1 TUNUNG RU BANSA' ISRAIL 22:19 - Tanou Moonsoi Timugon

¹⁹ Ginio ra, akau mangandoi ayuk ra Tuhan i Aki Kapuuno' min ra sotopot ru guang am sotopot ru salibuor. Talimpuuni' noyo mambaal ra baloi koson ra Tuhan maa' raginio Kaban Nabantuan Nano am ngaangai' kuliamos ra bokon ondo' pakayon timpokon koson ra sambayang mabulian ra giu' no.”

1 TUNUNG RU BANSA' ISRAIL 22:19 ပူးပေါင်းရင်းမြစ်များ

1 RAJA'-RAJA' 5:3

“Nakapandai kou ra Raja' Daut, ama' kuno magail mantula' kalalaat manggal ra pantula' intor ra pagun-pagun ra paginggaar nano. Kalo poyo nanaak Tuhan riso ra kamanangan ra ngaangai' ru pantula' nano, kalo nakapambaal io ra Baloi intok sumamba ra Tuhan, i Aki Kapuuno' nano.

1 RAJA'-RAJA' 8:21

Nambaal aku niayuk ra intok giu' ra ralalom ru Baloi ru Tuhan koson Kaban Nabantuan ondo' sinuangan ra batu nabantuan ru Tuhan am kinamatuaan takali, paat ra Io nagibit risilo miningkual intor ra Misir.”

1 RAJA'-RAJA' 8:6

Kopongo raginio imam-imam nagibit ra Kaban Nabantuan no ra ralalom ru Baloi ru Tuhan, am napabanta' raginio giu' ra Lamin Matulai Kaga', giu' ra ragana' ru sinungkalalaing kirub.

1 TUNUNG RU BANSA' ISRAIL 16:10

Io noyo Tuhan Ondo' Rondo' ayuk, pakaansuk no, sabap ra itakau longgom Nano; ngaangai' ondo' sumamba Riso polosoon maansukan!

1 TUNUNG RU BANSA' ISRAIL 16:11

Pakiindangan no ra Tuhan; samba no Riso ra masalok.

1 TUNUNG RU BANSA' ISRAIL 22:16

koson ra ulun manukang ra mas, ulun manukang ra pirok, ulun manukang ra gangsa' am ulun manukang ra basi'. Patalimpuuno' noyo kandoi no ra mataki'! Gama' ru Tuhan mabaya' rirun.”

1 TUNUNG RU BANSA' ISRAIL 22:7

Indagu Raja' Daut ri Salomo, “Okou anak kuno, nabuoi noyo ginuang ku mambaal ra rondo' baloi koson mangurumat ra Tuhan i Aki Kapuuno' kuno.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 TUNUNG RU BANSA' ISRAIL 20:3

Raja' Josapat malaa' am pakiasi' boo ra Tuhan nakitulu'. Io pana nanusub boo ra mamagun maa' raginio mampali.

2 TUNUNG RU BANSA' ISRAIL 5:7

Kopongo raginio imam-imam nagibit ra Kaban Nabantuan giu' ra Baloi ru Tuhan, am pinabanta' ginio giu' ra Lamin Matulai Kaga', ragana' ru sinungkalalaing kirub.

2 TUNUNG RU BANSA' ISRAIL 6:11

Pinabanta' ku noyo Kaban Nabantuan giu' ra ralalom Baloi ru Tuhan, Kaban ondo' sinuangan ra batu-batu nabantuan ondo' binaal ru Tuhan am ulun ru Israil.”

MAZMUR 119:2

Pakaansuk noyo ilo ondo' sumugut ra panusuban Nano, am gumagaya' Riso ra sotopot-topot no.

MAZMUR 14:2

Intor ra suruga' Tuhan maginduku' ra ulun koson maguyum ra ulun mapintar, ulun ondo' sumamba Riso.

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

KAINGKUALAN 25:8

Susubo' ulun raginilo mambaal Raki' ra rondo' kim matulai maa' raginio makaayan Aku risilo.

JISAYA 60:1

Tirong no, am kasauk no ra sinda, okou Jirusalim, sabap ra sinda pamayagan muno minatong noyo; I Aki Kapuuno' nanaak rirun ra sinda intor ra katulayan Nano.

JIRIMIA 29:13

Maguyum kau Raki' am matuum min Aku, sabap ra maguyum kau Raki' ra sotopot ru guang.

DANIL 9:3

Aku pana makiasi' toojo ra Tuhan, i Aki Kapuuno', nakimasi' Riso, liliwa' nampali am nambayang ra karung, am niayuk nanturung ra rasawat ru kaau.

AGAI 1:5

Ilai' noyo atan ondo' nasauk ramuyun!

AGAI 1:8

Raino, pagaloi no ra bulur-bulur koson mangalap ra tataun balak, am baalo' sagulio' Baloi Kuno. Aku pana mansayan ramuyun, am sambaan Aku poyo ra ralan ondo' sotopot no.

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 22:16

Raino, pai' no boo paginaa. Kaa' sukal am pakiriu' kou no. Pakiasi' no ra Tuhan maa' raginio palabuson kou intor ra ngaangai' tula muno.’ ”

SAGULION 4:29

Giu' no ra tauli no maguyum kau ra Tuhan i Aki Kapuuno' min, am amon maguyum kau Riso ra sotopot-topot ru guang, makatuum kau Riso.