1 TUNUNG RU BANSA' ISRAIL 22:16 - Tanou Moonsoi Timugon

¹⁶ koson ra ulun manukang ra mas, ulun manukang ra pirok, ulun manukang ra gangsa' am ulun manukang ra basi'. Patalimpuuno' noyo kandoi no ra mataki'! Gama' ru Tuhan mabaya' rirun.”

1 TUNUNG RU BANSA' ISRAIL 22:16 ပူးပေါင်းရင်းမြစ်များ

1 RAJA'-RAJA' 2:2

Indagu Raja' Daut, “Nasaboi noyo patayan kutu. Pangintopot no am baani kou.

1 RAJA'-RAJA' 7:47

Raja' Salomo kalo nanimbang ra kakamot-kakamot tambaga' no, sabap ra masuang kaga'. Ginio ra kalo napandayan bagat no.

1 TUNUNG RU BANSA' ISRAIL 22:11

Kon poyo ru Raja' Daut, “Ginio ra, okou anak kuno, gama' ru Tuhan, i Aki Kapuuno' muno masalok mabaya' rirun. Gama' ru makasugut kou mambaal ra baloi ru Tuhan koson ondo' binantu' Nano.

1 TUNUNG RU BANSA' ISRAIL 22:14

Intor ra Baloi ru Tuhan no, piniratan ku noyo toojo koson nanimung nasailan intor ra 3,400 ngatan mas am nasailan intor ra 34,000 ngatan pirok. Suai raginio mokoondo' gangsa' am basi' ondo' kalo mauntob suang no. Tataun am batu pana tinampos ku noyo, kaa' musiti' mu ruangin poyo ginio.

1 TUNUNG RU BANSA' ISRAIL 22:15

Mokoondo' kou ra masuang ulun mangandoi. Mokoondo' ulun ondo' makapangandoi giu' ra kuari, mokoondo' ulun manukang ra tataun, ulun manukang ra batu, am masuang kaga' ulun manukang ra bokon

1 TUNUNG RU BANSA' ISRAIL 22:3

Inula' ru Raja' Daut masuang kaga' basi' koson mambaal ra paku' am ingsil ru kulobon-kulobon garabang ra Baloi ru Tuhan. Inula' no niayuk masuang kaga' gangsa' saboi kalo maalap katimbang.

1 TUNUNG RU BANSA' ISRAIL 28:10

Karaa' noyo toojo ra Tuhan nampili' rirun koson mambaal ra baloi ra rorondo' koson Riso. Ginio ra, raino baalo' noyo kandoi no ra guang mingkotog toojo.”

1 TUNUNG RU BANSA' ISRAIL 29:2

Kuliamos-kuliamos koson ra baloi no am parabot nano tinampos ku noyo ra ngaangai' ru nasaanan kuno. Inula' ku noyo mas, pirok, gangsa', basi', tataun, batu-batu mologo, am batu-batu ru intan, batu nansalinut batik koson ra pamunga', am batu marmar ondo' masuang kaga'.

2 TUNUNG RU BANSA' ISRAIL 1:1

Raja' Salomo, anak ungkuyon ru Raja' Daut nangikang ra pamarintaan nano ra Israil, am Tuhan, i Aki Kapuuno' nano nambarakat riso, am niayuk nampasauk riso ra totopot makakuasa'.

2 TUNUNG RU BANSA' ISRAIL 20:17

Kalo pana mangayou kau ralalom ru pangayawan ti. Alapo' noyo intok min am paginaa no. Makakito kau ra Tuhan mangani' ramuyun ra kamanangan. Pai' no kalaa' kapoam pagantangan, akau mamagun ru Jiuda am Jirusalim! Uma' kano ra pantula'; Tuhan mabaya' ramuyun!”

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

IPISUS 5:14

Sabap ra atan ayuk pasalulaan ru sinda, makaintalang noyo. Ginio sabap ru ragu ragitio, “Tirong kano, ondo' nombolong, am kaayag noyo saguli' intor ra kapatayan! I Kristus suminda ramuyun.”

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

JOSUA 1:2

Indagu Tuhan, “Minatoi noyo ulipon Kuno i Musa. Moonsoi tumampos kau, okou am ngaangai' ulun ru Israil. Laup noyo ra Sungoi Jordan am ongoi noyo ra tana' ondo' taakin Kuno risilo.

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

JOSUA 7:10

Indagu Tuhan ri Josua, “Bigor noyo! Kua kia kubu kou koson raginio?

TINGGANAI RU BANSA' 4:14

I Dibora pana mindagu ri Barak, “Jalai no! Tuhan mabaya' ramuyun! Paat orou raiti' nanaak noyo Tuhan ra kamanangan ramuyun ri Sisira.” Ginio ra tuun i Barak intor ra Gunung Tabor nabaya' ra mopor ngaribu ulun nano.

1 SAMUIL 17:37

Namayag noyo Tuhan no raki' intor ra singa' am baawang; Mamayag Io niayuk raki' intor ra ulun ru Palistin no.” Indagu i Saul, “Iou noyo. Ongoi no, gama' ru Tuhan no mabaya' rirun.”

1 SAMUIL 20:13

Kaa' amon ru makaguang io koson mapajamar rirun, polosoon noyo Tuhan no mamatoi raki' amon ru kalo mambala' aku rirun ra baal raginio am mamayag rirun. Gama' ru mabaya' Tuhan no rirun koson Io mabaya' ra ama' kuno ragili!