1 TUNUNG RU BANSA' ISRAIL 21:23 - Tanou Moonsoi Timugon

²³ Taam i Arauna, “Raja' kuno, alapo' noyo, baalo' noyo ngaangai' kasagaan muno raja'. Alapo' noyo sapi'-sapi' ti koson ra taak simbalui koson mapabansuk ra guang ru Tuhan, am alapo' noyo papan pangagikan koson ra luton. Alapo' noyo gandum koson pataakon koson ra taak simbalui kaunaran. Taakin ku ngaangai' no rirun raja'. Kalo pana bayarin mu logo no.”

1 TUNUNG RU BANSA' ISRAIL 21:23 ပူးပေါင်းရင်းမြစ်များ

1 RAJA'-RAJA' 19:21

Kopongo raginio uli' i Ilisa koson mangalap ra nantutuop ra sapi' nano, am simbaluyo' no, am ansako' no. Luton nano tataun pinamparadu'. Pasulungo' no akanon no ra ngaangai' ulun ra giu' no am ilo pana nangakan. Kopongo raginio minaya' i Ilisa ri Ilia koson ra mangindangan nano.

1 TUNUNG RU BANSA' ISRAIL 21:22

Indagu Raja' Daut riso, “Masaga' aku mambaal ra altar ru Tuhan ra intok ragitio. Ginio ra talano' tana' ti raki'. Raguo' noyo kula' logo no, am bayarin ku.”

1 TUNUNG RU BANSA' ISRAIL 21:24

Kaa' taam raja', “Kalo, masaga' aku mambali raginio ra logo toojo. Marara' aku mampataak ra longgom muno ra Tuhan, kapoam ngaangai' ondo' maalap kuno ra kalo bayarin.”

JIRIMIA 32:8

Topot koson ra rinagu noyo ru Tuhan, minatong i Anamiil raki' giu' ra liliut ru istana, am nangitaak koson balion ku tana' no. Ginio boo ra mangintopot aku ra topot-topot Tuhan minindagu raki'.

1 SAMUIL 6:14

Minuog padati no mamaar ra rondo' batu maayo giu' ra umo ri Josua, sangulun mamagun ru Bit-Simis. Mamagun ru bandar no nampalapak ra padati tataun no am nanimbalui ra ruo ngainan sapi' no, am pataako' ngaangai' no ra tayar ru taak simbalui koson mapabansuk ra guang ru Tuhan.