1 TUNUNG RU BANSA' ISRAIL 21:26 - Tanou Moonsoi Timugon

²⁶ Nambaal Raja' Daut rondo' altar ru Tuhan ra giu' no, am nampataak ra taak simbalui koson mapabansuk ra guang ru Tuhan am taak simbalui koson makibarakat ra Tuhan. Io pana pakiasi' boo am nangiou Tuhan ra pakiasian nano ra namparatu' ra apui intor ra limbowon koson monolob ra taak-taak simbalui raginio giu' ra rasawat ru altar no.

1 TUNUNG RU BANSA' ISRAIL 21:26 ပူးပေါင်းရင်းမြစ်များ

1 RAJA'-RAJA' 18:24

Polosoon noyo nabi-nabi Baal makiasi' ra dewa nilo, am aku makiasi' ra Tuhan. Ondo' tumaam am mangator ra apui, Io noyo i Aki Kapuuno'.” Nabaya' ra bolos ondo' mosongou ngaangai' ru mamagun giminolok ra mangiou ilo.

1 RAJA'-RAJA' 18:38

Kopongo raginio nampatuun Tuhan ra apui intor ra limbowon am nonolob ra taak simbalui no nabaya' ra luton, batu am tana' saboi timug giu' ra parit no mapua'.

1 TUNUNG RU BANSA' ISRAIL 21:27

Nanusub Tuhan ra malaikat mampasubol ra ilang nano ra angkap, malaikat no pana giminagaya'.

2 TUNUNG RU BANSA' ISRAIL 3:1

Raja' Daut, ama' ru Raja' Salomo, nangaru' noyo ra tana' ru Baloi ru Tuhan. Intok no giu' ra Jirusalim, giu' ra rasawat ru Bulur Moria, ondo' pinakai ri Arauna, ulun ru Jibusi no, koson ra intok mangagik ra gandum. Giu' no minintalang Tuhan ra Raja' Daut. Tinalimpuunan ru Raja' Salomo pambaalan

2 TUNUNG RU BANSA' ISRAIL 7:1

Kopongo Raja' Salomo nakiasi', apui riminatu' intor ra limbowon am nonolob ra taak-taak simbalui ondo' pinataak no, am sinda ratangan ru Tuhan nakatikop ra Baloi ru Tuhan.

MAZMUR 51:15

Aku pana mangila' ra panusuban Muli ra ulun makatula, maa' raginio sumaguli' ilo Rirun.

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

MAZMUR 99:9

Omporo' noyo Tuhan, i Aki Kapuuno' takau am sambaan Io giu' ra tampak ru bulur Nano ondo' matulai! Tuhan, i Aki Kapuuno' takau ra matulai.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

UNTABAN 16:50

Pokolonggo' maruol tumapik no, saguli' i Arun ri Musa giu' ra kulobon ru Kim ru Tuhan.

TINGGANAI RU BANSA' 13:20

Tatanga' simbula' ru apui minsawat intor ra altar no, nakito ri Manoa am andu' nano malaikat ru Tuhan sumaboi ra limbowon ralalom simbula' ru apui no. Bagu no nakaliman i Manoa ra ondo' nakito nano iono malaikat ru Tuhan. Io am andu' nano pana kiminubu samba. Kalo boo igondo' ilo pakakito ra malaikat no.

TINGGANAI RU BANSA' 6:21

Malaikat ru Tuhan pana nampatutui ra tataun ondo' ginuut nano, am pinakambong pompor ru tataun no ra kual am ruti' no. Napaangan batu no am nangumpo ra kual am ruti' no. Kopongo raginio liot ru malaikat no intor ra pagilangan.