISUS 2:12

Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.