1 TUNUNG RU BANSA' ISRAIL 22:14 - Tanou Moonsoi Timugon

¹⁴ Intor ra Baloi ru Tuhan no, piniratan ku noyo toojo koson nanimung nasailan intor ra 3,400 ngatan mas am nasailan intor ra 34,000 ngatan pirok. Suai raginio mokoondo' gangsa' am basi' ondo' kalo mauntob suang no. Tataun am batu pana tinampos ku noyo, kaa' musiti' mu ruangin poyo ginio.

1 TUNUNG RU BANSA' ISRAIL 22:14 ပူးပေါင်းရင်းမြစ်များ

1 RAJA'-RAJA' 10:14

Suai ra cukai ondo' pabayaron ru ulun-ulun mantatalan, kalabaan intor ra pantatalanan, cukai ondo' pabayaron ru raja'-raja' ru Arab am gabenor-gabenor ru pagun ru Israil, mangapu Raja' Salomo ra mas maar 23,000 ngakilogram ra moonong bilor.

1 RAJA'-RAJA' 7:47

Raja' Salomo kalo nanimbang ra kakamot-kakamot tambaga' no, sabap ra masuang kaga'. Ginio ra kalo napandayan bagat no.

2 RAJA'-RAJA' 25:16

Kuliamos-kuliamos gangsa' ondo' binaal ru Raja' Salomo, iono ruo ngantaun lugu', ngaangai' ru kurita' kuda, am tangki' ondo' maayo, maagat kaga' saboi kalo matimbang.

1 TUNUNG RU BANSA' ISRAIL 22:15

Mokoondo' kou ra masuang ulun mangandoi. Mokoondo' ulun ondo' makapangandoi giu' ra kuari, mokoondo' ulun manukang ra tataun, ulun manukang ra batu, am masuang kaga' ulun manukang ra bokon

1 TUNUNG RU BANSA' ISRAIL 22:3

Inula' ru Raja' Daut masuang kaga' basi' koson mambaal ra paku' am ingsil ru kulobon-kulobon garabang ra Baloi ru Tuhan. Inula' no niayuk masuang kaga' gangsa' saboi kalo maalap katimbang.

1 TUNUNG RU BANSA' ISRAIL 29:2

Kuliamos-kuliamos koson ra baloi no am parabot nano tinampos ku noyo ra ngaangai' ru nasaanan kuno. Inula' ku noyo mas, pirok, gangsa', basi', tataun, batu-batu mologo, am batu-batu ru intan, batu nansalinut batik koson ra pamunga', am batu marmar ondo' masuang kaga'.

JIRIMIA 52:20

Kuliamos-kuliamos gangsa' ondo' binaal ru Raja' Salomo koson ra Baloi ru Tuhan, iono ruo ngantaun lugu', kurita' kuda, tangki' maayo am mopor am ruo ngainan sapi' ondo' napatampakan no – ngaangai' no maagat kaga' saboi kalo matimbang.

2 KORINTUS 8:2

Kininaman ilo toojo ru nansalinut kapaganan, kaa' naansukan ilo toojo. Kabalu' pana musikin ilo toojo, kaa' mataau ilo mangani' ra ulun bokon.